Ululahu Samuel 1:15 - Buka Blahi Ka Cheke Holo

¹⁵ Nu naꞌa ne cheke eghu, “Mae biꞌo, iara theome dranga. Iara theome ko'u waen ba beer. Iara diꞌa nagnafagu fara, eghume iara tarai ka Lord. Iara cheke fajifladi unha te fadiꞌa nagnafa ghau gne.

Ululahu Samuel 1:15 ပူးပေါင်းရင်းမြစ်များ

Nodi Khoje Hatimare Mae Jiu 62:8

Kheraguro, God na noda vido keli mala poru tahati. Eghume te keli na ghotilo fatutuani ni fabrahu mana, ghotilo cheke fajifladi puhi te biꞌo te au teu ka nagnafamire.

Lamentations 2:19

Leghu bongi, kate tughu mae te reireghi igre, jame te keli na iagho dofra haghe mala tanhi ka Lord. Ngafa haghe khame ka mana, mala toreni mana mala toghodi goro sua. Goro sua igre glehe grofo heva heva ka sulukhugna nabrou biꞌo na.

Nodi Khoje Hatimare Mae Jiu 42:4

God, tifara iara neke batudi kmana naikno neke tei ka sugamu iagho na. Iara neke baludi mare neke tei balu glealeꞌa, balu khoje nei balu kilo fnakno nigho. Nu kate ghatho fapulodi iara glepo igre, gaoghathogu na iara tanhi nogu fara.

Nodi Khoje Hatimare Mae Jiu 143:6

Gognaro na nakarhagu iara na thono jateula glose te mojara eghu. Eghume iara ngafa haghe khamegu na ka iagho balu tharai, naugna iara thono magnahaghei nigho iagho fara te jateula kaisei mae te magnahaghei koꞌura teuna.

Proveb 15:1

Thoghei famane cheke ka mae te thono diꞌatagna fara na, mana ginauna ke jemnu soru. Nu jame te cheke faheta fara iagho na, mana ginauna brana salaꞌui.

Thoutonu Eigna Mae Job 30:16

“Gognarona, nakarhagu iara na namo tei dofini. Eghuteuna iara au papara leuleghu narane kolho.

Proveb 25:15

Te thoghei te famane cheke eghuteuna theome ghosei me diꞌatamu iagho teuna, iagho tangomana te figri nagnafagna mae biꞌo te tirogna fanomho ka nou cheke iagho na, neubane maku jateula thina neu.

Ululahu Samuel 1:16

Those ghathoni iagho ne kaisei naikno diꞌa iara teuna. Iara tarai naugna iara gne thofno diꞌa nagnafagu fara.”

Ululahu Samuel 7:6

Aonu mare ne kafe khapru Mispa balugna mae Samuel mae ihei te nodi mae funei mare na. Eghuteuna mare ne krisu khoꞌu ne tofa soru ka glose na jateula fafara eghu ka Lord. Eghuteuna mare ne theome ghamu kaisei narane thongana, eghuteuna mare ne cheke thakleni eigna mare te tapla jafra fara ka tathagna Lord na.

Nodi Khoje Hatimare Mae Jiu 62:9

Naikno gre jateula nuinuri te jifla mei ka foflogna naikno na nu tei la dofini la teu ia eghu kolho. Naikno te fnakno nei fiti naikno kolho teugre kaisei nanaba ngala, kafe theo nafudi kolho ka tathagna God. Jame fagefe haghedi ghotilo ka skel meuna, mare na jateula nuri eghu theome tahu kolho.

Proveb 14:10

Theo kaisei mae te laseni nogna diꞌanagnafa keha naikno na. Eghuteuna mana thegna kolho te laseni nogna gleale'a na.