Ululahu Pita 5:3 - Buka Blahi Ka Cheke Holo

³ Thosei kegra me poapola kolho jateula kaisei mae funei eghu ke klignadi naikno te au ka khamemi ghotilo are. Nu te keli na ghotilo loku fodu batudi ka puhi te keli mala tangomana mare te leghu ghami ghotilo na.

Ululahu Pita 5:3 ပူးပေါင်းရင်းမြစ်များ

Fapea Tesalonika 3:9

Ghehati neke eni igne, neuba ghehati au nomi nolaghi te mala tore ghami ghotilo te togho ghami na. Nu ghehati loku mala togho ghami themi naugna ghehati magnahaghei te falase arini puhi te keli na ka ghotilo mala leghuni ghotilo.

Filipae 3:17

Uve, kheraguro, filo leghudi puhi te keli te edi iara gre. Jaola filo leghudi nakarhadi iheire te leghudi puhi teke farirhiudi ghehati ra.

Profet Esikiel 34:4

Ghotilo theome toghodi kolho iheire te nigra mala ke nheta fapulo. Eghuteuna ghotilo theome pipiha thubudi iheire te ghoreho mala ke keli fapulo. Ghotilo theome hirodi kolho iheire te snivi mala ke hata fapulo meidi. Nu ghotilo paradi kolho mare.

Fapea Korin 1:24

Ghehati theome magnahagheni te sagheleghudi nomi fatutuani ghotilo re, naugna ghehati lase ghami ghotilo tela kegra hetahi ka nomi fatutuani na ka God. Nu ghehati magnahagheni te loku balumi ghotilo mala tangomana ghotilo te gleale'a na.

Taetus 2:7

Jaola, iagho themu na mala edila glepo te keli igre mala filo leghu nigho goro mae majaghani are. Nu kate farirhiudi iagho naiknore, iagho famane gaoghatho fakeli ngau eghu.

Ululahu Timoti 4:12

Theome keli kaisei naikno jateula kaisei fiti mae kolho iagho teu te theome leghudi nou cheke iagho re naugna iagho kaisei mae majaghani. Iagho mala baubatuni puhi te keli na ka naiknore, ka chekemu ba ka nakarhamu, ba ka nou namha, ba ka nou fatutuani ba ka nou puhi te doglo mala tangomana naikno khiloaure te leghu nigho na.

Mae Khuru 20:28

Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.

Filipae 4:9

Ghatho fakelidi glepo te farirhiu ghami iara igre, nei glepo te edi iara tela filodihi ghotilo ra, nei glepo te edi iara tela nomhidihi ghotilo ra eghu. Eghuteuna God mae te tusu ranghi ghita u pharikeli na, mana ginauna au balumi ghotilo.

Fapea Korin 4:5

Ghehati theome toutonu eimi themi, nu ghehati toutonu eigna mae Jisas Kraes na Lord. Eghuteuna ghehati nomi mae gloku ghotilo mala toutonu eigna mae Jisas.

Ululahu Korin 11:11

Naugna nakarhada ka Lord na gaꞌase ghe nalha'ure theome mala sopa au.

Profet Maeka 7:14

Lord, ghehati nou naikno iagho eigna iagho neke vahi ghami. Iagho reireghi fakeli ghami jateula nou sipu iagho eghu. Neuba ghehati ne nou sipu iagho ne au mata, nu glose te au famane buburu au faligoho ghami ghehati. Eghume, ghehati tore nigho iagho te mala snakre ghami ghehati nou sipu te gnafa gre mala ghamu ka famane buburu Besan nei Gilead, jateula nou sipu iagho teke ghamu tagna tifa ra eghu.

Nodi Khoje Hatimare Mae Jiu 74:2

Ghatho ghami ghehati sagho, eigna iagho neke vahi ghami ghehati funu tifa. Funu tifa te mei na, ghehati neke sneka kolho, nu iagho neke fakarhi ghami ghehati mala vikemu themu. Iagho jaola ghathoni Thogele blahi Saion aheva teke au iagho tifa ia.

Nodi Khoje Hatimare Mae Jiu 33:12

Keli tadi fara naiknodi kantri te nodi Lord na God ngala teu igre. Keli tadi fara naikno teke vavahi mana te mala atha unha teke nhaꞌa cheke ranghidi mana re.

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Diutronomi 32:9

Nu ghotilo nogna naikno Lord. Ghotilo naikno ka vikegna Jekop ra, ghotilo nogna Lord.

Ululahu Korin 3:9

Eigna ghepa kafe loku ranghini God ngala te mala togho ghami ghotilo, eghuteuna ghotilo jateula nogna nagare eghu mana. Eghuteuna ghotilo jaola jateu kaisei suga teke horo God eghu.

Ululahu Korin 3:5

Ba, mae ihei mae Apolosi na? Mana kaisei mae biꞌo? Theo! Ba, mae ihei mae Pol na? Iara na kaisei mae kolho. Ghepa mae Apolosi phei nogna mae gloku God kolho mala togho ghami ghotilo mala fatutuani ni God. Ghepa te gnafa na eni kolho gloku teke tusu ranghi ghami God na.

Naba 18:7

Nu iagho nei mae thumu iaghore eghu kolho te mala loku nei reireghidi teu glepo blahi ka olta nei glepo te au ka chogho te blahi na. Iara ginauna tufa ari keha glepo blahi ka nomi gloku ghotilo mae pris are, mala kaikalitidi ghotilo glepo blahi ka Suga Thapuale te blahi gne. Nu jame te mei namo keha mae te theo nogna nolaghi te mei rhegna glepo blahi igre na, ghotilo ginau faleheni mae tuana.”

Jone 13:15

Iara eni glepo igne ka ghotilo mala filo leghuni ghotilo, mala eni ghotilo jateula teke eni iara ia eghu.

Ululahu Tesalonika 1:7

Eghume ghotilo mala pala batudi naikno khiloau ka namono Masidonia nei Akaia.