Ululahu Pita 4:15 - Buka Blahi Ka Cheke Holo

¹⁵ Theome keli kaisei naikno ka ghotilo te au papara eigna falehe naikno, blau, huhughu vetula, ba fadiꞌani nogna gloku ihei.

Ululahu Pita 4:15 ပူးပေါင်းရင်းမြစ်များ

Fapea Tesalonika 3:11

Ghehati chekeni igne, naugna ghehati nomhidi keha naikno ka ghotilo tirodi loku fara. Mare theome eni kaisei unhanga. Nu mare farugusidi thedi ka nakarhadi keha naiknore.

Ululahu Tesalonika 4:11

Hati nhetami na au ka nakarha te muana. Loku fakelidi nomi gloku themi are, nei loku ka khamemi themi are. Naugna ghehati neke kulu chekehi ka ghotilo te mala edi glepo igre.

Ululahu Timoti 5:13

Jaola thau majaghani teke lehe khetodire igre ginauna fiti au kolho nei leuleghu suga tafri kolho. Eghuteuna nafnata puhi te eni rehati igne ginauna thono diꞌa fara, eigna rehati ginauna funu vuavuha chekedi keha naiknore, eghuteuna na farugusidi thedi ka nakarhadi keha naiknore. Jaola rehati chekedi koba glepo te theome naba te mala chekedire.

Ululahu Pita 3:17

Jame teke gaoghathogna God te mala au papara tahati eidi glepo te keli teke edi tahati igre na, tuana keli kolho. Nu thono diꞌa fara jame te au papara tahati na naugna te eni tahati unha te theome doglo na.

Fapea Timoti 2:9

Eghuteuna naugna te toutonuni iara u Nonomho te Keli igne, naiknore ne haru ghau iara ka chen jateula mare te haruni kaisei mae te huhughuni fara u vetula na ia eghu. Nu theome tangomana kaisei naikno ka nauthoglu gne te haruni chekegna God na ka chen.

Matiu 5:11

“Uve, ghotilo keli tami fara kate cheke fapari ghami nei para ghami. Mare ginauna chaghi chekedi thua nafnata cheke te diꞌa eimi ghotilo, naugna ghotilo nogu iara.

Eksodas 22:2

“Mana mala ke tughu fapulo unha teke blau mana re. Nu jame te theome tangomanani mana teke tughu fapuloni u buluka ba sipu teke blau mana igne na, ghotilo snakreni mae igne mala foli mare mala nodi naikno sneka kolho, eghuteuna ghotilo atha sileni tuana eghu mala ke foli fapulo unha teke blau manare eghu. “Eghuteuna jame te au teu ngala ka mana u buluka, ba sipu nei dongki eghu teke blau mana na, mae igne ke atha fapulo phei ka mae khotogna na. Jame kaisei mae ka ghotilo puri falehe mae teke ruma teke blau bongiro ka nogna suga na, mae tuana theome khale ka vetula eigna falehe naikno. Nu jame te puri falehe mana mae ihei teke ruma teke blau narane ro ka nogna suga na, mae tuana khale ka vetula eigna falehe naikno.

Ululahu Pita 3:14

Nu jame keha naiknore para ghami ghotilo eigna te eni ghotilo unha te doglo na, keli fara, ghotilo keli tami kolho. Eghume ghotilo thosei mhaghudi naikno te para ghami re nei thosei nanga nomi fara eghu ka mare.