Ululahu Samuel 1:20 - Buka Blahi Ka Cheke Holo

²⁰ Eghuteuna Hana ne bukla, eghuteuna naꞌa ne au kaisei thugna nalhaꞌu ne kiloni Samuel, gaoghathogna na “Lord ne nomhini ghau iara.” Naugna naꞌa neke tore ka Lord mala tusu ranghini sua.

Ululahu Samuel 1:20 ပူးပေါင်းရင်းမြစ်များ

Matiu 1:21

Naꞌa ginauna na au kaisei thugna nalhaꞌu eghuteuna iagho na kiloni mana Jisas, naugna mana ginauna na fakarhidi nogna naiknore kau nakhibodire.”

Eksodas 2:10

Ke leghu kate biꞌo haghe te rheta mae sitei na, idogna na neke atha fapulo ka thugna king, ihei te tajini jateula te thofno thugna thegna neu. Eghuteuna naꞌa ne cheke eghu, “Naugna iara neke atha hagheni mana ka khoꞌu na, iara ginauna kiloni mana Moses.” Gaoghathogna Moses teu igne, “hata haghe ka khoꞌu” eghu.

Eksodas 2:22

Ke leghu, Sipora ne karha kaisei thugna nalhaꞌu, eghuteuna mae Moses ne ghaoghatho eghu, “Iara kaisei mae phosa ka namono igne. Eghume, iara kiloni mae sitei igne Gesom. Gaoghathogna nangha igne, ‘Mae phosa.’ ”

Jenesis 16:11

“Eghuteuna iagho gognaro na bukla hi, eghuteuna iagho ginauna na theome raugha na au kaisei thumu nalhaꞌu. Iagho na kiloni mana Ismael, gaoghathogna na “God ne nomhini” eghu. Naugna Lord ne laseni te au papara iagho nei nomhini teu nou natanhi iagho na.

Jenesis 5:29

Mae Lamek ne kiloni nanghagna thugna na Noa, ne cheke eghu, “Mae Noa gne ginauna togho ghita tahati mala gnafa noda katha vido ka noda gloku nei nakmusa teu ka glose teke tithibrini Lord igne.” Gaoghathogna mae Noa teu igne “gnafa” eghu ka cheke Hibru.

Jenesis 4:25

Kaisei fata mae Adam ghe Ivi neke au kaisei thudi nalhaꞌu. Aonu Ivi ne cheke eghu, “God kela tusu mei ka iara keha sua teke toreni iara te mala ke tughuni Abel teke aknu poru mae Kein tifa ia.” Aonu repa ne kiloni nanghagna thudi na Set. Gaoghathogna Set teu igne “tusu mei” eghu ka cheke Hibru.

Hibru 11:32

Eghume, na jare ghu gnafa iara. Iara theo nogu narane te mala tonudi ka ghotilo eigna mae Gidion, mae Barak, mae Samson, mae Jefta, mae Devet, mae Samuel nei hatimare mae profet.

Jenesis 30:22

Aonu God ne ghathoni Resel ne cheke tughuni nogna tharai naꞌa na ne fatangomanai naꞌa te mala au sua na.

Ululahu Kronikols 4:10

Kaisei fata mae Jabes neke tarai eghu ka nodi God maedi Israel, “God, fablahi ghau nei tusu mei ka iara kmana vido glose. Iara tore nigho iagho mala au balugu iara, thosei snakreni kaisei hoholo mala thoke ghau iara mala theome haimini iara kaisei khabru.” Aonu God ne tusu ranghini mana gobigna lepo teke toredi mana igre.

Nodi Khoje Hatimare Mae Jiu 120:1

Kate au teu iara ka hoholo na, iara ne ehani Lord God, aonu mana ne cheke tughu ka iara.