Ululahu Pita 3:12 - Buka Blahi Ka Cheke Holo

¹² Naugna Lord na reireghi fakelidi naikno te doglore. Eghuteuna mana tangomana te fanomho ka nodi tharaire, nu mana figri lao thagrugna na ka naikno te edi puhi te diꞌare.”

Ululahu Pita 3:12 ပူးပေါင်းရင်းမြစ်များ

Jone 9:31

Tahati kafe laseni God na theome fanomho ka nogna tharai mae te diꞌa na nei toghoni mana eghu. Nu God na fanomho ka ihei te pogho soruni nei leghuni teu mana na ngala.

Proveb 15:29

Lord na theome fanomho ka nogna tharai ihei te eni puhi te diꞌa na. Nu mana fanomho ka nogna tharai ihei te doglo na.

Proveb 15:3

Lord na filo ka naikno te keli nei ka naikno te diꞌa, eghuteuna lasedi unha te edi mare re.

Fapea Kronikols 7:15

Nu iara ginauna reireghi fakelini Sugablahi igne, eghuteuna tharai te edi ghotilo ka Sugablahi igne na, iara ginauna tarabanau kolho te mala nomhi ghami ghotilo na.

Proveb 15:8

Lord na theome magnahagheni nogna fafara naikno te diꞌa na. Nu mana kelitagna ka nogna tharai mae te doglo na.

Fapea Kronikols 16:9

Leuleghu fata na Lord filo fabrahu ka vido te gnafa ka nauthoglu igne, eghuteuna mana tangomana te farhetadi naikno te leghuni mana re. Nu iagho theome leghuni mana fabrahu, eghume mae naokare ginauna mei magra ka nou kantri iagho igne.”

Jemes 5:16

Eghume te cheke thakledi ghotilo nakhibomire fari themi nei fari totoghoi ka nomi tharai na mala ke keli fapulo. Nogna tharai mae ihei te doglo fara ke ulugna God na thono nolaghi fara.

Nodi Khoje Hatimare Mae Jiu 65:2

Naugna te nomhidi iagho nomi tharai ghehati gre, naikno te gnafa ka namono te gnafa gre ginauna na ari mala fafara ka iagho.

Profet Esikiel 15:7

Uve, iara ginauna figri tagrudi mare. Neuba mare ne rikha kokonihi kaisei khaꞌaghi, nu gognarona keha khaꞌaghi na ginauna nhako falehedi mare hui. Eghuteuna kate figri tagrudi iara mare na, ghotilo ginauna laseni te iara Lord.

Diutronomi 11:12

Lord nomi God ghotilo igne mana reireghi fakelini glose igne. Leuleghu narane na mana filo tongana ni, funu ka vuvuhagna finogha na tei posa ka gnafagna finogha na.

Nodi Khoje Hatimare Mae Jiu 80:16

Naoka gre la thofno goigoni ghami fara ghehati gognaro na. Uve, ghehati la jateula gaju te lehe te khoko soru te koko lao ka khaꞌaghira eghu. Eghume cheke faheta sagho ka mare mala papara fara mare.

Levitikas 26:17

Iara ginauna figri tagru ghami ghotilo, eghuteuna nomi naoka ghotilo are ginauna ulu ghami ghotilo, eghuteuna iheire te susuku ghami ghotilo are ginauna funei fruni ghami ghotilo. Neubane theo kaisei naikno te ngolhi ghami ghotilo na, ghotilo ginauna rikha, naugna ghotilo ne thono mhaghu nomi fara!

Levitikas 20:3

Mae ihei te eni igne mana goigoni ni nogu vido blahi iara na, nei goigoni ni nanghagu iara te blahi na. Eghume iara ginauna figri tagruni nei lisei fadeleini ka naiknodi Israel.

Profet Jeremaea 21:10

Iara neke chekehi, eghuteuna iara ginauna na theome ke tughu nagnafagu na. Iara ginauna na theome eni kaisei glepo te keli ka namono igne. Theo. Iara ginauna goigoni ni fara ka khaꞌaghi.’ Igne chekegna Lord.

Nodi Khoje Hatimare Mae Jiu 11:4

Lord na au ka nogna Sugablahi na. Mana au kligna mala funei frunidi naiknore, eghuteuna tathagna na mana filou ngala ka naiknore. Mana lasedi ngala unha te edi naiknore.

Levitikas 20:6

“Eghuteuna jame kaisei ka ghotilo tei ka mae ihei tangomana te cheke baludi tharungadi naikno teke lehe tifa ra ba ka keha naitu, iara ginauna figri tagruni mana eghuteuna lisei fadeleini mana ka naiknodi Israel.

Levitikas 17:10

“Eghuteuna jame kaisei naikno gna Israel, ba kaisei naikno phosa au balumi ghotilo, koꞌu dadara ba ghamu nafnahi te dadara teu, iara ginauna theome magnahagheni naikno tuana, hata fadeleini ka naiknodi Israel.

Nodi Khoje Hatimare Mae Jiu 33:18

Nu Lord na reireghidi iheire te ghatho tahuni nei rouronuni teu nogna namha biꞌo mana na.

Profet Jeremaea 39:12

“Ghotilo tei filoni mae profet Jeremaea mala reireghi fakelini mana. Thosei parani, nu eni ranghini unha te chekeni mana na.”