Ululahu Pita 2:7 - Buka Blahi Ka Cheke Holo

⁷ Thina igne glepo ulu fara ka ghotilo naikno te fatutuani na. Nu ka naikno te theome fatutuani re, grioriso te blahi na cheke eghu, “U thina teke tirodini mae iheire te horo suga na, kela kegra haghe kaisei thina ulu fara ka suga na.”

Ululahu Pita 2:7 ပူးပေါင်းရင်းမြစ်များ

Matiu 21:42

Mae Jisas ne cheke eghu ka mare, “Uve, ghotilo iu'ijunihi igne kau grioriso te blahi ia, “ ‘Thina teke tirodini mae iheire te horo suga na, kela kegra haghe kaisei thina ulu fara ka suga na. Glepo igne Lord teke eni gnana, thofno keli fara ka tahati filogna na.’

Ululahu Pita 2:8

Eghuteuna ka keha grioriso te blahi na cheke eghu, “Naiknore ginauna totokhei ka thina igne. Eghuteuna mare ginauna na uka ka thina igne.” Mare uka naugna mare ne theome leghuni unha te chekeni God na. Igne unha te ghathoni God te maladi mare na.

Ululahu Pita 1:8

Iara laseni, ghotilo theome filoni mana gognaro, nu ghotilo namhani mana, fatutuani ni mana nei gleale'ani mana. Tutuani, nomi gleale'a ghotilo na biꞌo fara, theome tangomana kaisei naikno te ruruthani gaoghathogna na.

Hibru 11:31

Kaisei gaꞌase vine, nanghagna na Rehab, neke fatutuani ni God. Naugna igne, kate grofo namono na, naꞌa neke theome lehe baludi naikno te tirodi leghuni God na. Naugna naꞌa neke taji fakelidi phei maedi Israel teke mei efra poru ka namono Jeriko.

Hibru 4:11

Tahati fariuriu fara mala tei thoke ka namono igne mala gnafa tifa tifa balugna God. Na eghunu jateula teke edi mae tifa teke patugama ra eghu keha naikno ka tahati te figri tagruni God na, naugna mare neke theome thokeni namono tuana.

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Kolose 2:10

Eghuteuna ghotilo te kaisei balugna mae Kraes na, mana tusu ari ka ghotilo thofno nakarha na. Mana te funei frunidi thua engel fateo nei nolaghi fateo.

Fapea Korin 2:16

Ka iheire te snivi fabrahu re, sisiri igne siri diꞌagna fara, eghuteuna hata mei glehe ka mare. Nu ka iheire teke fakarhidi God re u sisiri igne thofno keli fara eghuteuna hata mei karha ka mare. Eghume ihei te nabagna na gloku igne?! Iara theome nabagu!

Letas Teke Riso Tei Mae Pol Ka Khiloau Rom 15:31

Ghotilo mala taraidi iheire te theome fatutuani ka namono Judia mala theome nenei ghau iara mare. Eghuteuna ghotilo taraidi nogna naikno God te au ka namono Jerusalem, mala tangomana mare te gleale'a ka sileni te hata te tei iara te mala toghodi mare na.

Letas Teke Riso Tei Mae Pol Ka Khiloau Rom 10:21

Nu eigna Israel na God ne cheke eghu, “Leghu narane na iara kilodi iheire te huhughu nei iheire te patugama fara, naugna iara magnahaghedi mare mala ke pulo mei ka iara.”

Mae Khuru 26:19

“Naugna igne, ghema King Agripa, iara theome huhughuni unha teke thakle mei funugna kligna na.

Jone 4:42

Aonu, naiknore ne cheke eghu ka gaꞌase na, “Ulu lahu na ghehati neke fatutuani ni mae Jisas ka unha teke chekedi iagho ka ghehati ra. Nu gognaro na ghehati fatutuani naugna ghehati neke nomhini themi. Tutuani fara, ghehati laseni mae igne ngala thofno mae te mala fakarhadi naikno te gnafa ka nauthoglu gne.”

Luku 20:17

Nu mae Jisas ne filo ka mare ne cheke eghu, “Unha eghu gaoghathogna na phugra cheke ka grioriso te blahi na igne? “ ‘Thina te tirodini mae iheire te horo suga na, kela kegra haghe kaisei thina ulu fara ka suga na.’

Luku 2:32

Mana jateula kaisei juta eghu mala faphaedi naikno te theome mae Jiure mala filo glani nigho mare. Mana ginauna jaola hata mei nafnakno ka nou naikno Israel.”

Profet Sekaraea 4:7

“Ka Tharunga igne, Serababel tangomana te uludi gobigna lepo te ninhigrana te fanograni mana te theome tangomana mana te loku fagnafani nogna Sugablahi Lord. Uve, mana jateula te eni kaisei thogele biꞌo te mala vido sare ra eghu. Eghuteuna kate lilisei mana thina leghu lahu ka suga igne, naiknore ginauna eha eghu fabiꞌo, ‘Keli fara! Keli fara!’ ”

Profet Hagae 2:7

Iara ginau uludi keha kantri are, eghuteuna hata nodi silva nei gol teu mare igre, ne mei fafofodu ka Sugablahi igne.

Profet Isaia 28:5

Ka narane tuana, Lord mae ihei te au nolaghi fateote'o igne ginauna jateula kaisei famane khepi eghu ranghidi nogna naikno te karha teu igre.

Luku 2:34

Eghuteuna mae Simion ne fablahidi retilo ne cheke eghu ka Meri, “U sua igne God neke vahini mala fakarhidi kmana naiknodi Israel te au ka nakhibo, nei mana na theome fakarhidi kmana naiknodi Israel iheire te fahaehaghedi thedi. Naugna mana ginauna na kaisei fagaglana te mei vuhagna ka God. Kmana naikno tirodini mana.

Ululahu Pita 2:4

Noda Lord Jisas na thina karha. God neke vahini mana mala glepo ulu tulao ka tathagna God na. Neubane eghu ngau, naiknogna nauthoglu igne theome magnahagheni mana. Nu ghotilo mei ka mana.