Ululahu Pita 4:9 - Buka Blahi Ka Cheke Holo

⁹ Snakredi sugamire ka kherami te fatutuani ni Kraes are balu gleale'a.

Ululahu Pita 4:9 ပူးပေါင်းရင်းမြစ်များ

Hibru 13:2

Thosei ghatho ihoni mala toghodi naikno te posa mei ka sugamire. Keha naiknore tifa na neke theome filo glanidi kolho, nu mare neke toghodi engel ka sugadire.

Letas Teke Riso Tei Mae Pol Ka Khiloau Rom 12:13

Tufa nodi naikno khiloau te theo nodi. Eghuteuna tajidi iheire te posa mei ka sugamire.

Filipae 2:14

Uve, te chekeni iara ka ghotilo na, thosei au cheke leghugna nei thosei khuru magra eghu.

Hibru 13:16

Nu thosei ghatho ihoni te mala edi gloku te keli tangomana te mala toghodi keha naiknore, naugna fafara jateula tuana eghu te keli tagnani God na.

Taetus 1:8

Nu mana kaisei mae mala namhadi nei reireghidi eghu keha naikno te mei ka sugagna mana re. Mana kaisei mae mala magnahaghe te edi koba glepo te kelire. Nu mana kaisei mae mala reireghini thegna. Nogna gaoghatho mana re mala doglo koba nu puhigna mana re mala keli fara ke ulugna God nei edi koba unha glepo te magnahaghedi God re. Mana theome mala u nafnata naikno te snakreni u thinigna thegna na te mala funei frunini u nakarhagna na.

Ululahu Timoti 3:2

Eghume mae ihei te mala baubatu ka khiloau na mana mala kaisei mae doglo fara, eghuteuna theo kaisei naikno te filoni kaisei najafra ka mana na. Mana mala tolaghi ka kaisei gaꞌase ngala eghuteuna tangomana te mala reireghi fakelini thegna. Mana theome mala ghosei diꞌatagna, nu mana kaisei mae mala au doglo fabrahu. Eghuteuna mana tangomana te mala reireghi fakelidi naikno te posa mei ka sugagna na, eghuteuna mala laseni puhi farirhiu na.

Jemes 5:9

Kheraguro, thosei khuru cheke fari themi naugna na eghunu fate ghami God eghu. Naugna u narane te mala ke pulo mei mana te fatedi naikno te gnafare la thono namo hi.

Fapea Korin 9:7

Naikno te gnafare mala tufa unha te ghathoni ka nagnafagna thegna na. Mana theome tangomana te diꞌanagnafa kate tufa na. Mana theome tangomana te tufa naugna keha naiknoi te huhuruni mana na. Tutuani God namhani ihei te tufa balu gleale'a na.

Filimon 1:14

Nu iara theome magnahagheni mana te au teu balugu agne eghu te theome kaisei gaoghatho iagho na. Naugna iara magnahaghe nigho te edi glepo te keli leghuni gaoghathomu themu na. Iara theome magnahaghei te huhuru nigho na.

Letas Teke Riso Tei Mae Pol Ka Khiloau Rom 16:23

Mae Gaeasi jaola kubae ghami ghotilo. Iara au ka sugagna mana gognaro na. Khiloau na salo fodu koba ka sugagna mana. Erastus mae mala reireghi sileni gna namono biꞌo Korin gne, nei mae kherada Kuotasi phiamare kubae ghami ghotilo.

Jenesis 24:19

Kate koꞌu te gnafa mana na, Rebeka ne cheke eghu ka mana, “Iara ginauna na jaola hata keha khoꞌu maladi kamel gre.” Aonu naꞌa chari neke pulo neke toho fafodu botol na. Naꞌa ne eghu fabrahu ne ghilei koꞌu naba khoꞌu kamel re.