Ululahu Pita 3:14 - Buka Blahi Ka Cheke Holo

¹⁴ Nu jame keha naiknore para ghami ghotilo eigna te eni ghotilo unha te doglo na, keli fara, ghotilo keli tami kolho. Eghume ghotilo thosei mhaghudi naikno te para ghami re nei thosei nanga nomi fara eghu ka mare.

Ululahu Pita 3:14 ပူးပေါင်းရင်းမြစ်များ

Matiu 10:28

Thosei mhaghudi naiknore, naugna mare tangomanadi kolho te faleheni thini na. Nu mae ihei te mala mhaghuni ghotilo na God. Naugna mana au nolaghi te mala kafe falehedi thini ghe tharungare ka namono te mala au papara te kiloi Gehena.

Fapea Korin 12:10

Eghume iara gleale'a fara kate papara naugna iara nogna mae Kraes. Tutuani, kate nigra na, kate cheke fadiꞌa ghau na, ba ka vido te ninhigrana ba ka vido te au papara, ba ka thua nafnata hoholo fateo, iara gleale'a fara naugna ka vido igre Kraes tangomana te tusu mei ka iara nogna u nolaghi biꞌo na.

Jemes 1:12

Mae ihei te kegra heta nei theome snakreni thegna teu ka fariuriu te mala eni puhi te diꞌa na, mana keli tagna fara. Mana ginauna na hata nogna taba na, karha fei tifa teke kulu nhaꞌa cheke God ranghidi iheire te namhani mana re.

Jone 14:27

Iara na lilisei soru nogu pharikeli na balumi ghotilo, nogu pharikeli iara igne tusu ari ka ghotilo. Nogu pharikeli iara igne theome jateula glepo te tusu ari naiknogna nauthoglu igne eghu. Eghume thosei nanga nomi nei thosei mhaghu eghu ghotilo ia.

Jone 14:1

Mae Jisas ne cheke eghu ka nogna mae fanomhore, “Thosei nanga nomi nei diꞌanagnafami eghu. Fatutuani ni God nei fatutuani ghau la iara.

Nonomho Te Keli Teke Risoi Mae Mak 10:29

Mae Jisas ne cheke eghu ka mare, “Uve, tutuani fara te chekeni iara ka ghotilo na. Ihei te jifla kokoni sugagna, ba tahigna ba greghagna ba idogna ba kmagna ba thugna ba nogna vido glose na malagu iara nei Nonomho te Keli gne teuna,

Nonomho Te Keli Teke Risoi Mae Mak 8:35

Naugna ihei te magnahaghei tathaji nakarhagna thegna na, mana ginauna na jojokei thofno nakarhagna na. Nu ihei te lisa lao nakarhagna na malagu iara nei Nonomho te Keli gne teuna, mana ginauna na hatini karha na.

Matiu 19:29

Eghuteuna mae ihei te lisei faleghu sugagna, tahigna, greghagna, kmagna, idogna, goro thugna, ba nogna vido glose, te leghu ghau iara na, mana ginauna hata kaisei gobi fata ke uludi gobigna lepo teke lisei faleghu mana igre. Eghuteuna mana ginauna hatini nakarha fei tifa na.

Matiu 16:25

Naugna mae ihei te magnahaghei taji fakelini kolho nakarhagna thegna na, mana lisa laoni kolho thofno nakarhagna na. Nu mae ihei te snakreni nakarhagna na malagu iara teuna, mana na loku famaku thofno nakarhagna na.

Ululahu Pita 3:6

Sera jateula tuana neku neke leghuni mae Ebraham neke kiloni mana mae funei. Jame edi koba ghotilo glepo te keli igre, nei theome mhaghuni kaisei glepo te eni ranghi ghami khetomire teuna, ghotilo ginauna jaola goro thugna Sera.

Matiu 10:39

Nu ihei te magnahaghei loku famaku karhagna thegna na, mana ginauna theome ludeni thofno nakarha na. Nu ihei te snakreni karhagna na ka iara na, mana ginauna ludeni thofno nakarha na.”

Profet Jeremaea 15:15

Aonu iara ne cheke eghu, “Lord, iagho lase fakelini nakarhagu iara na. Naikno igre para ghau iara fabrahu. Ghatho ghau nei reireghi ghau eghu iara sagho. Tughu fapulo sagho ka mare puhi te goigoni ghau iara fabrahu mare igne. Thosei faraugha te paradi mare na, na eghunu falehe ghau iara mare eghu. Filo sagho, mare cheke fadiꞌa ghau koba iara, naugna iara nou mae gloku iagho.

Profet Jeremaea 1:8

Iagho thosei mhaghudi naiknore, naugna iara ginauna na batu nigho iagho.” Igne chekegna Lord teke cheke mei ka iara na.

Profet Isaia 51:12

Lord ne cheke eghu ka nogna naiknore, “Kaisei iara ngala te kokhoni ghami nei farheta ghami teu ghotilo na. Eghume naugna unha si ghotilo te mhaghudi naikno grea? Naikno tuare ginauna ghosei lehe dofidi jateula buburu te theome au raugha ra eghu kolho.

Filipae 1:29

Tutuani fara, God la tusu arihi ka ghotilo u nafnakno te mala loku ranghini nei fatutuani ni mae Kraes nei au papara malagna mana teuna.

Matiu 10:31

Eghume, thosei mhaghudi unha te edi mare ranghi ghami ghotilo re. Naugna ghotilo thono glepo biꞌo fara ke uludi nanghaji te kmana are!

Mae Khuru 9:16

Eghuteuna iara thegu ginauna na falaseni mana niha nafnata naꞌau papara nate thokeni mana kate toutonu thakleni nanghagu iara na.”

Profet Esikiel 3:9

Iara ginauna farheta nigho iagho mala thofno maku jateula thina te mhaku fara ra eghu iagho, eghuteuna iagho ginauna uludi mare. Neuba mare ne diꞌatadi ghau iara koba, nu iagho thosei mhaghudi mare.

Proveb 3:25

Hoholo na ghosei thokedi naikno te diꞌa re. Nu iagho thosei mhaghuni kaisei glepo.

Jemes 5:11

Eghuteuna te ghathoni tahati te chekeni na mare thono keli tadi fara naugna mare kegra heta fabrahu ne ghilei thoke ka narane leghu lahu na. Eghuteuna ghotilo neke nomhi nila eigna mae Job ia. Kmana nafnata puhi biꞌo thokeni mana, nu mana biꞌo nogna fatutuani na ka God. Eghuteuna ke leghudi puhi igre Lord neke toghoni mana neke tusu ranghini mana gobigna lepo te keli teke magnahaghedi mana re. Naugna Lord na kafe namha ghita nei kokhoni ghita nei magnahaghei toghodi eghu nogna naikno te gnafare.