Ululahu Pita 3:20 - Buka Blahi Ka Cheke Holo

²⁰ Igre tharungadi naikno teke huhughu fara teke ofodi fabrahu teku God ka narane teke horo vaka mae Noa tifa ia. Kehaghu kolho, nhana naikno khaputudire teke fakarhadi God ka khoꞌu na.

Ululahu Pita 3:20 ပူးပေါင်းရင်းမြစ်များ

Fapea Pita 2:5

Tifa na neke jaola, mae Noa neke cheke ka naiknore eigna puhi te doglo na. Eghuteuna kate huhughu fara naikno te diꞌa igre, God neke paradi nei kuru meini kaisei nabritha biꞌo mala falehedi. Nu mae Noa nei fitu naikno balugna eghu ngala teke karha na.

Hibru 11:7

Mae Noa fatutuani ni God neke leghuni God ka teke cheke mana eigna u nabritha. Neubane theome filodi unha nate thoke mei ginauna, mana ne leghuni God ne hohoro kaisei mola biꞌo mala fakarhini thegna nei tharakna. Kate eni igne, mana falalase naiknogna nauthoglu gne diꞌa fara. Eghuteuna jaola God te chekeni na mae Noa gne kaisei mae doglo fara ke ulugna God naugna mana ne fatutuani.

Jenesis 6:3

Aonu Lord ne cheke eghu, “Iara ginauna na theome snakredi mala karha fabrahu naikno igre. Iara ginauna na snakredi mare mala karhau nabagna kaisei gobi varadaki finogha kolho ame lehe nga eghu.”

Jenesis 6:5

Lord ne filodi puhidi naikno gna nauthoglu gne ne thono diꞌa fara. Eghuteuna mare ghathodi fabrahu kolho glepo te diꞌa re.

Jenesis 8:18

Aonu mae Noa ne jifla ka vaka na balu khetogna, thugna nalhaꞌu nei khetodire nei thua nafnata glepo te tautagu te gnafa nei thua nanghaji te gnafa teure ne fagleghui ne jifla ka nodi soasopai nafnatadi.

Jenesis 6:13

Aonu God ne cheke eghu ka mae Noa, “Iara ginauna na kafe roꞌe fahuidi naikno te khuru magra nei faꞌau aknu teu fari thedi igre nei iara ginauna na jaola roꞌeni nauthoglu igne.

Jenesis 7:13

Mae Noa ghe khetogna na nei thilo mae thugna nalhaꞌu re, mae Sem, mae Ham, mae Jafet nei khetodire eghu ne saghe ka vaka na.

Fapea Pita 3:15

Noda Lord theome tangomana snakreni narane tuana mala ghosei mei naugna mana magnahaghei te fakarhi ghita kate hogri nagnafa tahati na. God neke batuni kherada mae Pol mala riso ari ka ghotilo nafnata gaoghatho igre.

Letas Teke Riso Tei Mae Pol Ka Khiloau Rom 9:22

Unha te eni God na jateula tuana eghu. Mana magnahaghei te falaseni nogna diꞌatagna na mala laseni naiknore nogna nolaghi na. Nu mana loku famaku diꞌatagna na ka naikno naba te mala roꞌedi mana kate diꞌatagna na.

Luku 12:32

“Neubane theome nheta ghotilo, thosei mhaghu. Naugna mae Kmami ghotilo na keli tagna fara te snakre ghami ghotilo te mala au ke lamnagna karha te funei frunini mana na.

Profet Isaia 30:18

Nu Lord na kokhoni ghami ghotilo. Leuleghu fata na mana eni koba glepo te doglo na. Eghuteuna ihei te fatutuani ni mana na, mana ginauna glealeꞌa nogna fara.

Jenesis 8:1

God ne theome ghatho ihoni mae Noa nei glepo tautagu te au teu balugna mana ka vaka na. Aonu God ne kuru meini kaisei nuri ne mei ka nauthoglu gne. Eghuteuna khoꞌu na neke funu thugha soru pari.

Efesus 5:26

Mana neke eni igne mala fablahini nei mala tihi fagaeni eghu khiloau na ka khoꞌu nei ka chekegna.

Jenesis 6:8

Nu Lord ne keli tagna fara ka mae Noa.

Mae Khuru 2:41

Iheire naikno te fatutuanidi nogna cheke mae Pita re ne apublahi, naba thilo thogha naikno te ruma haghe ka tothoghei mae khiloau kau narane tuana.

Ululahu Pita 1:9

Naugna ghotilo fatutuani ni mana nei hata thofno nakarha te theo ka huigna, jateula te rouronuni ghotilo nate thoke mei ginau.

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.

Ululahu Pita 2:25

Ghotilo tifa na jateula sipu neku neke tei snivi. Nu gognaro na, ghotilo ke pulo mei mala leghuni God, mae greireghi sipu na, thofno mae te mala reireghini nakarhami ghotilo na.

Ululahu Pita 3:19

Ka nogna tothogho mae Tharunga te Blahi mana neke tei toutonu eigna Nonomho te Keli na ka tharungadi naikno te au ka suga sosolo re.

Ululahu Pita 4:19

Naugna igne, naikno te magnahaghedi God te mala au papara tulao eigna nodi gloku te keli ranghidi keha naiknore, snakre lao nakarhadire ka khamegna God. Naugna God neke vuavuhadi, mana theome tangomana te ghatho ihoni nogna nhaꞌa cheke te mala reireghidire.