Ululahu Pita 3:8 - Buka Blahi Ka Cheke Holo

⁸ Leghu lahu na, ghotilo te gnafa na mala kaisei nomi gaoghatho ngala, nei kokhonidi gnafa naiknore. Fari namhai jateula te thabusigna tutuani eghu ngala, nei keli ranghini ihei nei au faleghu ghami themi.

Ululahu Pita 3:8 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 12:10

Fari namhai jateula thabusigna eghu ka Kraes. Ghatho tahudi keha thabusigna ka khiloau gne ke tulaomi themi.

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.

Efesus 4:31

Lilisei puhi te gnafa te poru ka nagnafamire te mala fari fadiadiꞌai; thosei cheke diꞌa ba diꞌatami; thosei fnaja fabiꞌo; thosei vuavuha cheke; thosei majora.

Jemes 3:17

Nu glepo ulu lahu na, mae ihei te au nogna gaoghatho te keli teke tusu ranghini God na, mana theome tangomana te eni kaisei glepo te diꞌa na. Mana ginauna na au gleale'a baludi kheragna fofodure. Mana au kmu kolho. Nu mana leghuni u puhi farirhiu te keli na. Jaola mana magnahaghei te toghodi naikno te magnahaghei thotoghore. Eghuteuna mana theome vahini naikno te dedei ba naikno te kuma na, nei mana theome chaghini nakarhagna na.

Efesus 4:2

Ghotilo mala edi fabrahu glepo igre: au faleghu, au blagna, nei thosei diꞌatami faghose ka keha naiknore. Eghuteuna kate au nogna puhi fadidiꞌa kaisei naikno ka ghotilo na ranghini kheragna fofodu na, te keli na phiamare thosei magra, nu fari fathaegoi ka puhi namha.

Profet Sekaraea 7:9

“Leuleghu fata na iara Lord cheke eghu koba ka nogu naiknore: ‘Ghotilo mala fatedi naiknore ka puhi te doglo, eghuteuna ghotilo mala keli ranghidi nei kokhonidi eghu keha naiknore.

Kolose 3:12

God neke vahi ghami ghotilo te mala nogna naikno blahi mana nei namha ghami fara ghotilo. Eghume ghotilo mala edi fabrahu glepo igre: kokhonidi keha naiknore, taegodi, au faleghu, au blagna, thosei diꞌatami faghose ka keha naiknore.

Ululahu Korin 12:26

Jame kaisei vido au papara, keha vidore na jaola au papara. Ba jame kaisei vido ka thinida na fnakno, keha vidore na mala jaola gleale'a.

Matiu 18:33

Iara neke kokhoni nogu nigho sia. Iagho jame jaola kokhoni ni mae kheramu gloku na!’

Ululahu Jone 3:14

Tahati laseni tela tei kokonihi glehe na eghuteuna mei rumahi kau karha. Tahati laseni igne naugna tahati namhani kherada fofodu na balugna mae Kraes. Ihei te theome namhani kheragna fofodu na mana au ngala ka glehe.

Ululahu Korin 1:10

Kheraguro, gognaro na iara cheke heta ka nanghagna noda Lord Jisas Kraes. Iara tore ghami fara ghotilo mala thosei eni ghotilo nafnata puhi te fnota tafri ghotilo igne. Te keli na ghotilo jame ke funu loku fodu ka kaisei nagnafa nei kaisei gaoghatho ngala.

Mae Khuru 4:32

Naikno te fatutuani ni mae Jisas re ne kaisei nagnafa ngala nei kaisei gaoghatho ngala. Theo kaisei naikno te chekeni ne khotogna thegna ngala kaisei glepo teuna. Nu mare tufa gobigna lepore.

Ululahu Pita 5:5

Jateula tuana eghu ghotilo mae majaghani ra, nhaꞌa soru ghami themi ke paridi goro mae biꞌo are. Uve, ghotilo huju fapulo ghami themi ka puhi au faleghu mala fari totoghoi. Naugna grioriso te blahi na cheke eghu, “God theome magnahagheni mae ihei te fahaehaghe na, nu tusu lao khokofakasai ranghini ihei te au faleghu.”

Hibru 13:1

Namhadi fabrahu kherami naikno khiloau are.

Fapea Pita 1:7

Ghotilo mala namhadi naikno khiloau are nei namhadi naikno te gnafa.

Ululahu Pita 2:17

Ghatho tahudi naikno te gnafa nei namhadi kherada te gnafa ka khiloau gne. Thofno ghatho tahuni God ke uludi naikno te gnafare nei jaola ghatho tahuni mae king biꞌo gna Rom.

Nodi Khoje Hatimare Mae Jiu 103:13

God na jateula tahati te kokhonidi thudara eghu e kokhoni ghita tahati naikno te ghatho tahuni mana na.

Jemes 5:11

Eghuteuna te ghathoni tahati te chekeni na mare thono keli tadi fara naugna mare kegra heta fabrahu ne ghilei thoke ka narane leghu lahu na. Eghuteuna ghotilo neke nomhi nila eigna mae Job ia. Kmana nafnata puhi biꞌo thokeni mana, nu mana biꞌo nogna fatutuani na ka God. Eghuteuna ke leghudi puhi igre Lord neke toghoni mana neke tusu ranghini mana gobigna lepo te keli teke magnahaghedi mana re. Naugna Lord na kafe namha ghita nei kokhoni ghita nei magnahaghei toghodi eghu nogna naikno te gnafare.

Jemes 2:13

Kau narane fate na God ginauna na theome kokhonidi naikno te theome kokhonidi keha naiknore. Eghuteuna God ginauna na jateula tuana eghu kokhonidi naikno te kokhonidi keha naiknore.

Filipae 3:16

Neubane eghu ngau, te keli na tahati kaisei nagnafa ngala mala leghuni fabrahu u nafnata farirhiu te leghuni te mei tahati funu tifa te ghilei thoke ka narane gognaro gne.

Letas Teke Riso Tei Mae Pol Ka Khiloau Rom 15:5

Eghuteuna puhi te mala au heta ka gaoghatho nei mala ofoni teuna, jifla mei ka God ngala. Iara tore ka God mala togho ghami mala au kaisei gaoghatho ngala farihoteimi themi, naugna ghotilo te gnafa na kafe leghuni puhigna Jisas Kraes.

Mae Khuru 28:7

Rhegna vido tuana nogna nagare biꞌo mae funeigna moumolu tuana, nanghagna na mae Pablias. Mae Pablias tore ghami ghehati ne tei au ka nogna suga na thilo narane. Mana kaisei mae keli fara ne taji fakeli ghami ghehati.

Mae Khuru 27:3

Ka keha narane na ghehati ne thoke Saedon. Mae Julias ne keli fara ranghini mae Pol ne snakreni mana mala tei filodi kheragna fofodu te au ka namono tuana. Mare tangomana te toghoni mae Pol ka unha te nabagna mana na.

Mae Khuru 2:1

Kate thokeni narane Pentekos na, mare ne kafe au fodu neu kaisei vido.

Proveb 28:8

Keha naiknore dedei fara ka puhi te diꞌa kate foli mare intres biꞌo ka kaoni. Nu dedei igne ginauna tei ka khamegna mae ihei te keli ranghidi iheire te kuma.

Luku 10:33

Nu kaisei mae gna Samaria mei ne posa ka mana te thuru teu ka geri nabrou na. Kate filoni mae igne na, mana ne kokhoni nognani fara.

Efesus 4:32

Nu te keli na ghotilo fathaegoi nei fari namhai. Fari hata fadelei nakhibo jateula God teke hata fadeleidi nakhibomira eghu naugna ghotilo fatutuani ni Kraes.

Filipae 2:3

Eghuteuna ghotilo thosei ghatho ghami themi ba fahaehaghe eidi unha glepo keli te edi ghotilo re. Nu nhaꞌa fapari ghami themi, eghuteuna ghatho tahudi keha naiknore.