Ululahu Samuel 10:19 - Buka Blahi Ka Cheke Holo

¹⁹ Iara nomi God ghotilo eigna iara neke fakarhi ghami ka puhi biꞌo nei ka narane te ninhigrana. Nu gognarona, ghotilo theome magnahaghei ghau iara, eghuteuna ghotilo magnahagheni fara kaisei king. Eghume, ghotilo mala fofota vikemi nei tharaknami teu gre mala mei ka iara, mala vahini iara nomi king ghotilo na.”

Ululahu Samuel 10:19 ပူးပေါင်းရင်းမြစ်များ

Ululahu Samuel 12:12

“Nu kate filoni ghotilo King Nahas gna Amon te namo mei magra baluda tahati na, ghotilo neke theome magnahagheni Lord te mala noda king tahati na, aonu ghotilo neke cheke eghu ka iara, ‘Ghehati magnahaghei kaisei king mala funei fruni ghami.’

Ululahu Samuel 8:19

Nu naiknore ne tirodi fanomho ka nogna cheke mae Samuel igre ne cheke eghu ka mana, “Theo! Ghehati magnahagheni kaisei king!

Josua 24:1

Josua ne cheke ka vike te gnafa Israel mala kafe mei ka namono Sekem. Kate thoke mare ka vido igne, mana ne kilodi mae biꞌo nei mae mala baubatu, nei hatimare mae funei, nei mae komanda mala mei kegra ke ulugna nogna Suga Tapuale te Blahi Lord.

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Naba 17:2

“Iagho ginauna cheke ka naiknodi Israel are mala atha mei nabotho phei khodo ka iagho, nabadi nabotho phei mae lidadi vikegna Israel are. Eghuteuna riso nanghadi nabotho phei mae lida igre ka khodo tuare.

Naba 11:20

Thono theo fara, mare ginauna ima nabagna kaisei nhigra. Neubane jifla ka nehudi, foflodi, ba ghilei babaꞌodi neu mare, mare mala ima nafnahi re ghilei gnafa. Puhi igne thoke ghami ghotilo naugna iara au ngala balumi ghotilo, nu ghotilo tiromi ghau iara, nei cheke fapari ghau neke cheke eghu, ‘Mala unha site jifla kokoni tahati Ijep gnea?’ ”

Diutronomi 17:14

Aonu mae Moses ne cheke eghu, “Kate hata ghotilo glose aheva Lord, nomi God nate tusu ari ka ghotilo te mala au tagna na, ghotilo ginauna na ghaoghatho eghu, ‘Tahati nabada na jame vahini kaisei noda king mala funei fruni ghita jateula keha kantri te au faligoho ghita igre eghu.’

Jajis 8:23

Nu mana ne cheke eghu ka mare, “Iara theome naba te funei fruni ghami ghotilo na, eghuteuna thugu iara na jaola theome naba te funei fruni ghami ghotilo na. Lord kolho naba te funei fruni ghita tahati na.”

Ululahu Samuel 10:20

Mae Samuel ne cheke ka nabotho phei vike igre mala mei namo. Aonu Lord ne vahini vikegna mae Benjamin.

Ululahu Samuel 14:23

ne aknu falehedi, magra igne ne ghilei tei salaꞌu ka namono Bet-Aven. Ka narane tuana, Lord ne thofno toghoni armigna Israel ne uluni magra igne.

Ululahu Samuel 14:38

Aonu king ne cheke eghu ka hatimare mae komanda, “Mei agne ghotilo, mala hironi unha teke eni fadiꞌa tahati ginei na.

Proveb 16:33

Mae te lalahu khale te mala laseni unha te mala eni na teuna. Nu cheke tughugna na mei funu ka Lord.

Ululahu Samuel 3:21

Eghuteuna leuleghu fata na Lord tangomana te mei ka mae Samuel Saelo, te cheke ka mana na.

Ululahu Samuel 4:1

Eghuteuna kate cheke mae Samuel na, tharaknagna Israel igne ne kafe fanomho ka mana. Kaisei fata, maedi Israel igre ne tei magra ka maedi Filistia. Maedi Israel igre ne lisei haghe nodi suga tapuale re ka namono Ebenesa, eghuteuna maedi Filistia gre jaola ne lisei haghe nodi suga tapuale re ka namono Afek.

Ululahu Samuel 8:5

Eghuteuna mare tei ne cheke eghu ka mana, “Iagho gognarona la kuekuꞌe farahi, eghuteuna phei mae thumu iagho igre theome leghudi kolho puhimu iagho te keli gre eghu. Naugna igne, ghehati magnahaghei nigho iagho te vahini kaisei nomi king, mala funei fruni ghami jateula keha kantri te au nodi king are eghu.”