Eghume iara magnahaghe nigho te mala vavahi mae mala baubatu ka mae iheire te keli puhidire naugna mana mala loku ranghini God nei reireghi fakelini eghu u gloku gna u khiloau na. Mana theome kaisei mae mala fabiꞌobiꞌo, ba mae mala ghosei diꞌatagna, ba mae mala koꞌu koba, ba mae mala khuru magra ba mae mala magnahaghei hata glepo kmana kolho ka puhi te chaichaghidi naiknore.
Ululahu Pita 5:2 - Buka Blahi Ka Cheke Holo2 reireghi fakelidi naikno khiloau are jateula mae mala reireghi sipu eghu. Theo kaisei naikno te huhuru ghami te mala eni gloku igne. Nu, ghotilo sasaꞌa mala reireghi fakeli, naugna igne teke magnahagheni God mala eni ghotilo teku na. Theome keli te eni ghotilo gloku igne te mala hata nomi sileni kolho na. Theo. Ghotilo mala loku ka gloku igne naugna ghotilo gleale'a fara te mala toghodi naiknore. အခန်းကိုကြည့်ပါ။ |
Ululahu Pita 5:2
41 ပူးပေါင်းရင်းမြစ်များ
Ka nogu puhi iara te mala hiro sileni, filo si ghotilo: theo kaisei mae soldia te loku ka armi te mala folini thegna nogna taba na. Eghuteuna jaola theo kaisei mae te loku ka nagare, eghuteuna theome ima keha sisi thegna teuna. Ba, kaisei mae te reireghi sipu te hata keha milk te mala koꞌu thegna na.
Eghume ghotilo thosei snakredi mae velepuhi chaichaghi tuare mala farirhiu mare u puhi te jafra re, naugna mare na goigonidi u nodi fatutuani naikno te kmanare. Ghotilo theome ke ihodi mae igre, mare thono goigonidi fara tharakna te au Krit are ka nodi farirhiu chaichaghi are. Mare edi igre naugna mare magnahaghei te chaghidi kolho keha tharaknare mala hata nodi sileni kolho thedi.
“Fanomho si ghotilo, igne nogna cheke Lord mae ihei te au nolaghi fateoteꞌo na, ‘Mae pris cheke eghu koba ka ghotilo, “Bobotho Sugablahi ana mala thosei tei ruma ghotilo mala fafara ke kligna olta.” Naugna iara theome kelitagu ka ghotilo, iara ginauna na tirogudi fafara te atha te mei ghotilo tuare.
Lord, ghehati nou naikno iagho eigna iagho neke vahi ghami. Iagho reireghi fakeli ghami jateula nou sipu iagho eghu. Neuba ghehati ne nou sipu iagho ne au mata, nu glose te au famane buburu au faligoho ghami ghehati. Eghume, ghehati tore nigho iagho te mala snakre ghami ghehati nou sipu te gnafa gre mala ghamu ka famane buburu Besan nei Gilead, jateula nou sipu iagho teke ghamu tagna tifa ra eghu.
Kate biꞌo haghe mae sua igne, mana ginauna reireghi fakelidi nogna naiknore. Mana ginauna funei frunidi ka nogna nolaghi Lord teke tusu ranghini mana, eghuteuna mana ginauna funei ka nanghagna Lord mae ihei te King. Ka narane tuana, nogna naikno mana re ginauna au fakeli, naugna naikno te gnafa ka nauthoglu igne ginauna filo glani mana te au nolaghi biꞌo.
Ghotilo mae mala fate gre snakredi naiknore mala famaemahe ghami ghotilo ka sileni. Ghotilo mae pris gre jaola farirhiudi kolho nogna vetula God mala taba. Eghuteuna profet ra jaola rurutha gaoghathodi mifi igre, nu mala sileni kolho. Nu leuleghu fata na, ghotilo gaoghathomi na Lord ginauna reireghi ghami ghotilo fabrahu. Eghuteuna ghotilo cheke eghu, “Lord na au baluda. Eghume ginauna na theo kaisei puhi biꞌo nate thoke ghita.”
Nu jame te theome nomhini ghotilo cheke igne na, iara ginauna tei ka vido aheva nate theo kaisei naikno te filo ghau iara na mala tanhi ghami ghotilo. Naugna ghotilo ne fahaehaghe fara. Iara ginauna tanhi nogu fara, eghuteuna kholodi phei tathagu iara igre ginauna oro soru ka tathagu nei foflogu teu iara gre, naugna noda naoka tahatire ginauna mei ulu ghita tahati, eghuteuna mare ginauna atha fajifla ghita ka noda namono igne mala tei au ka keha kantri delei.
Ka narane igne, mare ghathoni tifa ka naranegna mae Moses baludi nogna naiknore Ijep. Aonu mare ne ghusna eghu ka mana, “Ahevau Lord na? Tifa na mana neke atha mae mala baubatu ka naiknore neke kasa ka thongna na. Ahevau Lord na? Tifa na mana neke snakreni nogna Tharunga te Blahi na mala au baludi mare.
Eghume, iara ginauna na snakre lao khetodi mae igre ka keha mae delei, eghuteuna nodi vido glose mae igre nake snakre lao ka keha naiknoi mala ke khotodi. Neuba ihei ne fnakno ba theo, mare na kaisei nanaba ngala. Mare te gnafa na kafe magnahaghei sileni fara. Uve, neubane mae profet ba pris, mare jaola chaichaghidi naiknore.
Nu iagho nei mae thumu iaghore eghu kolho te mala loku nei reireghidi teu glepo blahi ka olta nei glepo te au ka chogho te blahi na. Iara ginauna tufa ari keha glepo blahi ka nomi gloku ghotilo mae pris are, mala kaikalitidi ghotilo glepo blahi ka Suga Thapuale te blahi gne. Nu jame te mei namo keha mae te theo nogna nolaghi te mei rhegna glepo blahi igre na, ghotilo ginau faleheni mae tuana.”
ကြော်ငြာတွေ