Ululahu Pita 5:8 - Buka Blahi Ka Cheke Holo

⁸ Tarabana koba nei doadofra fakeli eghu! Naugna nomi naoka ghotilo mae Satan, mana tei tafri jateula kaisei lion te rofo eghu nguru tafri hironi ihei mala roꞌeni mana.

Ululahu Pita 5:8 ပူးပေါင်းရင်းမြစ်များ

Efesus 6:11

Fahaghe nomi gobigna lepo mala magra teke tusu ari God ka ghotilo are mala nabami te kegra fanogradi nogna saosagro te diꞌa mae Satan.

Jemes 4:7

Eghume, iara magnahaghei ghami ghotilo te leghuni koba unha te chekeni God na, thosei leghuni unha te chekeni mae Satan na. Aonu, mae Satan ginauna na rikha koko ghami ghotilo.

Thoutonu Eigna Mae Job 2:2

Lord ne ghusna eghu ka mana, “Satan, iagho neke mei funu aheva?” Satan ne cheke eghu, “Iara nolo tafri kolho heva heva ka nauthoglu igne.”

Efesus 4:27

Thosei snakreni mae Satan mala fadiꞌani nakarhami na.

Ululahu Pita 1:13

Eghume gognaro na ghotilo tarabana fabrahu nagnafamire mala leghuni Lord nei filo fakeli eghu. Eghuteuna farerheta gaoghathomire ka glepo te keli God nate tusu ranghi ghami ka narane ke pulo meigna mae Jisas Kraes.

Ululahu Pita 4:7

Nu tahati la mei namohi ka narane gobigna lepo ka nauthoglu igne ginauna hui. Eghume te keli na ghotilo ghaoghatho fakeli, nei filo fakeli eghu mala tangomana ghotilo te tarai na.

Luku 21:36

Eghuteuna ghotilo mala tarabana fabrahu. Tarai fabrahu eghu mala tangomana ghotilo te nheta teu te mala nabami te kafe rikhadi glepo te diꞌa fara nate mei ginau igre. Jaola ghotilo tarai fabrahu mala tangomana te mei kegra ke ulugu iara mae teke mei funu ka God.”

Luku 22:31

Mae Jisas ne cheke eghu, “Ghema Simon, God ginauna na snakreni mae Satan mala fariuriu ghami ghotilo gnafa mala laseni mae ihei te maku nogna fatutuani na ka ghotilo.

Taetus 2:12

God neke namha ghita tahati mala hatini tahati u karha tuana mala theome tangomana tahati te mamagnadi puhi te diꞌare nei leghudi u puhidi naikno te theome laseni God re. Nu God magnahaghei ghita tahati te mala reireghi fakeli ghita theda kau nauthoglu igne. Mana jaola magnahaghei ghita te edi unha glepo te keli tagnadi mana kau narane te ofoni teu tahati balu grouronu biꞌo ka meigna noda mae Fakarhai Jisas Kraes. Mana ngala mae noda God te biꞌo tahati na, mana ginauna na thakle mei balu siasigla.

Thakle 12:12

Naugna igne, kligna nei ghotilo hui te au jare ra mala kafe gleale'a! Nu nauthoglu nei nhorora teura fiofilo ghami! Naugna mae Satan, mae funeidi naitu te gnafare neke soruhi ka ghotilo. Mana thono diꞌatagna fara, naugna mana lasenihi te kmo'e farahi nogna narane te mala baubatudi naikno te gnafare ka nakhibo.”

Jone 8:44

Ghotilo mae kmami na mae Satan. Ghotilo nogna naikno mana eghuteuna ghotilo magnahaghei edi unha glepo te magnahaghedi mana re. Mana kaisei mae falehe naikno funu tifa. Mana theome magnahaghei te leghuni u nabrou te tutuani na, naugna theo kaisei tutuani ke lamnagna mana. Mana kaisei mae chaichaghi, eghuteuna mana jateula chaichaghi te chekedi thegna tuare eghu. Eghuteuna, u chaichaghi te gnafare mei funudi ka mana.

Matiu 13:39

Eghuteuna Satan jateula mae naoka te joꞌu sokiaro ia eghu. Nu narane leghu lahu gna nauthoglu igne jateula narane te mala pulei wit ra eghu. Eghuteuna nogna engel God igre jateula mae gloku te mala pulei wit ra eghu.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Matiu 24:42

“Eghume ghotilo tarabana fakeli nomi fabrahu. Naugna ghotilo theome laseni narane mala ke pulo meigna nomi Lord na.

Thakle 20:10

Aonu mare ginauna koko laoni mae Satan ka kholo khaꞌaghi te ngire ka thina te ngaja fara. Satan, mae ihei te chaichaghidi naiknore, ginauna au baludi bosu ghe mae profet chaichaghi. Thilomare na au jare mala papara bongi narane tifa tifa.

Luku 21:34

“Fiofilo ghami ghotilo ia! Na eghunu ima ghemi kolho, koꞌu ghemi kolho, ba nangani kolho eghu ghotilo glepo gna nauthoglu igne. Naugna jame te eghu ghotilo na, ghotilo ginauna theome tangomana te ghaoghatho fadoglo eigna thofno nakarha na. Eghuteuna narane leghu lahu na ginauna megei nga mei kate theome tarabana teu ghotilo na.

Profet Sekaraea 3:1

Iara neke filoni keha mifi te fakakhana Lord ka iara na. Ka mifi igne, iara filoni pris biꞌo Josua kegra ke ulugna nogna engel Lord. Eghuteuna Satan jaola kegra jare, fei nhetagna pris biꞌo, eghuteuna Satan tarabana keha nogna gaoghatho mala cheke faparini Josua.

Taetus 1:8

Nu mana kaisei mae mala namhadi nei reireghidi eghu keha naikno te mei ka sugagna mana re. Mana kaisei mae mala magnahaghe te edi koba glepo te kelire. Nu mana kaisei mae mala reireghini thegna. Nogna gaoghatho mana re mala doglo koba nu puhigna mana re mala keli fara ke ulugna God nei edi koba unha glepo te magnahaghedi God re. Mana theome mala u nafnata naikno te snakreni u thinigna thegna na te mala funei frunini u nakarhagna na.

Fapea Timoti 4:17

Nu Lord Jisas Kraes togho ghau iara ne tusu mei nolaghi ka iara mala thofno toutonuni u Nonomho te Keli na mala kafe nomhini naikno te theome Jiure. Eghume mana togho fabrahu ghau iara mala theome tangomana mare te fate falehe ghau iara na nei theome snakre lao ghau iara ka lion mala ghamu ghau iara.

Profet Emos 3:8

Kate eha fabiꞌo lion na, mae te nomhini igne ginauna mhaghu nogna fara. Eghuteuna kate cheke fabiꞌo Lord na, mae te nomhi chekegna mana igne ginauna cheke fajiflani chekegna mana na.

Taetus 2:6

Nu iagho ginauna na jateula tuana eghu mala famane farirhiudi goro mae majaghani are mala reireghi fakelidi mare thedi nei au fakeli eghu.

Taetus 2:2

Famane farirhiudi goro mae biꞌo are mala reireghi fakelidi thedi, mala au fakeli, nei mala lalase eghu. Nu mala nheta nodi fatutuani na, nei mala nheta nodi namha na, nei mala loku famaku ka unha glepo te keli na.

Profet Hosia 11:10

Iara ginauna na eha fabiꞌo jateula lion eghu ka keha lion mala mei ka mana, eghume nogu naikno iara igre ginauna nake pulo mei ka iara funu ka namono te gnafa igre.

Profet Isaia 50:8

Naugna God na au balugu iara, eghuteuna mana ginauna na chekeni te theo kaisei najafra ka iara na. Ba? Ihei gne te magnahaghei athi ghau iara ka fate na? Uve keli fara, mana tangomana te atha tei ghau iara ka fate na mala chekeni mana unha teke eni fadiꞌa iara na.

Proveb 20:2

Diꞌatagna mae funei na jateula lion te fangangara ra eghu. Te faꞌeiꞌei iagho te diꞌatagna mana na, iagho ginauna lehe.

Nodi Khoje Hatimare Mae Jiu 104:21

Sua lion re nguru fabiꞌo ka vido aheva te tei hiro gano na. Uve, reꞌe hiro ra ghedi gano teke tusu ranghidi iagho re.

Ululahu Timoti 2:15

Nu God ginauna fakarhidi gaꞌasere kate fakarha sua na. Tutuani, God ginauna fakarhidi reꞌe eghu te fatutuani fabrahu, namha, klino, nei au fakeli fabrahu teu reꞌe ka nakarhadire.

Thakle 20:2

Aonu, mae engel na ne hata pholi biꞌo na ne haru ka chen biꞌo. Pholi igne, pholi gna tifa, te kiloni tahati mae Satan ba mae funeidi naitu te gnafare. Engel na ne koko soru pholi biꞌo na lamna glave te mamhara fara na ne bibilakhi famaku grengathagna glave na. Pholi biꞌo igne ginauna au fabrahu lamna glave balu chen ghilei thokeni kaisei thogha finogha. Ke lamnadi narane igre mana ginauna theome tangomana te chaichaghidi naikno te gnafa ka nauthoglu igne te mala eni puhi te diꞌa na. Nu ke leghugna te gnafa kaisei thogha finogha na, God ginauna nake snakre fajiflani pholi biꞌo igne katha vido kmoꞌei kolho.

Taetus 2:4

Naugna tuana me reꞌe tangomana te farirhiu fakelidi goro gaꞌase majaghani are mala namhadi rehati khetodi nei thudi teure.

Ululahu Timoti 3:11

Jateula tuana eghu khetogna na, naꞌa mala baubatu nila nakarha te keli na, eghuteuna naꞌa theome mala vuavuha chekedi keha naiknore, nu naꞌa mala reireghi fakelini thegna. Eghume naꞌa mala nafnata gaꞌase tahati te ghatho tahuni fabrahu.

Profet Joel 3:16

Lord ginauna au Jerusalem ka Thogele blahi Saion, ne eha fabiꞌo. Eghuteuna naoglagna mana igne biꞌo fara jateula fila eghu, eghuteuna maloa ghe nauthoglu igre ginauna nghali tongana. Nu Lord ginauna reireghi fakelidi fabrahu nogna naiknore.

Ululahu Timoti 2:9

Eghuteuna iara jaola magnahaghedi gaꞌasera mala pipichi pohe te nabadi, thosei fahaghe kmana nafnata pohe ba phoko te theome raꞌe doglo ka tathagna naikno na. Thosei flehi khakla ba lilisei gol ba buli siasigla ka pha'ure, ba ghathoni te mala pipichi pohe te foli ka sileni te biꞌo fara te mala fakhuakhudadi thedi.

Matiu 4:1

Tharunga te Blahi na batuni mae Jisas ne tei ka namono nagou na mala mei mae Satan mala fariuriuni mala jafra mana.

Profet Hosia 13:8

Iara ginauna na jateula bea te diꞌatagna te kathu sasaka glepo te tautagu te mei te blau thugna ra eghu ka ghotilo. Eghuteuna iara ginauna na kafe falehe ghami ghotilo hui jateula lion te faleheni buluka biꞌo na te ghamu fahui ia eghu.

Ululahu Timoti 3:2

Eghume mae ihei te mala baubatu ka khiloau na mana mala kaisei mae doglo fara, eghuteuna theo kaisei naikno te filoni kaisei najafra ka mana na. Mana mala tolaghi ka kaisei gaꞌase ngala eghuteuna tangomana te mala reireghi fakelini thegna. Mana theome mala ghosei diꞌatagna, nu mana kaisei mae mala au doglo fabrahu. Eghuteuna mana tangomana te mala reireghi fakelidi naikno te posa mei ka sugagna na, eghuteuna mala laseni puhi farirhiu na.

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Matiu 4:11

Aonu, Satan ne tei kokoni mae Jisas. Eghuteuna nogna engel God re mei ne toghoni mae Jisas.

Profet Emos 3:4

Lion te au teu mata na ginauna eha fabiꞌo kate hata ghegna gano na. Jame kaisei lion majaghani au lamna khora thina, ba, naꞌa na eha kate rofo na? Uve!

Profet Daniel 6:24

Aonu mae king ne cheke ka nogna mae glokure mala hata meidi mae iheire teke fateni mae Daniel ra. Aonu mare hata ne mei mae igre baludi khetodi nei thudi teure mala koko soru ka khora lion igne. Naikno igre theome tei thoke neu pari ne hui ka lion.

Profet Esikiel 22:25

Mae profet di Israel igre edi keha gaoghatho te diꞌa mala goigonidi naiknore jateula lion te rofo te ku'e fabiꞌo kate ghamu nafnahidi glepo tautagu te kathu falehe thedi re. Mare aknu falehe naiknore, eghuteuna hata nodi sileni mare re baludi keha glepo langau eghu. Kmana mae te aknu falehe mare re, eghuteuna khetodi mae te lehe igre au glehe kokoi.

Proveb 19:12

Mae funei te diꞌatagna na, mana jateula lion te fangangara ra eghu. Nu mae funei te gleale'a na, mana jateula famane nakhete te soru mei ka nagare ra eghu.

Nogna Buka Esta 7:6

Esta ne cheke eghu, “Iara chekeni mae Haman kolho. Mae igne nomi naoka ghehati, eghuteuna mana gognarona tarabana mala falehe ghami ghehati.” Kate nomhini igne, mae Haman ne thofno mhaghu nogna fara ke uludi King ghe Kuin.

Jajis 14:5

Eghuteuna Samson nei idogna kmagna teu igre ne sukha Timna. Eghuteuna kate nolo te tei mana ka kaisei nagare grep rhegna namono Timna igne, mana ne nomhini kaisei lion ne nguru fabiꞌo ne jifla mei ka mana.

Profet Sekaraea 11:3

Mae mala reireghi sipu ra diꞌanagnafa nei tanhi fara, naugna vido te au famane buburu tadi ra la dofidihi. Lion ra jaola tanhi, naugna namhata biꞌo rhegna Khoꞌu biꞌo Jordan aheva te mala au dire la diꞌahi.

Profet Esikiel 19:7

Mana thuru baludi gaꞌasedi lion re, eghuteuna mana biꞌo haghe ne famane fara. Mana ne goigoni nodi namono mare re. Kate eha fabiꞌo mana na, mare te gnafa ka kantri igne ne thono mhaghu nodi fara.

Profet Jeremaea 51:38

Naiknodi Babilonia igre ginauna eha fabiꞌo jateula lion te ku'e fabiꞌo ra eghu.

Profet Jeremaea 2:15

Mae naoka igre jateula lion te rofo te ku'e fabiꞌora eghu. Mare goigonidi nei faghamu khaꞌaghidi eghu nomi namono ghotilo igre la theo kaisei naikno te au tadire. Eghuteuna mare jaola goigonidi fara nomi vido glose ghotilo igre.

Nodi Khoje Hatimare Mae Jiu 109:6

“Tahati na vahini kaisei mae te diꞌa mala cheke fadiꞌani mae igne, eghuteuna snakreni kaisei mae mala fateni mana eghu.

Profet Emos 1:2

Mae Emos ne cheke eghu, “Lord ne eha fabiꞌo jateula kaisei lion eghu ka Thogele Saion. Eghuteuna naogla gna mana igne oa'ongha jateula fila eghu. Aonu buburu te gnafa te mala ghamu sipure ne kafe gnhagha soru. Eghuteuna gaju te gnafa ka Thogele Kamel ra ne jaola ne kafe lehe.”

Proveb 28:15

Mae lida gna kantri te eni puhi te diꞌa na, eghuteuna tapla faparidi naikno te kumare teuna, mana jateula lion te rofo fara, ba jateula bosu mata te chari te mei ra eghu kolho.

Nonomho Te Keli Teke Risoi Mae Mak 4:15

Keha naiknore jateula igne eghu. Keha fata farirhiu na soru ka nagnafa naikno te jateula nabrou teuna. Eghuteuna mare nomhini chekegna God na, nu mae Satan ghosei mei hata fadelei cheke teke lilisei ke lamnadi.

Fapea Korin 2:11

Ka puhi igne Satan ginauna theo nogna nolaghi te mala saosagro ke klignada, naugna tahati lasedihi nogna gaoghatho mana re.

Thakle 12:10

Aonu iara ne nomhi kaisei cheke funu kligna, ne eha eghu fabiꞌo, “Gognaro na noda God la fakarha ghitahi! Mana ne falalasehi ka tahati nogna nolaghi te mala funei frunidi gobigna lepore, nei jaola falalasehi nogna Kraes te au nolaghi te mala funei frunidi. God la koko sorunihi mae Satan ka nauthoglu igne, mae ihei teke fathoro chaichaghidi naikno khiloaure ke ulugna God bongi narane.