Ululahu Samuel 10:11 - Buka Blahi Ka Cheke Holo

¹¹ Nu kate filoni mae iheire te laseni mae Sol unha te edi mana igre, mare ne cheke eghu, “Ei! Thugna mae Kis ia si ignea? Ba? Mae Sol gne kaisei mae profet langau signea?”

Ululahu Samuel 10:11 ပူးပေါင်းရင်းမြစ်များ

Jone 7:15

Hatimare mae biꞌodi mae Jiu gre ne jaglo nodi fara kate nomhidi nogna farirhiu mana re ne cheke eghu, “Mae igne neke theome tei kolho ka sikolu. Faꞌunha ne lasedi fara si mana glepo igrea?”

Ululahu Samuel 19:24

Kate tei mana rhegna mae Samuel na, mana atha koko nogna pohe na ne ragi nei koje neu mala kilo fnaknoni God. Mana uka pari ne thuru soesole ne ghilei romno, eghuteuna mana thuru fabrahu ka vido tuana ne ghilei rane. Naugna igne, naiknore ne ghusna eghu, “Mae Sol gne jaola kaisei mae Profet signea?”

Mae Khuru 9:21

Naikno te gnafa te nomhini mana re ne kafe jaglo nodi, ne cheke eghu, “Tore! Igne si mae teke fariuriu falehedi naikno te fatutuani ni mae Jisas ia! Mana neke eni puhi tuana Jerusalem, eghuteuna gognaro mana kela mei enila glepo tuana agne eghu. Mana mei agne mala lokidi nogna fanomho mae Jisas re mala hata tei ka mae pris ulu re.”

Mae Khuru 4:13

Hatimare mae biꞌo re ne jaglo nodi kate filodi mae Pita ghe mae Jone te theome mhaghu kate cheke ke uludi mare na. Mare lasedi phei mae igre neke theome tei sikoluni u glalase na, phiamare au kolho ka namono. Nu kate filoni te theome mhaghu phei mae igre na, mare neke ghatho fapuloni phei mae igre neke tei tafri balugna mae Jisas.

Mae Khuru 3:10

Mare te hui na kafe glanini mana, naugna mana mae te tore sileni koba tifa kau grengatha te kiloi mare “U grengatha te khuakhuda,” teu tuana. Mare ne jaglo nodi fara kate filoni teke kelihi mae teke blughu na.

Profet Emos 7:14

Nu iara ne cheke eghu ka mana, “Nogu gloku iara na theome jateula nodi gloku mae profet ra eghu. Theo. Iara mae mala reireghi buluka nei nogu sipu gre eghu, eghuteuna iara reireghidi kolho nogu nagare gaju fig teu igre.

Profet Emos 7:15

Nu Lord neke hata fajifla ghau iara ka nogu gloku na, eghuteuna mana neke cheke faheta ka iara mala mei toutonuni nogna cheke mana na ka ghotilo nogna naikno mana te au ka kantri Israel.