Ululahu Pita 3:10 - Buka Blahi Ka Cheke Holo

¹⁰ Eigna te chekeni ka grioriso te blahi na, cheke eghu, “Ihei te magnahagheni nakarha te keli nei magnahaghei gleale'a leghu narane teuna, mana thosei cheke diꞌa nei thosei chekeni kaisei chaichaghi eghu.

Ululahu Pita 3:10 ပူးပေါင်းရင်းမြစ်များ

Jemes 1:26

Mae ihei la naikno khiloau hi thegna teu ka gaoghathogna na nu theome saghe leghu fakelini nogna cheke na teuna, mana chaghini kolho thegna nei nogna fatutuani mana na theo nafudi kolho.

Ululahu Pita 2:22

“Mana neke theome eni kaisei nakhibo, eghuteuna theo kaisei cheke chaichaghi te jifla mei ka foflogna na.”

Ululahu Pita 2:1

Eghume, thosei nomire eghudi puhi te diꞌare. Thosei chaghidi naiknore. Thosei goghotu ba cheke fadiꞌadi keha naiknore.

Thakle 14:5

Mae igre neke theo kaisei cheke chaichaghi te jifla mei ka foflodire. Tutuani fara, mare thofno doglo fara ka tathagna God na.

Jone 1:47

Mae Jisas filoni mae Natanel te mei ke ulugna mana na, ne cheke eghu eigna mana, “Filoni si ghotilo. Mae igne ngala thofno mae gna Israel na, naugna mana theome tangomana te chaghi na.”

Jone 12:25

Jateula tuana eghu nakarhagna naikno na. Naikno te namhani nakarhagna thegna na ginauna theome hatini thofno nakarha te tutuani na. Nu naikno te tirognani nakarhagna thegna ka nauthoglu igne ginauna tathaji malagna karha fei tifa.

Proveb 8:35

Mae ihei te dei ghau iara na, mana ginauna hatini nakarha te keli na, eghuteuna Lord na kelitagna fara ka mana.

Proveb 3:2

Jame te leghuni iagho cheke igne na, iagho ginauna au raugha ka nauthoglu igne, eghuteuna iagho ginauna au ka pharikeli.

Matiu 19:17

Mae Jisas ne cheke eghu ka mana, “Ghema, naugna unha sagho te mei hironi ka iara glepo te keli gnea? Kaisei thegna God ngala mae te keli na. Nu te magnahaghei hatini iagho nakarha fei tifa na, iagho leghudi vetula igre.”

Proveb 4:22

Jame te hata iagho nogu cheke iara igne na, cheke igne ginauna tusu ranghi nigho u thofno karha na.

Proveb 3:18

Gaoghatho te keli na jateula gaju karha eghu, eghuteuna ihei te loku maku ka gaoghatho te keli na ginauna gleale'a fara.

Nonomho Te Keli Teke Risoi Mae Mak 8:35

Naugna ihei te magnahaghei tathaji nakarhagna thegna na, mana ginauna na jojokei thofno nakarhagna na. Nu ihei te lisa lao nakarhagna na malagu iara nei Nonomho te Keli gne teuna, mana ginauna na hatini karha na.

Nodi Khoje Hatimare Mae Jiu 49:19

Neuba, mana ginauna leheu, eghuteuna mana ginauna tei au lamna beku baludi kuꞌegna teke lehe tifa ra.

Nodi Khoje Hatimare Mae Jiu 27:13

Tutuani fara, iara laseni, iara ginauna karhau ghilei filoni Lord te fablahidi nogna naiknore.

Thoutonu Eigna Mae Job 33:28

Iara namo lehe mala soru pari ka beku, nu mana hata fapulo ghau iara kau glehe, eghuteuna iara gognarona karhau mala filoni naphae na.’

Thoutonu Eigna Mae Job 9:25

“Gognarona, iara haimini narane ka nakarhagu iara na gre ghosei chari salaꞌu kolho. Theo kaisei glepo te keli kolho te thoke mei ka nakarhagu iara na.

Diutronomi 32:47

Ghotilo laseni! Farirhiu igre theome cheke theo nafudi kolho. Nakarhami ghotilo na au ka farirhiu igre! Ghotilo mala leghudi farirhiu igre mala tangomana ghotilo te au raugha ka glose nate au ghotilo kate tei kasa ghotilo ka Khoꞌu biꞌo Jordan.”

Eklesiasti 2:3

Iara fariuriu fara mala lasedi gobigna lepore, aonu iara koꞌu waen mala glealeꞌa nogu, nu neuba iara loku jateula mae te fameomekro eghu. Iara magnahaghei fara te filo glanidi gobigna lepo te keli te edi naiknore ka vido te kmoꞌei kolho te au ka nauthoglu igne.

Nodi Khoje Hatimare Mae Jiu 106:5

Jame te eghu na, iara ginauna filoni nakarha te keli na ka nou naikno iagho re, nei iara ginauna tangomana te glealeꞌa baludi. Uve, mala tangomana ghau iara te mala kaisei baludi te mala kilo fnaknoni nanghamu iagho na.

Thoutonu Eigna Mae Job 2:4

Nu Satan ne cheke eghu, “Naikno na tangomana te lilisei nogna gobigna lepore mala fakarhini thegna.