Ululahu Pita 4:8 - Buka Blahi Ka Cheke Holo

⁸ Kaisei glepo te mala eni ghotilo te ulu fara ka gobigna lepore na igne, thofno fari namhai. Naugna puhi te fari namhai igne tangomana ghotilo te hata koko fari themi nakhibo te kmanare.

Ululahu Pita 4:8 ပူးပေါင်းရင်းမြစ်များ

Proveb 10:12

Te theo namha na, faꞌeiꞌei puhi biꞌo. Nu namha na hata kokodi nakhibo fateote'o.

Kolose 3:14

Eghuteuna baludi puhi te keli igre, glepo te ulu na ghotilo mala famane namhadi keha naiknore. Naugna u namha gne ngala te tangomana te kafe loku fodu ghami ghotilo ka naꞌau fodu te doglo na.

Proveb 17:9

Jame te hata fadelei iagho nakhibogna mae kheragna fofodu na, ghopa ginauna au fakeli. Nu jame teke tonuni iagho nakhibo na, iagho roꞌeni fofodu na.

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.

Jemes 5:20

Iara magnahaghei ghami te mala thofno lase fakelini igne: God ginauna na hata fadelei nakhibogna mana re nei fakarhini mana eghu ka glehe. Naugna ghotilo neke toghoni mana neke koko fahui nakhibogna mana re mala figri mana ka thofno nakarha te keli na. Me gnafa. Iara, mae Jemes.

Ululahu Korin 13:1

Neuba iara ne tangomana te chekeni chekegna God na ka soasopai cheke ka nauthoglu igne ba chekegna kligna, nu jame te theome namhadi iara keha naiknore, iara jateula kaisei belo ba vido aean eghu te fiti taitanhia eghu kolho.

Ululahu Tesalonika 3:12

Iara toreni Lord mala fabruarani nei fathovuni nomi namha na fari themi nei naikno te gnafa jateula ghehati te namha ghami ghotilo.

Hibru 13:1

Namhadi fabrahu kherami naikno khiloau are.

Ululahu Timoti 1:5

Jame te leghuni mare nogu cheke iara na, mare ginauna namhadi keha naiknore. U namha igne neke jifla mei ka nagnafa te thofno gae nei ka gaoghatho te doglo nei ka thofno fatutuani.

Fapea Tesalonika 1:3

Ghehati cheke fakelini God leghu rane eimi ghotilo kheraguro. Nabami ghehati te eni igne, naugna nomi fatutuani ghotilo na bruara fara. Eghuteuna namha te sopa au ka ghotilo te gnafa na jaola bruara.

Proveb 18:13

Mae te theome fanomho fakeli te cheke tughu na, mana ginauna fameomekro na mamaja nogna.

Proveb 12:16

Mae te fameomekro na ghosei diꞌatagna. Nu mae te doglo na, theome nanga nogna ka cheke te diꞌa na.

Fatilo Jone 1:2

Uve thabusigna, iara laseni nakarhamu iagho ka khiloau na keli fabrahu. Iara tarai eimu iagho mala karha keli eghu mala theome thokei nigho kaisei fogra.

Jemes 5:12

Kheraguro, kaisei glepo biꞌo te mala laseni ghotilo na igne. Ne nhaꞌa cheke nganu, ghotilo thosei baubahu lao ka kaisei glepo kligna ba pari ba unha langau. Chekeni ngala, “Uve, tutuani fara” ba chekeni ngala, “Theo, theome tutuani.” Te theome eni ghotilo igne na, God ginauna na fate ghami ghotilo.

Ululahu Korin 13:4

Naikno khiloau na mala namhadi keha naiknore jateula Kraes te namhadi naiknore eghu. Eghume naikno khiloau na mala au kmu nei keli ranghidi keha naiknore. Mana mala theome goghotu, nei theome mala ghatho tahuni thegna, nei theome mala fahaehaghe.