Ululahu Samuel 1:19 - Buka Blahi Ka Cheke Holo

¹⁹ Hamerane boibongi ka keha narane na, mae Elikana nei tharakna gna kegra haghe ne tufru soruni Lord. Gnafa teuna reꞌe neke figri Rama. Eghuteuna mae Elikana ne thuru balugna Hana, eghuteuna Lord ne cheke tughuni nogna tharai Hana na.

Ululahu Samuel 1:19 ပူးပေါင်းရင်းမြစ်များ

Jenesis 21:1

Lord ne fablahini Sera jateula teke chekeni mana na neu.

Ululahu Samuel 1:11

Hana ne eni kaisei naꞌa cheke ne cheke eghu, “Lord iagho mae ihei te au nolaghi fateote'o. Kokhoni ghau iara. Filo meini puhi biꞌo te au ka iara igne. Ghatho mei ghau, those ghatho koko ghau! Jame te tusu mei iagho kaisei sua ka iara na, iara nhaꞌa cheke, iara ginauna nake tusu fapulo ka lagho, mala nou mae gloku iagho ka nakarha gna fateo na. Eghuteuna mala laseni naiknore mae igne mala nou mae gloku iagho, eghuteuna mare ginauna theome kuchi khaklagna na.”

Jenesis 30:22

Aonu God ne ghathoni Resel ne cheke tughuni nogna tharai naꞌa na ne fatangomanai naꞌa te mala au sua na.

Jenesis 4:1

Mae Adam ne thuru balugna Ivi khetogna na ne au kaisei thugna nalhaꞌu. Naꞌa ne cheke eghu, “Iara na kiloni nanghagna sua igne mae Kein, naugna Lord la togho ghau iara la atha kaisei thugu nalhaꞌu.” Gaoghathogna Kein teu igne “atha” eghu ka cheke Hibru na.

Luku 23:42

Mae glalama igne figri ne cheke eghu, “Jisas, kate mei iagho balu nou nolaghi te mala King na, ghatho ghau iara eghu.”

Nonomho Te Keli Teke Risoi Mae Mak 1:35

Hamerane boibongi ka keha narane na, mae Jisas dofra ne jifla ka suga na. Mana tei ka kaisei vido te nagou ne tarai jare.

Nodi Khoje Hatimare Mae Jiu 119:147

Ame haghe nga naprai na teuna, iara kilo nigho mala mei fakarhi ghau. Leuleghu fata na iara fatutuanidi fabrahu nou cheke iagho te tutuanire.

Nodi Khoje Hatimare Mae Jiu 55:17

Fei hamerane nei fei naublatha nei fei grafi teuna iara tanhi ka mana eidi puhi te fadiꞌa ghau re. Eghuteuna mana ginauna na nomhidi nogu tharai iara re.

Nodi Khoje Hatimare Mae Jiu 25:7

Lord, ghatho ihodi nakhibo nei najafra eghu teke edi iara kani mae majaghanigu ra. Naugna iagho namha ghau nei keli ranghi ghau eghu iara koba.

Ululahu Samuel 9:26

Mae Samuel dofra haghe hamerane boibongi ne ehani mae Sol ne cheke eghu ka mana, “Dofra gho. Iara ginauna tei lisei ghami ghopa ka nabrou gno mala tei ka namono.” Aonu mae Sol dofra haghe, eghuteuna mae Samuel ne jifla baludi phiamare ka namono na.

Jenesis 8:1

God ne theome ghatho ihoni mae Noa nei glepo tautagu te au teu balugna mana ka vaka na. Aonu God ne kuru meini kaisei nuri ne mei ka nauthoglu gne. Eghuteuna khoꞌu na neke funu thugha soru pari.

Nodi Khoje Hatimare Mae Jiu 136:23

Kate mei noda naokare te tapla soru ghita te au teu tahati pari na, mana theome ghatho iho ghita. Mana ne namha ghita tahati tifa tifa.

Nodi Khoje Hatimare Mae Jiu 5:3

Hamerane na iagho nomhini naoglagu iara na. Lord, kate phagegna naprai na, iara mei tarai ke ulumu iagho, eghuteuna iara ofoni gho mala cheke tughudi nogu tharai gre.

Ululahu Samuel 2:11

Aonu mae Elikana ghe Hana neke figri Rama, nu mae sua Samuel au neu Saelo mala toghoni pris Eli ka nogna gloku Lord.

Ululahu Samuel 1:1

Kaisei mae nanghagna na Elikana, mana au ka namono biꞌo Rama ka thogele Efrem. Kmagna na mae Jeroham gragna mae Elihu. Mare karha mei ke leghugna gna mae Tohu, ka vike gna mae Sufu jare Efrata.

Ululahu Samuel 7:17

Nu leuleghu fata na, mana ke pulo mei Rama ka nogna namono na. Eghuteuna mana jaola fatedi puhi biꞌo te edi naiknore. Eghuteuna ka namono igne mana ne eni kaisei olta mala tufru soruni Lord.

Josua 18:25

Eghuteuna mare au keha namono langau, nanghadi re igre, Gibeon, nei Rama, nei Berot,

Ululahu Samuel 8:4

Aonu nodi mae mala baubatu mae Israel gre ne kafe tei mala filoni mae Samuel ka namono Rama.

Ululahu Samuel 15:34

Ke leghugna igne, mae Samuel neke tei Rama, eghuteuna mae Sol neke tei Gibea.

Ululahu Samuel 16:13

Aonu mae Samuel atha oliv oel ne tofa ka phaꞌugna mae Devet na ke uludi mae thabusigna manare. Funu ka narane igne, Tharunga gna Lord na ne mei au fabrahu balugna mana. Ke leghugna igne, mae Samuel neke pulo Rama.

Ululahu Samuel 19:18

Mae Devet rikha ne tei Rama ka mae Samuel. Aonu mana ne toutonu ka mae Samuel unha te eni king Sol ka mana na. Aonu phiamare jifla Rama ne tei Naeot.

Ululahu Samuel 25:1

Kate lehe profet Samuel na, naiknogna Israel na ne kafe mei ne tanhi ka mana. Gnafa teuna, mare ne giugiluni mana Rama ka nogna namono na. Ke leghugna igne, mae Devet ne tei Paran ka namono nagou na.

Fapea Kings 4:17

Nu naikno biꞌo igne ginauna na bukla, eghuteuna ka nhigra tuanala ka finogha ke leghu na, naꞌa ne karha kaisei thugna nalhaꞌu jateula teke chekeni mae Elisa na neu.