Ululahu Samuel 10:22 - Buka Blahi Ka Cheke Holo

²² Aonu mare ne tarai eghu ka Lord, “Lord, au aheva si mana gnea?” Eghuteuna Lord ne falalase ne cheke eghu, “Mae Sol na tei poru delei, ka nomi glepo ghotilo ra.”

Ululahu Samuel 10:22 ပူးပေါင်းရင်းမြစ်များ

Jajis 20:18

Ame tei nga ka magra teuna maedi Israel igre ne tei Betel mala toreni God, mare ne tarai eghu, “Ihei ka ghehati nate tei magra ka vikegna Benjamin igne?” Lord ne cheke eghu, “Vikegna Juda nate batu ghami ghotilo na.”

Naba 27:21

Eghuteuna mana mala lelheghu kolho ka mae pris Eleasa mala tangomana mana te lasedi gaoghathogu iara re. Mae pris igne ginauna eni ka nafnata thina te kiloni Urim nei Thumim mala lalahu khale ke ulugu iara Lord, mala lasedi gobigna lepo te magnahaghedi iara re. Eghume ka puhi igne, iara ginauna batuni mana baludi naiknodi Israel gre ka gobigna lepo te edi mare re.”

Luku 14:11

Eghume, mae ihei te nhaꞌa faꞌuluni thegna na, God ginauna nake nhaꞌa faleghuni mana. Nu mae ihei te nhaꞌa faleghuni thegna na, God ginauna nake nhaꞌa faꞌuluni mana.”

Ululahu Samuel 15:17

Mae Samuel ne cheke eghu, “Tifa na, iagho jame neke kaisei fiti mae kolho neku ka gaoghathomu na, nu gognarona iagho nodi mae mala baubatu vikegna Israel. Eigna Lord neke fablahi nigho iagho mala nodi king maedi Israel.

Ululahu Samuel 9:21

Aonu mae Sol ne cheke eghu ka mae Samuel. “Iara vikegna mae Benjamin, eghuteuna vike ikoi kolho ke lamnagna vikeda tahati maeda Israel. Eghuteuna vikegna mae kmagu iara na theo nanghagna ka vikegna mae Benjamin. Eghume naugna unha sagho te eni ka iara u nafnata cheke ignea?”

Jajis 1:1

Ke leghugna te lehe mae Josua na, naiknodi Israel igre ne ghusna eghu ka Lord, “Vikegna ihei gne nate kulu tei magra ka naiknodi Kenan igre?”

Jenesis 25:22

Kate bukla teu Rebeka na, phei sua nalhaꞌu te au teu ka thi'agna Rebeka na igre neke magra. Aonu Rebeka neke magnahaghei te laseni gaoghathogna igne neke tei ghusna eghu ka Lord, “Lord, naugna unha site magra teu phei sua te au ka thi'agu iara na grea?”

Ululahu Samuel 10:21

Eghuteuna mana ne chekedi tharakna ka vike igne mala mei. Eghuteuna Lord ne vahini tharaknagna mae Matri. Eghuteuna mae te gnafa ka tharakna igne ne kafe mei. Aonu Lord ne vahini mae Sol, thugna mae Kis. Nu kate hironi mana teu mare na, mare ne theome tangomana te filoni mana na.

Ululahu Samuel 14:37

Aonu king ne toreni mae pris mala ghusna eghu ka God, “Ba, keliu ngala te tei ghehati te magra ka armi gna Filistia na? Jame te tei ghehati na, iagho ginauna tangomana te togho ghami ghehati te mala uluni magra igne na?” Nu God ne theome cheke tughu ka mana ka vido tuana.

Ululahu Samuel 22:10

Mae Ahimelek neke tarai ka Lord mala laseni unha God nate eni ka mae Devet. Mana jaola tusu lao keha gano ka mana. Eghuteuna mana tusu lao ka mana nogna naflahi mae Golia mae nhetagna Filistia.

Ululahu Samuel 23:9

Nu kate nomhini mae Devet thoutonu eigna mae Sol te magnahaghei faleheni na, mae Devet ne cheke eghu ka mae pris Abiata, “Atha mei efod ia mala tarai ka Lord.”

Ululahu Samuel 30:7

Aonu mana tei ne filoni mae pris Abiata, thugna mae Ahimelek. Aonu mana ne cheke eghu ka mae Abiata, “Atha mei efod blahi ia mala tarai ka Lord.” Aonu mae Abiata atha ne mei phoko blahi igne.

Ululahu Samuel 30:8

Aonu mae Devet ne cheke ka mana mala tore eghu ka Lord, “Ba, iara tangomana ngau te tei ke leghudi mae te mei goigoni ghami ghehati ra? Jame te tei ghehati na, ghehati ginauna na tei thokedi mare?” Lord ne cheke tughu eghu ka efod blahi igne, “Iagho ginauna tangomana nate tei fakarhidi nou naiknore. Tei sagho ke leghudi, iagho ginauna na tangomana nate tei thokedire mala ke atha fapulo naikno teke atha mare ra.”

Fapea Samuel 2:1

Ke leghugna te lehehi mae Sol ghe mae Jonatan igne, mae Devet ne tarai eghu ka Lord, “Lord, iara tangomana te tei au ka kaisei namono jare Juda na, ba theo?” Lord ne cheke eghu, “Uve, iagho tangomana te tei na.” Aonu mae Devet ne cheke eghu ka Lord, “Ka namono aheva nate tei au iara na?” Lord ne cheke eghu ka mana, “Iagho tei au ka namono Hebron.”

Fapea Samuel 21:1

Ka narane te kegra funei King Devet igre, kaisei nhigra behu ne thoke mei. Eghuteuna naiknodi phei kantri Israel ghe Juda igre ne theome naba gano ne rofo nabagna thilo finogha. Aonu mae Devet ne tarai ka Lord mala laseni gaoghathogna te theo gano te rofo mare igne. Lord ne cheke tughuni nogna tharai mana igne, ne cheke eghu ka mana, “Puhi biꞌo igne thoke mei naugna King Sol nei vikegna teu mana igre ne falehe naikno. Uve, mana neke aknu falehe maedi Gibeon ra.”