Ululahu Pita 5:10 - Buka Blahi Ka Cheke Holo

¹⁰ Uve, leghu fata na God togho ghami ghotilo ka nogna khokofakasai te biꞌo. Eghuteuna naugna ghotilo te nogna mae Kraes na, mana kilo ghami ghotilo mala hata balugna nafnakno biꞌo te au fabrahu tifa te tifa. Gognaro na ghotilo au papara katha vido kmoꞌei kolho, nu God ginauna togho ghami mala ke majaghani fapulo nakarhamire nei fadodoglo nomi fatutuani ghotilo na. Eghuteuna mana ginauna jaola tusu ranghi ghami nolaghi mala tangomana ghotilo te au heta fabrahu na.

Ululahu Pita 5:10 ပူးပေါင်းရင်းမြစ်များ

Fapea Korin 4:17

Ghehati au papara katha vido te kmoꞌei kolho gognaro na, nu hoholo igne mala togho ghami mala hatani u nakarha te keli te theo ka huigna na ka God kligna! Nakarha igne ke uluni hoholo tuana.

Fapea Tesalonika 3:3

Nu te keli na, ghotilo tangomana fatutuani ni Lord, naugna mana ginauna farheta ghami nei bara ghami ka nogna nolaghi mae Satan.

Letas Teke Rioriso Mae Jud 1:24

Uve, kaisei God ngala tangomana te reireghi ghami te mala leghuni fabrahu mae Kraes. Kaisei mana ngala tangomana hata ghami te tei ka nogna famane namono kligna na. Jare ghotilo ginauna na au gleale'a fara, naugna jare na ghotilo na theo kaisei glepo te jafra ke ulugna God.

Nodi Khoje Hatimare Mae Jiu 138:7

Kate thoke ghau iara hoholo na, iagho fakarhi ghau iara. Iagho tapla fapari nodi mae nogu naoka iara re, iheire te diꞌa tadi fara ngala ka iara. Iagho fakarhi ghau ka nou nolaghi na.

Ululahu Timoti 6:12

Fariuriu fara nakarhamu ka khiloau gne mala au fakeli, jateula mae ihei te fariuriu chari te mala ulu ka fangenghele ia eghu. Ghaoghatho heta eigna iagho la hatahi nou taba u karha fei tifa na. God neke kilo nigho mala hata karha tuana. Eghuteuna iagho neke cheke thakleni nou fatutuani biꞌo eigna mae Kraes ke uludi kmana naikno te nomhini.

Fapea Korin 13:11

Uve kheraguro, ghehati magnahaghe ghami ghotilo te gleale'a. Fariuriu edi unha te chekedi iara ka ghotilo gre mala thofno au klino. Eghuteuna ghotilo te gnafa na mala kaisei gaoghatho ngala nei mala kaisei au ngala kau pharikeli. Ka puhi igne God mae ihei te tusu ranghi ghita u namha nei pharikeli teu igne ginauna au balumi ghotilo.

Ululahu Korin 1:9

God na tathaji fabrahu nogna nhaꞌa cheke na ranghidi nogna naiknore. Mana kilo ghami ghotilo mala au fakeli balugna Thugna Jisas Kraes noda Lord.

Ululahu Tesalonika 2:12

Ghehati faheta ghami, togho ghami nei cheke ranghi ghami ghotilo mala leghuni nafnata nakarha te keli tagna God. Mana kilo ghami mala au ka thofno nakarha nate keli te funei frunini God ginauna.

Profet Sekaraea 10:12

Iara ginauna toghodi nogu naiknore mala rheta ka nogna nolaghi Lord, mala kilo fnakno ghau iara nei leghu ghau iara fabrahu. Iara Lord, te chekeni igne!”

Profet Sekaraea 10:6

“Iara ginauna thofno farerheta naiknodi Juda, eghuteuna iara ginauna fakarhidi naiknodi Israel. Iara ginauna kokhoni nogudi fara mare mala ke kafe hata fapulodi ka nodi thofno vido re. Mare ginauna au fakeli ka vido igne, jateula teke theome thododi iara tifa ra eghu, naugna iara nodi Lord God mare, eghuteuna iara ginauna fanomho ka nodi tharai re.

Fapea Pita 1:3

Ka nogna nolaghi God kligna, mae Jisas neke tusu ranghi ghita gobigna lepo te magnahaghedi tahati re mala au ka nakarha te doglo te magnahagheni God. Eghuteuna gobigna lepo igre noda tahati, eigna tahati thofno laseni mae Jisas Kraes mae ihei te kilo ghita ka nogna nolaghi te biꞌo nei nakarhagna te keli.

Ululahu Pita 1:15

God mae ihei teke vahi ghami ghotilo na mana blahi fara. Eghume, jateula tuana eghu ghotilo mala au blahi ka unha fateo te edi ghotilo re.

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Fapea Timoti 2:10

Eghume iara heta ghegu kolho neuba mare ne para ghau. Naugna iara magnahaghei te toghodi naikno teke vavahi God re mala nogna naikno mae Jisas Kraes. Ka puhi igne God ginauna fakarhidi, eghuteuna mare ginauna hatini u karha fei tifa na.

Fapea Tesalonika 2:14

Ka Nonomho te Keli te mei toutonu ghehati igne, God neke kilo ghami ghotilo mala nogna naikno blahi mana. Jaola God neke kilo mei ghami ghotilo mala hatini u thofno nakarha te mei ka noda Lord Jisas Kraes.

Luku 22:32

Nu iara tarai eimu iagho mala theome blogho iagho ka nou fatutuani na. Eghuteuna kate figri mei iagho ka iara na, iagho ke toghodi mae kheramu are mala ke heta fapulo mare nodi fatutuani na ka iara.”

Nodi Khoje Hatimare Mae Jiu 86:5

Lord God, iagho thofno keli fara, nei iagho atha kokodi koba nakhibomi ghehatire. Eghuteuna iagho namhadi fara iheire te tarai ari ka iagho re.

Fapea Timoti 1:9

God neke fakarhi ghita, eghuteuna kilo ghita mala nogna naikno mana thegna. Mana neke theome eni igne unha tahati tangomana te eni theda na, nu mana thegna neke magnahaghei eni igne naugna mana namha ghita fara. Eghuteuna nogna namha God tuana neke tusu mei ka tahati ka mae Jisas Kraes kani theome fufunu nga neku nauthoglu igne.

Nodi Khoje Hatimare Mae Jiu 86:15

Nu Lord, iagho ngala God mae ihei te kokhonidi fara, nei namhadi fara teu naiknore. Uve, iagho thofno keli fara, eigna iagho theome ghosei diꞌatamu, nei iagho tangomana te tajini fabrahu nou nhaꞌa cheke na.

Kolose 2:7

Ghotilo kaisei balugna Kraes jateula kaisei gaju ba suga te kegra maku ke kligna glose. Eghuteuna nomi fatutuani ghotilo ka mae Kraes na mala e heta fakeli, jateula mare teke farirhiu ghami ghotilo. Eghuteuna leuleghu fata na ghotilo mala cheke fakelini mana.

Letas Teke Riso Tei Mae Pol Ka Khiloau Rom 15:5

Eghuteuna puhi te mala au heta ka gaoghatho nei mala ofoni teuna, jifla mei ka God ngala. Iara tore ka God mala togho ghami mala au kaisei gaoghatho ngala farihoteimi themi, naugna ghotilo te gnafa na kafe leghuni puhigna Jisas Kraes.

Ululahu Jone 2:25

Eghuteuna igne unha teke nhaꞌa chekeni thegna mae Kraes te mala tusu ranghi ghita tahati na, eigna u karha fei tifa.

Hibru 9:15

Eghume mae Kraes hata ne mei kaisei nhaꞌa cheke majaghani funu ka God ka nogna naiknore, mala tangomana naikno teke kilodi God re mala hata u thofno nakarha te au kligna te theo ka huigna teke nhaꞌa cheke mana ranghidi. Naugna mae Kraes neke lehe mala foli fajifladi naiknore ka glehe eidi nakhibo teke edi mare kate tathaji nga tekeu mare u nhaꞌa cheke ulu lahu na.

Letas Teke Riso Tei Mae Pol Ka Khiloau Rom 15:13

God mae ihei ngala te thofno togho ghita te mala hata unha mana teke nhaꞌa cheke ranghi ghita. Iara toreni God mala gleale'a biꞌo ghotilo nei tusu ranghi ghami pharikeli kate fatutuani ni mana na. Eghuteuna nogna nolaghi Tharunga te Blahi na ginauna faheta ghami mala rouronuni God fabrahu ghotilo te mala eni unha mana teke nhaꞌa chekeni.

Letas Teke Riso Tei Mae Pol Ka Khiloau Rom 9:11

Nu God magnahaghei te leghuni nogna gaoghatho thegna na neke vahini kaisei mae ka phiamare. Ka narane theome karha teku phiamare na, phiamare neke theome eni kaisei glepo te keli ba te diꞌa,

Ululahu Pita 4:11

Ihei ka ghotilo te toutonuni chekegna God na, mana mala toutonuni cheke teke tusu mei God ka mana kolho. Eghuteuna ihei ka ghotilo te toghodi naiknore, mana eni igne ka nanheta teke tusu ranghini God na. Ka nafnata gloku te keli igre, naiknore ginauna kilo fnaknoni God ka nanghagna mae Jisas Kraes. Nafnakno nei nolaghi biꞌo te au balugna God tifa tifa. Amen.

Letas Teke Riso Tei Mae Pol Ka Khiloau Rom 9:24

Tahati ngala naikno teke kilo ghita God na mala hata nogna namha biꞌo mana na. God neke kilodi mae te theome Jiu nei jaola kilodi mae Jiu.

Nodi Khoje Hatimare Mae Jiu 119:28

Nogu diꞌanagnafa iara na te namo falehe ghau iara na, faheta ghau iara sagho jateula teke nhaꞌa chekehi themu ia eghu.

Ululahu Korin 1:10

Kheraguro, gognaro na iara cheke heta ka nanghagna noda Lord Jisas Kraes. Iara tore ghami fara ghotilo mala thosei eni ghotilo nafnata puhi te fnota tafri ghotilo igne. Te keli na ghotilo jame ke funu loku fodu ka kaisei nagnafa nei kaisei gaoghatho ngala.

Ululahu Pita 4:10

God neke tusu ari ka ghotilo soasopai khokofakasai te mala edi nogna glokure. Eghume ghotilo loku fakeli ka khokofakasai igre mala fari totoghoi ka kmana nafnata puhi.