Ululahu Samuel 1:1 - Buka Blahi Ka Cheke Holo

¹ Kaisei mae nanghagna na Elikana, mana au ka namono biꞌo Rama ka thogele Efrem. Kmagna na mae Jeroham gragna mae Elihu. Mare karha mei ke leghugna gna mae Tohu, ka vike gna mae Sufu jare Efrata.

Ululahu Samuel 1:1 ပူးပေါင်းရင်းမြစ်များ

Ululahu Samuel 1:19

Hamerane boibongi ka keha narane na, mae Elikana nei tharakna gna kegra haghe ne tufru soruni Lord. Gnafa teuna reꞌe neke figri Rama. Eghuteuna mae Elikana ne thuru balugna Hana, eghuteuna Lord ne cheke tughuni nogna tharai Hana na.

Ululahu Samuel 17:12

Mae Devet gne maegna Betlehem, thugna mae Jesi. Eghuteuna mae Jesi gne au nhana thugna nalhaꞌu. Mana neke karha mei ka vikegna mae Efrata ka kokhologna mae Juda. Ka narane te king mae Sol igne, mae Jesi la khuekuꞌehi.

Ululahu Samuel 9:5

Kate tei phiamare ke lamnagna nodi vido glose vikegna mae Suf igne na, mae Sol ne cheke eghu ka mae gloku na, “Tapa nake figri ka namono. Jame te theo na, mama ginauna na theome ghathodi dongki igre, nu mana ginauna nanga ghita tapa kolho.”

Jajis 19:1

Kani theo nodi king teku naiknodi Israel igre, kaisei mae ka vikegna Livae au mata ka thogele ka nogna glose Efrem. Kaisei narane mana hata kaisei fapea khetogna Betlehem jare Juda.

Jajis 17:1

Kaisei mae nanghagna na Maeka, vikegna Efrem. Mana au ka thogele ka nogna glose Efrem.

Matiu 27:57

Ka grafi tuana kaisei mae dedei gna Arimatea, nanghagna na mae Josep mei Jerusalem. Mana kaisei nogna fanomho mae Jisas.

Jajis 12:5

Armigna Gilead igne jaola ne lilisei mae mala reireghi ka vido te gnafa aheva soldiadi Efrem tangomana te tei kasa ka Khoꞌu biꞌo Jordan teke pulo ka nodi namono re. Kate filoni kaisei mae ka vikegna Efrem mei te tore mala kasa ka khoꞌu na teuna, mae greireghi igre ginauna ghusna eghu, “Iagho vikegna Efrem?” Eghuteuna jame te cheke eghu mana na, “Theo,”

Josua 24:33

Kate lehe Eliesa thugna Eron igne, mare ne giugiluini mana ka namono Gibea ka thogele nogna rijon Efrem, ke lamnagna glose teke tusu lao mare ka thugna mana Finehas.

Ululahu Kings 11:26

Eghuteuna kaisei nogna ofisa King Solomon, mana jaola ne naoka ranghini mae Solomon. Mae igne nanghagna na mae Jeroboam, thugna mae Nebat maegna Sereda, vikegna mae Efrem, eghuteuna idogna na Serua, kaisei thau glehe kokoi.

Ululahu Samuel 2:11

Aonu mae Elikana ghe Hana neke figri Rama, nu mae sua Samuel au neu Saelo mala toghoni pris Eli ka nogna gloku Lord.

Ululahu Samuel 7:17

Nu leuleghu fata na, mana ke pulo mei Rama ka nogna namono na. Eghuteuna mana jaola fatedi puhi biꞌo te edi naiknore. Eghuteuna ka namono igne mana ne eni kaisei olta mala tufru soruni Lord.

Ululahu Kronikols 6:22

Thugna mae Kohat re igre: Mae Kohat gne neke kmagna mae Abinadab, eghuteuna mae Abinadab gne neke kmagna mae Kora, eghuteuna mae Kora gne neke kmagna mae Asiri.

Ululahu Kronikols 6:33

Igre mae te mala hulu khoje re: Mae Heman, mae ihei teke karha ka vikegna mae Kohat. Eghuteuna susureigna mana na neke funu mei ka kmagna mae Joel, thugna mae Samuel. Mae Samuel gne neke thugna mae Elkana. Mae Elkana gne neke thugna mae Jeroham. Mae Jeroham gne neke thugna mae Eliel. Mae Eliel gne neke thugna mae Toha. Mae Toha gne neke thugna mae Suf. Mae Suf gne neke thugna mae Elkana. Mae Elkana gne neke thugna mae Mahat. Mae Mahat gne neke thugna mae Amasaea. Mae Amasaea gne neke thugna mae Elkana. Mae Elkana gne neke thugna mae Joel. Mae Joel gne neke thugna mae Asaraea. Mae Asaraea gne neke thugna mae Sefanaea. Mae Sefanaea gne neke thugna mae Tahat. Mae Tahat gne neke thugna mae Asiri. Mae Asiri gne neke thugna mae Ebiasaf. Mae Ebiasaf gne neke thugna mae Kora. Mae Kora gne neke thugna mae Isaha. Mae Isaha gne neke thugna mae Kohat. Mae Kohat gne neke thugna mae Livae. Eghuteuna mae Livae gne neke thugna mae Israel.

Jajis 4:5

Naꞌa tangomana te gnokro ke parigna nogna gaju thubo na farihoteidi phei namono Rama ghe Betel, ka thogele ka nodi glose vikegna Efrem. Eghuteuna iheire te au nodi faripholai igre tangomana te tei filoni naꞌa mala fadoglidi nodi puhi biꞌo re.

Ululahu Samuel 9:4

Aonu mae Sol ne hata balugna kaisei mae ne tei ka thogele ka nohi Efrem mala hirodi dongki te snivi ra ka vido te gnafa falithuini Salisa, nu phiamare jaola ne theome tangomana te kadire ka vido te gnafa igre. Ke leghu, phiamare ne tei ka nohi Salim, nu phiamare ne theome kadi ka nohi Salim. Aonu phiamare ne tei ke lamnagna nohigna Benjamin, nu dongki igre jaola ne dofidi ka nohi igne.

Ululahu Kronikols 6:12

Mae Ahitub neke kmagna mae Sadok, eghuteuna mae Sadok neke kmagna mae Salum.