Ululahu Pita 3:3 - Buka Blahi Ka Cheke Holo

³ Eghuteuna theome raꞌe keli te fakekheli kolho thinimi ke kosire te mala kekheliana fifilomi na, jateula ghotilo te flehi khakla ba lilisei keha nafnata glepo teke hohoro ka gol, ba pipichi pohe te keli fara.

Ululahu Pita 3:3 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 12:2

Thosei lisa lao ghami themi mala leghuni puhigna naikno te diꞌa te au ka nauthoglu igne, nu lisa lao ghami ka God mala tughu mana nakarhamire, kate tusu ari gaoghatho majaghani ka ghotilo na. Ka puhi igne ghotilo ginauna tangomana te filo glanini unha te magnahagheni God na. Eghuteuna eni glepo te keli nei te doglo fabrahu teuna, nei eni glepo te keli tagnadi God.

Profet Isaia 61:10

Naiknodi Jerusalem igre ginauna cheke eghu, “Ka gaoghathomi fateote'o, ghehati thofno gleale'a fara, naugna Lord na nomi God ghehati. Puhi te fakarhi ghami, eghuteuna togho ghami mala leghudi puhigna te doglo teu igre ghehati thofno gleale'a fara jateula gaꞌase ghe nalhaꞌu te pipichi pohe te keli mala tolaghi teura eghu.

Profet Jeremaea 4:30

Jerusalem, kate groꞌe na, unha nate eni iagho ginauna? Iagho pipichi ka pohe ukru nei lalaoni ka glepo teke hohoro ka gol. Eghuteuna peda fakeli tathamu na. Nafnata glalaoni igre theome mala togho ghami ghotilo. Naugna mae kherami fofodu ghotilora tirodi ghamihi ghotilo, eghuteuna gognarona mare magnahaghei fara te falehe ghami ghotilo na.

Profet Jeremaea 2:32

Ba, gaꞌase te jifla kokoni nogna suga na te mala tolaghi na, naꞌa tangomana te ghatho ihodi nogna famane pohe nei khome teure? Theo fara! Nu ghotilo nogu naikno iara gre, ghotilo ghatho iho ghau iara fabrahu.

Profet Isaia 52:1

Dofra haghe ghotilo naiknomi Jerusalem! Farerheta nagnafami are! Ghotilo mala fagae ghami themi ka namono blahi Jerusalem. Naugna naikno bongihehe baludi naikno te theome gae ka tathagna God igre ginauna theome ruma haghe ka namono Jerusalem.

Eksodas 33:4

Kate nomhini naiknore cheke te brana igne, mare ne funu diꞌanagnafa fara ne theome fahaghe nodi dedenge nei nodi famane pohe teure.

Jenesis 24:53

Aonu mana ne hata fajifla thua nafnata glalaoni silva, gol nei famane pohe teure ne tusu lao ka Rebeka. Eghuteuna mana jaola ne tufa namha te biꞌo fara sileni dire ka kheragna nei idogna teu Rebeka re.

Jenesis 24:47

“Iara neke ghusna eghu ka naꞌa, ‘Iagho thugna gaꞌase mae ihei?’ “Naꞌa neke cheke eghu, ‘Iara thugna Betuel. Beteul na, thudi Naho ghe Milka.’ Aonu iara neke lilisei kaisei ring ka nehugna na nei phei khome ka phei khamegna re neku.

Jenesis 24:22

Kate koꞌu te gnafa kamel re, mana ne hata ne tusu lao ka Rebeka kaisei ring teke hohoro ka gol mala lilisei ka nehu na, tahugna na glima gram, nei phei khome neke hohoro la ka gol, tahu dire phei gobi gram.

Nodi Khoje Hatimare Mae Jiu 45:9

Thudi gaꞌase hatimare mae king te kegra haghe ka suga te au teu iagho na baludi goro krupe te fnakno nanghadi. Kuin te kegra fei nhetamu kate gnokro teu iagho ka sape nafnakno. Naꞌa te lalaoni ka thua nafnata glepo teke hohoro ka famane gol ka kantri Ofa.

Eksodas 38:8

Mare eni kaisei dis biꞌo eghuteuna mare jaola eni pesi gna na. Mare atha ka nodi thiro goro gaꞌase te loku ka grengatha gna Suga Tapuale te Blahi na ne edi phei glepo igre ka bras.

Eksodas 32:2

Eron ne cheke eghu ka mare, “Uve, ghotilo tei atha dedenge gol ka khetomi nei thumi teu ghotilo are mala atha mei ka iara.”

Profet Esikiel 23:40

“Repa fatei cheke ka nalhaꞌu te au khaba ka namono delei mala mei ka repa. Kate posa mei mare na, repa ne famane apu, eghuteuna peda tatha, eghuteuna lalaoni ka famane glepo te keli teke horo ka thina, aonu repa kilo meidi mae igre ka sugadi re.

Nogna Buka Esta 5:1

Esta ne theome ima nabagna thilo narane. Ka fatilo narane na Esta ne pipichi nogna pohe nafnakno Kuin na ne tei ka sugagna King. Naꞌa ruma haghe ka grengatha na khegra neu jare fei te gnokro figri lao teu King igne.

Eksodas 35:22

Uve, nalhaꞌu ba gaꞌase te thofno au nagnafadi fara te mala tusu lao glepo ka Lord igre, mare atha mei famane glepo teke horo mare ka gol, nei keha nafnata glepo mala lilisei ka pohe, nei dedenge, nei ring, nei chen mala babaꞌo. Mare pala haghe gol igre jateula nodi fafara eghu mala fagaglana gna te glepo igre nogna Lord.

Eksodas 3:22

Gaꞌasedi Israel igre ginauna toredi gaꞌasedi Ijep te au rhedire mala tusu ranghidi kmana pohe nei glepo eghu teke horo mare ka silva ba gol. Ghotilo ginauna snakredi thumire mala fahaghe glepo igre. Ka puhi igne, ghotilo ginauna atha famane glepo ka naiknodi Ijep jateula armi te uluni kaisei namono ka magra ra eghu.”

Fapea Kings 9:30

Mae Jehu ne tei thoke Jesrel. Eghuteuna kate nomhini Kuin Jesebel nonomho igne, naꞌa ne lalaoni phei tathagna re, eghuteuna pore fakeli khaklagna re. Aonu naꞌa kegra ka wida gna nogna suga na ne filo soru ka nabrou biꞌo na.

Ululahu Pita 3:2

Nu mare ginauna tangomana te fatutuani ni mae Kraes kate filodi puhimi ghotilo te keli fara re, naugna ghotilo thofno ghatho tahuni God.