Ululahu Pita 5:7 - Buka Blahi Ka Cheke Holo

⁷ Ghotilo lisa lao ka khamegna mana puhi biꞌo fateo te nanga nomidi ghotilo re, naugna mana tangomana te reireghi fakeli ghami ghotilo na.

Ululahu Pita 5:7 ပူးပေါင်းရင်းမြစ်များ

Nodi Khoje Hatimare Mae Jiu 55:22

Puhi biꞌo te tahu ghami ghotilo are lisei lao ka khamegna Lord. Eghuteuna mana ginauna na bara fothi ghami nei fakarhi ghami eghu ghotilo. Eghuteuna mana ginauna na theome snakreni kaisei glepo mala goigonini ihei te doglo na.

Filipae 4:6

Thosei nanga nomi fara eigna unha te thoke ghami ghotilo na. Nu tarai ka God, toreni mana unha te magnahaghei na. Ne tore nga ghotilo ka mana nu, te keli na, ghotilo kulu cheke fakelini ghu mana eghu.

Nodi Khoje Hatimare Mae Jiu 37:5

Lisa lao nakarhamu na ka khamegna Lord. Fatutuani heta ka mana, eghuteuna mana ginauna na togho nigho iagho.

Nodi Khoje Hatimare Mae Jiu 34:15

Lord na reireghidi iheire te au doglo eghuteuna fanomho ka nodi tharaire.

Luku 12:22

Mae Jisas ne cheke eghu ka nogna mae fanomhore, “Eghume, te chekeni iara ka ghotilo na, thosei nanga nomi eigna gano te mala ima te mala karha teuna. Ba eigna pohe te mala pipichi ghotilo ka thinimi are.

Ululahu Samuel 30:6

Kate dofidi khetodire ka namono na, nogna soldia mae Devet igre ne diꞌa tadi fara ne rodi fada thina ni mana. Nu Lord, nogna God mae Devet igne ne farerheta gaoghathogna mana na.

Nonomho Te Keli Teke Risoi Mae Mak 4:38

Nu mae Jisas ne thuru iho fara leghu ka mola na, ne thuru soru pha'u na ka kokhogu. Mae fanomhore tei ka mana ne fadofrani mana. Mare ne cheke eghu ka mana, “Mae velepuhi, naugna unha sagho te theome nanga nou gnea? Tahati gne na lehe!”

Jone 10:13

Mana na rikha kokodi sipure, naugna mana mae gloku kolho. Nu mana theome thofno nangadi u sipure.

Nodi Khoje Hatimare Mae Jiu 40:17

Tore, iara kuma, nei theo nogu nolaghi eghu, nu iagho na theome ghatho iho ghau iara, iagho ghatho ghau iara fabrahu. Nogu God, iagho ngala mae te mala togho ghau iara na. Faghose mei mala fakarha ghau iara.

Proveb 16:3

Lisa lao ka Lord unha te au nagnafamu na, eghuteuna nou gloku fateote'o iagho are ginauna thofno keli fara.

Matiu 6:27

Nu ghotilo theome tangomana teke nhaꞌa lao kaisei finogha kau nakarhami na mala ke nangani ghu keu tuana.

Matiu 6:28

“Nu ghotilo thosei nangani pohe te mala pipichi na. Filodi si ghotilo ka sisi te karha tafri ka namhata na are. Reꞌe theome loku nei theome ei nodi pohe eghu thedi.

Matiu 6:31

Thosei nanga nomidi glepo igre, me cheke eghu, ‘Na ghamu unha si tahatia, ba na koꞌu unha, ba na pipichi ka unha?’

Luku 12:26

Te theome edi ghotilo glepo te ikodi igre na, mala unha si ghotilo te nanga nomidi fara eidi glepo te biꞌo igrea?