Ululahu Pita 2:9 - Buka Blahi Ka Cheke Holo

⁹ Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Ululahu Pita 2:9 ပူးပေါင်းရင်းမြစ်များ

Diutronomi 7:6

Ghotilo mala edi glepo igre, naugna ghotilo nogna naikno blahi Lord, nomi God. Mana neke vahi fadelei ghami ka keha naikno te gnafa ka nauthoglu igne mala nogna naikno thegna.

Thakle 1:6

Mana eꞌei ghita mala pris te mala toghodi nogna naiknore nei mala pogho soruni God Kmagna noda King. Tahati ginauna pala hagheni nanghagna na kligna, eghuteuna kilo fnaknoni fabrahu nogna nolaghi biꞌo na tifa tifa. Amen.

Thakle 5:10

Iagho eꞌeidi mare mala mae pris te mala toghodi nogna naiknore nei mala pogho soruni God Kmagna noda King. Mare ginauna funei frunidi naiknogna nauthoglu igne.”

Profet Isaia 61:6

Naikno te gnafa igre ginauna lase ghami ghotilo te nogna pris Lord, eghuteuna ghotilo nogna mae gloku mana. Ghotilo ginauna atha nodi glepo te keli keha kantri are, eghuteuna ghotilo ginauna gleale'a, naugna ghotilo ne khotodi nodi dedei mare re.

Fapea Timoti 1:9

God neke fakarhi ghita, eghuteuna kilo ghita mala nogna naikno mana thegna. Mana neke theome eni igne unha tahati tangomana te eni theda na, nu mana thegna neke magnahaghei eni igne naugna mana namha ghita fara. Eghuteuna nogna namha God tuana neke tusu mei ka tahati ka mae Jisas Kraes kani theome fufunu nga neku nauthoglu igne.

Diutronomi 14:2

Ghotilo thosei diꞌanagnafa, jateula keha naikno te leghudi keha nafnata god delei ra eghu. Naugna ghotilo nogna naikno blahi Lord nomi God. Eghuteuna Mana neke vahi fadelei ghami ka keha naikno te gnafa ka nauthoglu igne mala nogna naikno mana kolho.”

Ululahu Pita 2:5

Ghotilo jaola jateu thina karha eghu, eghuteuna God ginauna salo fodu ghami jateula nogna Sugablahi eghu ka nogna nolaghi mae Tharunga te Blahi. Ghotilo ginauna jateula nogna mae pris blahi eghu God mala au fodu mala fafara ka God. Mae Tharunga te Blahi ginauna togho ghami ghotilo mala fafara, nei God ginauna keli tagna fara ka fafara igre ka nanghagna mae Jisas Kraes.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Diutronomi 10:15

Neuba, mana namhadi fara thilo kuꞌemi ghotilo ra, Ebraham, nei mae Isak, nei mae Jekop. Eghuteuna mana theome magnahaghedi keha naiknore ka nauthoglu igne, nu mana neke vahi ghami ghotilo iheire teke karha mei ka vikedi thilo mae igre. Eghuteuna gognarona ghotilo nogna naikno mana.

Profet Isaia 26:2

Tothora grengatha biꞌo ka namono igne, mala iheire te leghuni fabrahu puhi te doglo na tangomana te ruma mei!

Mae Khuru 26:18

Iara na kuru tei nigho mala tothora tathadi iheire te au kate romno mala filoni mare u thofno naphaegna God. Uve, iara na kuru nigho mala jifla kokoni mare nogna nolaghi mae Satan mala ke pulo ka God. Eghuteuna te fatutuani ghau iara mare na, God ginauna hata fadelei nakhibodire. Eghuteuna mare ginauna na kaisei ngala baludi naikno teke kulu vavahi God re.’

Thakle 20:6

Naikno teke kulu fakarha fapulodi God kau glehe igre mare keli tadi fara, naugna mare ginauna na theome papara kate kafe papara naikno te diꞌare kau khaꞌaghi te theo ka gnafagna. Mare nogna naikno blahi God. Mare ginauna jaola mala nogna mae pris God nei nogna Kraes, eghuteuna mare ginauna funei fruni balugna Kraes kaisei thogha finogha.

Nodi Khoje Hatimare Mae Jiu 33:12

Keli tadi fara naiknodi kantri te nodi Lord na God ngala teu igre. Keli tadi fara naikno teke vavahi mana te mala atha unha teke nhaꞌa cheke ranghidi mana re.

Matiu 5:16

Eghume, jateula tuana eghu, ghotilo mala falalase nakarhami na mala laseni naiknore te nogna naikno God ghotilo na, nei filo glani unha te keli te eni ghotilo na. Eghuteuna mare ginauna cheke fakelini mae Kmami, mae ihei te au kligna.”

Diutronomi 4:20

Nu Lord neke fakarhi ghami ghotilo ka puhi biꞌo Ijep te jateula kaisei khaꞌaghi biꞌo te brana fara ra neku, naugna mana magnahaghei ghami ghotilo te mala nogna naikno thegna, eghuteuna tahati au eghu au gognaro gne.

Kolose 1:13

God neke hata fadelei ghitahi ka nogna nolaghi mae Satan, eghuteuna lisei ghita ke parigna nogna nolaghi Thugna God, mae ihei mana te namhani fara.

Ululahu Korin 3:17

Eghuteuna jame ihei te roꞌeni sugagna God na, God ginauna jaola roꞌeni mana. Naugna sugagna God na blahi fara, eghuteuna ghotilo jateula sugagna mana na eghu mala blahi fara.

Mae Khuru 20:28

Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.

Profet Isaia 66:21

Eghuteuna iara ginauna vavahi keha ka mare mala pris nei keha mala Livaet.

Profet Isaia 42:16

Iara ginauna batudi nogu naikno te dofu ra mala leghuni nabrou teke theome leghuni mare tifa na. Iara ginauna hata fadelei gromno te au teu mare ke lamnagna igne mala phae jateula narane eghu, eghuteuna iara ginauna fasasare nabrou te poipogili are maladi mare. Igne unha teke nhaꞌa chekeni mala eni teku iara na, eghuteuna iara ginauna eni unha teke nhaꞌa chekeni iara na.

Profet Isaia 41:8

“Nu ghotilo naiknomi Israel, teke karha mei ka vikegna mae kheragu iara mae Ebraham. Iara neke vahi ghami ghotilo mala thofno nogu naikno gloku iara.

Profet Isaia 9:2

Naikno teke tei kate romno tifa ra ginau filoni kaisei juta biꞌo. Tifa na ghehati neke au ka vido te romno fara, nu gognarona juta igne phae mei ka ghehati iheire te au ka vido te romno.

Filipae 3:14

Iara faheaheta fara mala hata u taba igne. Naugna mae Jisas Kraes, God kilo ghau iara mala tei ka mana kligna nei au fabrahu balugna mana jare. Eghume tuana ngala nogu taba iara na.

Profet Isaia 44:1

Kani au teku ghotilo ka thiꞌadi idomi ra, Lord neke vahi ghami ghotilo mala vikegna Israel. Eghuteuna mana neke togho ghami ghotilo neke cheke eghu, “Ghotilo fanomho mei ka iara, thosei mhaghu! Iara namha ghami ghotilo neke vahi ghami ghotilo mala nogu naikno gloku iara.

Matiu 4:16

Naikno te theome laseni God, te au kate romno igre ginauna filoniu naphae te biꞌo na. Naphaegna God na ginauna na jateula naprai te haghe hamerane ia eghu na thakle ranghidi naikno te theo tadi nakarhagna God.”

Ululahu Pita 1:2

Tifa na, God Mama neke vahi ghami ghotilo leghuni nogna gaoghatho na. Eghuteuna mae Tharunga te Blahi neke fablahi ghami naugna mana neke magnahaghe ghami ghotilo te leghuni mae Jisas Kraes nei fagae ghami ka dadaragna mae Jisas Kraes. Iara toreni God mala fablahi ghami nei tusu ranghi ghami pharikeli mala bruara fabrahu tifa tifa.

Luku 1:79

Na phae jateula naprai eghu ka tahati te au kate romno, nei au ke parigna naungogna u glehe. Mana ginauna na batu fadoglo ghita kau nabrou te mala hatini tahati u pharikeli na.”

Nodi Khoje Hatimare Mae Jiu 106:5

Jame te eghu na, iara ginauna filoni nakarha te keli na ka nou naikno iagho re, nei iara ginauna tangomana te glealeꞌa baludi. Uve, mala tangomana ghau iara te mala kaisei baludi te mala kilo fnaknoni nanghamu iagho na.

Letas Teke Riso Tei Mae Pol Ka Khiloau Rom 9:24

Tahati ngala naikno teke kilo ghita God na mala hata nogna namha biꞌo mana na. God neke kilodi mae te theome Jiu nei jaola kilodi mae Jiu.

Mae Khuru 26:28

Mae King Agripa ne cheke eghu ka mae Pol, “Ba, iagho fariuriu ghau iara ka vido kmoꞌei igne mala nogna naikno mae Kraes sia?!”

Ululahu Pita 4:11

Ihei ka ghotilo te toutonuni chekegna God na, mana mala toutonuni cheke teke tusu mei God ka mana kolho. Eghuteuna ihei ka ghotilo te toghodi naiknore, mana eni igne ka nanheta teke tusu ranghini God na. Ka nafnata gloku te keli igre, naiknore ginauna kilo fnaknoni God ka nanghagna mae Jisas Kraes. Nafnakno nei nolaghi biꞌo te au balugna God tifa tifa. Amen.

Efesus 1:6

Tahati kilo fnaknoni God eigna nogna khokofakasai te thofno keli fara! U khokofakasai igne mana neke khogla tusu ranghi ghita kolho naugna nogna gloku mae Jisas mae ihei God te namhani fara.

Nodi Khoje Hatimare Mae Jiu 22:30

Naikno te theome karha nga teu ra ginauna mala loku ranghi nigho. Mare ginauna na toutonu eimu iagho ranghidi naikno nate karha mei teu thogheiro.

Efesus 1:14

Tutuani, naugna tahati la hatahi mae Tharunga te Blahi na, tahati ginauna tangomana te hata unha God teke nhaꞌa cheke ranghi ghita tifa na. Naugna igne tahati thofno laseni God ginauna thofno fasnagladi nogna naiknore balugna. Eghume tahati kilo fnaknoni God eigna nogna nafnakno biꞌo!

Jone 17:19

Iara na fablahi ghau thegu mala loku ranghi nigho iagho, mala tangomana langau mare te thofno blahi fara te mala loku ranghi nigho iagho na.”

Efesus 3:21

Tahati nogna khiloau mana eigna tahati kaisei balugna mae Jisas Kraes, tahati ginauna kilo fnaknoni God fabrahu tifa tifa. Amen.

Ululahu Samuel 12:22

Lord na magnahagheidi naiknore te ghatho tahuni nanghagna mana na, naugna igne te theome tei koko ghami mana na, eghuteuna mana neke vahi ghami ghotilo mala nogna naikno mana.

Nodi Khoje Hatimare Mae Jiu 118:27

Lord kolho ngala God te tutuani na, nei mana keli fara ranghi ghita. Eghuteuna ka narane te biꞌo igne ghotilo louloku grege gaju mala tei falithuini olta na.

Nodi Khoje Hatimare Mae Jiu 135:4

Lord neke vahini vikegna mae Jekop mala nogna naikno mana. Uve, mana la vahidihi naiknodi Israel mala thofno nogna naikno mana.

Profet Isaia 62:12

Ka narane igne, naiknore ginauna kilo ghami ghotilo, “Nogna naikno blahi God” nei “Naikno teke atha fapulo Lord ka namono igne.” Eghuteuna mare ginauna kiloni Jerusalem, “Namono te magnahagheni fara Lord,” nei “Namono aheva na teke pulo mei te au Lord tagna.”

Profet Malakai 3:17

“Aonu Lord mae ihei te au nolaghi fateoteꞌo igne ne cheke eghu, ‘Naikno igre mala nogu iara. Eghuteuna iara ginauna kokhonidi naikno igre jateula mae kmami ghotilo te kokhonidi thudi ra eghu.

Diutronomi 18:2

Mare ginauna na theome khotogna kaisei vido glose jateula ghotilo kheradi mare igre eghu. Naugna gobigna lepo te magnahaghedi mare re, Lord ginauna tusu ranghidi mare leghuni unha teke nhaꞌa chekeni mana na.