Ululahu Pita 4:18 - Buka Blahi Ka Cheke Holo

¹⁸ U grioriso te blahi na cheke eghu, “Naikno te doglore kulu thafodi narane te ninhigrana tulao re ame tangomana nga God te fakarhidire eghu. Eghume naikno te theome leghuni God nei sneka ka nakhibo teure ginauna lehe tutuani fara.”

Ululahu Pita 4:18 ပူးပေါင်းရင်းမြစ်များ

Proveb 11:31

Tahati laseni, naikno te keli na hata nogna taba te keli nabagna puhigna mana na. Naikno te diꞌa na ginauna na jaola hata nogna taba nabagna puhi te diꞌa na.

Profet Esikiel 18:24

“Nu jame kaisei mae te doglo lilisei puhi te doglo na eghuteuna mana edi koba puhi te diꞌa re jateula te edi koba mae te diꞌa ra eghu, ba mae igne ginauna tangomana nate karha na? Theo! Iara ginauna theome ghathodi glepo te keli teke edi mana tifeiro ra. Uve, naugna mana la tirogna ghauhi iara, eghuteuna mana la snivihi ka nakhibo, mana ginauna mala lehe kolho.

Luku 23:31

Tutuani, te snakre ghau iara God mae te theo nakhibogna na te mala au papara na, God ginauna thofno fatedi tulao naikno te diꞌare.”

Letas Teke Rioriso Mae Jud 1:15

Mana ginauna fatedi naikno diꞌa te gnafa ka nauthoglu gne, eghuteuna paradi fara naikno te theome leghuni mana re, naugna mare ne edi glepo te diꞌare nei cheke fadiꞌani mana.”

Ululahu Korin 10:12

Eghume, ihei la kegra hetahi thegna ka fatutuani na teu ka gaoghathogna na, filo fakeli eghu, glahu uka kolho.

Letas Teke Riso Tei Mae Pol Ka Khiloau Rom 1:18

Diꞌatagna God na thakle mei kligna. Mana ginauna fatedi naiknore eidi nakhibo te gnafa nei nafnata glepo te jafra te gnafa eghu te edi mare re. Naugna nafnata puhi te edi mare igre fanograni chekegna God te tutuani na.

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Fapea Pita 3:7

Nu ka chekegna God tuana la, maloa ghe glose te au teu gognaro gre na ofoniu kolho khaꞌaghi na mala nhako. Maloa ghe glose gre na ofou ghilei thoke mei narane God nate fatedi naikno te diꞌare, eghuteuna kafe faluvudi iheire te theome leghuni mana na.

Ululahu Pita 5:8

Tarabana koba nei doadofra fakeli eghu! Naugna nomi naoka ghotilo mae Satan, mana tei tafri jateula kaisei lion te rofo eghu nguru tafri hironi ihei mala roꞌeni mana.

Letas Teke Riso Tei Mae Pol Ka Khiloau Rom 5:8

Neubane au neu tahati ka nakhibo, God neke fatakle ranghi ghita u nogna namha biꞌo na kate kuru meini Kraes mala lehe tughu ghita na.

Profet Sekaraea 13:9

Eghuteuna iheire te karha teure, iara ginauna kafe paradi hui, mala tangomana mare te klino ka tathagu iara na. Ginauna na jateula mae te gahu silva nei gol ka khaꞌaghi te mala koko thona ra eghu. Aonu mare ginauna tarai mei ka iara, iara ginauna tangomana te nomhidi mare na. Eghuteuna iara ginauna cheke eghu, ‘Naikno igre nogu iara.’ Eghuteuna mare ginauna cheke eghu, ‘Lord na nomi God ghehati.’ ”

Profet Jeremaea 25:29

Filo si ghotilo! Iara ginauna goigonidi naikno te au ka nauthoglu igne. Eghuteuna iara ginauna fufunu glepo igne Jerusalem, ka nogu namono thegu igne. Ba, na theome para ghami iara neu si ghotilo ia? Theo. Iara Lord mae ihei te au nolaghi fateote'o igne ginauna kuru meidi mae naokare mala magra ka vike te gnafa ka nauthoglu igne.

Hibru 4:1

Tutuani fara, God neke nhaꞌa soru nhaꞌa cheke igne mala tei gnafa tahati balugna mana. Eghume fiofilo ghitai eghu, na eghunu keha ka ghotilo theome ari thokeni namono mala gnafa na jateula mae Israel tifa ra eghu.

Letas Teke Riso Tei Mae Pol Ka Khiloau Rom 5:6

Ka thofno narane teke vahini God na, Kraes neke lehe mala togho ghita tahati naikno te fodu ka nakhibo. Tutuani, tahati theo noda nolaghi te mala togho ghita theda na.

Jenesis 13:13

Naiknodi Sodom gre thono gnognoro fara, eigna ne edi kmana nafnata nakhibo te theome doglo ka tathagna Lord na.

Mae Khuru 27:24

ne cheke eghu, ‘Ghema Pol, thosei mhaghu! Iagho mala kegra ke ulugna mae Funei Sisa. Eghuteuna God na keli fara ranghi nigho iagho. Mana ginauna na fakarhidi iheire te tei balumu iagho ka vaka na igre.’

Luku 15:1

Kaisei fata, kmana mae te diꞌa mala salo takis, nei keha mae te diꞌa eghu ne khapru mei mala fanomho ka mae Jisas.

Ululahu Samuel 15:18

Eghuteuna kate kuru nigho mana teke tei magra ka naiknodi Amalek ra, mana neke cheke eghu, ‘Iagho tei ka naiknodi Amalek ra mala goigoni fahui naikno te diꞌa tuare. Nei iagho mala magra heta mala ghilei kafe lehe fahui mare.’

Mae Khuru 27:31

Nu mae Pol ne cheke eghu ka mae funei biꞌodi hatimare mae armi nei hatimare mae soldia, “Te theome au kmu teu mae boskru gre ka vaka gne, God ginauna na theome fakarhi ghami ghotilo.”

Ululahu Timoti 1:9

Jaola tahati laseni vetula na neke theome lilisei mala fadoglidi iheire te keli, nu mala fadoglidi iheire te huhughuni vetula na, iheire te eꞌei puhi diꞌa fabrahu, iheire te theome leghuni God, iheire te au ka puhi nakhibo, iheire te cheke faparini God ba iheire te cheke fadiꞌadi glepo te blahi re. U vetula na jaola mala fadoglidi iheire te falehedi idodi ba kmadi, ba aknu poruni ihei,

Jemes 5:6

Eghuteuna ghotilo fate fadiꞌadi naikno te theome eni kaisei najafra gre. Nu neuba ngau mare theome tangomana te magra fapulo na. Eghuteuna ghotilo jaola falehedi mare.