Ululahu Samuel 1:11 - Buka Blahi Ka Cheke Holo

¹¹ Hana ne eni kaisei naꞌa cheke ne cheke eghu, “Lord iagho mae ihei te au nolaghi fateote'o. Kokhoni ghau iara. Filo meini puhi biꞌo te au ka iara igne. Ghatho mei ghau, those ghatho koko ghau! Jame te tusu mei iagho kaisei sua ka iara na, iara nhaꞌa cheke, iara ginauna nake tusu fapulo ka lagho, mala nou mae gloku iagho ka nakarha gna fateo na. Eghuteuna mala laseni naiknore mae igne mala nou mae gloku iagho, eghuteuna mare ginauna theome kuchi khaklagna na.”

Ululahu Samuel 1:11 ပူးပေါင်းရင်းမြစ်များ

Jajis 13:5

Eghuteuna ke leghugna narane te karha sua igne, iagho ginauna thosei kuchi khaklagna mana na, naugna funu ka narane igne iagho ginauna fablahini ka God mala kaisei Nasaraet. Eghuteuna mana ginauna funu loku mala fakarhidi naiknodi Israel ka nodi nolaghi vikegna Filistia.”

Naba 6:5

“Eghuteuna kate kaisei ghotilo baludi tothoghei Nasaraet gre na, ghotilo thosei kuchi nei thosei ghoighori khakla mire eghu. Uve, ghotilo thosei kuchi ghilei salaꞌu narane teke nhaꞌa cheke themi ka iara na, lisa lao mala brahu khakla ka phaꞌumi are.

Eklesiasti 5:4

Jame iagho eni kaisei nhaꞌa cheke ka God, iagho faghose leghuni nhaꞌa cheke teke eni iagho igne thosei ofo me raugha. God na theome kelitagna ka iheire te theome leghuni nodi nhaꞌa cheke na.

Jenesis 29:32

Gognaro na Lea ne au kaisei thugna nalhaꞌu. Eghuteuna Lea ne cheke eghu, “Lord la filonihi nogu diꞌanagnafa iara na. Eghume gognaro na khetogu iara gne ginauna nake magnahaghei ghau iara.” Aonu naꞌa ne kiloni nanghagna thugna ulu lahu na Ruben. Gaoghathogna nangha Ruben teu igne, “Lord ne filoni nogu diꞌanagnafa iara na.”

Nodi Khoje Hatimare Mae Jiu 25:18

Ghatho mei ghau, eigna iara gne au papara fara, nei kokhoni ghau eghu. Hata fadeleidi nakhibogu fateote'o gre.

Ululahu Samuel 1:19

Hamerane boibongi ka keha narane na, mae Elikana nei tharakna gna kegra haghe ne tufru soruni Lord. Gnafa teuna reꞌe neke figri Rama. Eghuteuna mae Elikana ne thuru balugna Hana, eghuteuna Lord ne cheke tughuni nogna tharai Hana na.

Jenesis 30:22

Aonu God ne ghathoni Resel ne cheke tughuni nogna tharai naꞌa na ne fatangomanai naꞌa te mala au sua na.

Jajis 11:30

Mana ne eni kaisei nhaꞌa cheke ka Lord. Mana ne cheke eghu, “Jame snakreni iagho te uluni iara nogna armi mae Amon na,

Naba 6:8

Eghume te kaisei tothoghei Nasaraet ghotilo na, ghotilo nogu naikno gloku blahi iara Lord.

Jenesis 28:20

Eghuteuna mae Jekop ne nhaꞌa cheke eghu ka God, “Jame te au iagho balugu iara, nei reireghi ghau iara teu ka nabrou te brahu te magnahaghei tei iara igne, iagho tusu ranghi ghau iara gano nei pohe,

Fapea Samuel 16:12

Jau Lord na lasedihi puhi te diꞌa te au ka iara igre, eghuteuna mana ginauna edi glepo te keli ka iara mala ke tughu fapulo puhi te cheke fadiꞌa ghau iara mana igre.”

Naba 21:2

Aonu naiknodi Israel re ne eni kaisei nhaꞌa cheke ka Lord, ne cheke eghu, “Jame snakre mei iagho naikno igre ka khamemi ghehati meuna, ghehati ginauna goigonidi namono te gnafa mare re.”

Naba 6:11

Aonu mae pris ginauna atha kaisei balhu mala fafara mala ke klino mae tuana ka tathagu iara na, eghuteuna ke atha keha na mala fafara gahu te knoro ia eghu. Mae pris ginauna edi glepo tugre mala ke klino mae Nasaraet gne ka tathagu iara na, naugna diꞌa fara te tei mare rhedi naikno te lehe re. Aonu ka narane tuana la, mana ginau ke fabrahu khaklagna re mala ke klino mana ka tathagu iara na.

Eksodas 4:31

Mare te gnafa na ne kafe fatutuani eigna Lord teke kuru meini Moses. Eghuteuna kate nomhini Lord te kokhonidi naiknore, nei filo glanidi nodi naꞌau papara re teuna, naiknore pogho soru ne tarai ka Lord.

Jenesis 8:1

God ne theome ghatho ihoni mae Noa nei glepo tautagu te au teu balugna mana ka vaka na. Aonu God ne kuru meini kaisei nuri ne mei ka nauthoglu gne. Eghuteuna khoꞌu na neke funu thugha soru pari.

Ululahu Samuel 1:12

Hana tharai heta fabrahu ka Lord, eghuteuna mae Eli ne filo tutu ka phepeo gna naꞌa na.

Ululahu Samuel 1:22

Nu Hana ne theome tei baludi ne cheke eghu ka khetogna na, “Kate biꞌo sua na iara ginauna hata tei mala au fabrahu mana ka Suga gna Lord na.”

Ululahu Samuel 1:27

Iara neke toreni ka Lord sua igne, eghuteuna mana neke tusu mei unha teke toreni iara na.

Ululahu Samuel 1:28

Eghume, iara ginauna lisa lao sua igne ka khame gna Lord. Ka nakarhagna fateote'o na, mana ginauna mala nogna Lord fabrahu.” Eghuteuna mare ne pogho soru ne kilo fnaknoni Lord Saelo.

Ululahu Samuel 2:20

Eghuteuna leuleghu fata kate tei repa na, mae Eli fablahidi koba mae Elkana ghe Hana, ne cheke eghu, “Iara toreni Lord mala ke tusu ari keha sua ka ghopa tughugna mae sua teke tusu fapulo ghopa ka mana igne.” Gnafa teuna repa neke figri ka nodi namono na.

Proveb 31:2

Thuguo, iara teke fakarhi nigho na, eghuteuna iara thofno kelitagu fara. Iara neke toreni God eghuteuna mana neke tusu mei ka iara.

Levitikas 27:2

“Jame kaisei naikno gna Israel magnahaghei snagla ke leghugna narane teke eni nhaꞌa cheke blahi te mala snakreni thegna ba kaisei thugna mala eni nogu gloku iara na,