Ululahu Pita 2:6 - Buka Blahi Ka Cheke Holo

⁶ Glepo igre tutuani fara, naugna grioriso te blahi na cheke eghu, “Iara vavahi kaisei thina te keli fara mala fakegra hagheni jateula kaisei thina te ulu tulao ka Sugablahi Jerusalem. Eghuteuna ihei te fatutuani ni mana na, mana ginauna theome mamaja.”

Ululahu Pita 2:6 ပူးပေါင်းရင်းမြစ်များ

Profet Isaia 28:16

Nu Lord God ne cheke eghu, “Gognarona iara na lilisei kaisei thina maku te theo ka nghaligna agne Jerusalem. Ka narane te babana iara nogu suga na, iara na lilisei kaisei thina pari mala sutu haghegna suga igne. Ihei te rouronu ka iara mae ihei teke lilisei gna thina igne na, mana ginauna theome tangomana te nghali na.

Ululahu Pita 2:4

Noda Lord Jisas na thina karha. God neke vahini mana mala glepo ulu tulao ka tathagna God na. Neubane eghu ngau, naiknogna nauthoglu igne theome magnahagheni mana. Nu ghotilo mei ka mana.

Efesus 2:20

Tahati naikno khiloau na jateula kaisei suga teke horo God eghu. Suga igne babana famaku ke klignadi hatimare mae khuru nei hatimare mae profet, jateula gogho thina eghu, eghuteuna thofno thina ulugna suga igne thegna mae Jisas Kraes ngala.

Profet Sekaraea 10:4

Iara ginauna vavahi keha mae ka vikegna Juda mala baubatu ka nogu naikno iara gre. Mare ginauna maku jateula thina te togho hagheni suga na, ba jateula gaju te haru te maku tagna phukrigna suga tapuale ia eghu, ba jateula phaloho mala magra ra eghu.

Nonomho Te Keli Teke Risoi Mae Mak 12:10

Ghotilo neke iu'ijunihi grioriso te blahi te cheke eghu ia: “ ‘U thina teke tirodini mae iheire te horo suga na, kela kegra haghe kaisei thina ulu fara ka suga na.

Letas Teke Riso Tei Mae Pol Ka Khiloau Rom 10:11

Grioriso te blahi na cheke eghu eigna igne, “Ihei te fatutuani ni mana na, mana ginauna theome mamajani igne.”

Profet Isaia 50:7

Nu nodi cheke te diꞌa mare igre theome fadiꞌa ghau iara, naugna Lord God na togho ghau iara. Gaoghathogu iara na brana fara te mala eni gloku igne. Iara ginauna na theome mamaja.

Profet Isaia 42:1

Lord ne cheke eghu, “Igne nogu mae gloku iara na, eigna iara farerhetani fabrahu mana. Iara neke vahini mana, eghuteuna iara gleꞌani fara mana. Iara lisei laohi Tharungagu na ka mana, eghuteuna mana ginauna fatedi kantri te gnafa igre ka puhi te doglo.

Fapea Timoti 3:16

Grioriso te blahi te gnafa igre, God neke cheke ka naiknore mala rioriso leghuni nogna gaoghatho thegna na. Grioriso te blahi igre thofno keli fara mala farirhiu ghita unha te tutuani nei mala filo glanidi unha te jafra ka nakarhada, nei fadogli ghita nei farirhiu ghita mala eni koba unha te doglo ke ulugna God.

Jone 7:38

Mae ihei te fatutuani ghau iara na, mana ginauna jateula te cheke eghu kau grioriso te blahi na ia eghu, ‘U khoꞌu karha na ginauna loloro mei fabrahu ka nagnafagna mana na.’ ”

Profet Isaia 54:4

“Thosei mhaghu! Theo kaisei naikno nate famamaja ghami nei filo fapari ghami teu ghotilo na. Ghotilo ginauna nake ghatho ihodi narane teke jateula gaꞌase te tei tafri, ba jateula thau te au sopa te magnahaghei tolaghi teku tifa ra.

Luku 23:35

Naiknore kegra jare filo neu. Nodi mae biꞌo hatimare mae Jiu gre ne maꞌeni mae Jisas ne cheke eghu, “Tore, mae igne fakarhidi keha naiknore. Te mana tutuani mae Kraes teke vavahi God na, lisa laoni mala fakarhini mana thegna.”

Matiu 12:18

“Igne nogu mae gloku teke vavahi iara na. Nu iara namhani nei gleꞌani eghu mana. Iara ginauna tusu ranghini mana Tharungagu na. Aonu mana ginauna chekeni chekegu iara na ka naikno te theome Jiu mala tughu nagnafa mare.

Profet Isaia 41:11

“Iheire te diꞌatadi ka ghotilo na, mare ginauna mamaja nodi fara, naugna mare ginauna nigra ka magra. Eghuteuna iheire te magri ghami ghotilo tuare, mare ginauna kafe lehe na theo nafudi kolho.

Nodi Khoje Hatimare Mae Jiu 89:19

Tifa tifa na, iagho neke mei ka nou mae gloku te kelire neke cheke eghu ka mare ka mifi na, “Iara neke toghoni kaisei mae sitei mala kaisei mae soldia te fnakno fara nanghagna na. Eghuteuna iara neke vahini mana ka mare mala king.

Nodi Khoje Hatimare Mae Jiu 40:14

Keha naiknore magnahaghei te falehe ghau iara. Te keli na sagho tapla sorudi mala mamaja nodi kolho mare. Eghuteuna keha naiknore keli tadi fara kate diꞌanagnafa iara na. Te keli na iagho brue fapulodi mala theo nafudi mare.

Fapea Pita 3:16

Mae Pol neke rioriso eigna igne ka nogna letas te gnafare. Ka nogna letas mana re, keha chekere ninhigrana fara. Keha naiknore theome lasedi glepo tuare, naugna nodi fatutuani theome heta. Eghume mare tughu koba gaoghathodi nogna cheke mana re ghilei tei ka keha nabroui. Mare jaola rurutha fajafra keha grioriso te blahire. Nu mare roꞌedi thedi kolho kate eni tuana.

Fapea Pita 1:20

Nu ghotilo ghaoghatho fakelini igne, eigna theo kaisei mae profet te tutuani te leghuni nogna gaoghatho thegna na te riorisoni chekegna God te au ka buka blahi na. Theo fara.

Efesus 1:4

Ka narane theome vuavuha nga teku nauthoglu gne God neke vahi ghita mala nogna thegna kate kaisei tahati balugna Kraes. Tutuani, God neke vahi ghita mala naikno blahi nei theo kaisei najafra ke ulugna mana.

Mae Khuru 1:16

“Uve, kheraguro, u cheke teke chekeni mae Tharunga te Blahi ka mae Devet eigna mae Judas tifa ia la horoghotohi gognaro na. Naugna mae Judas gne neke baubatudi mae iheire teke tei lokini mae Jisas ia.

Jenesis 49:24

Nu mare ginauna na theome falehe nigho iagho eghu, naugna iagho jateula kaisei mae nheta te lase fada te theome faboblogo nogna phaloho na ia eghu. Naugna God mae ihei te pogho soruni iara igne ngala, mana nate togho nigho iagho na. Mana ngala mae ihei te nolaghi fara ke uludi naikno te gnafare.

Profet Isaia 46:13

Gognarona, puhigu iara te doglo igne la namo mei fara. Tutuani fara, glepo igne ginauna ghosei thoke mei. Iara ginauna na fakarhini Jerusalem, eghuteuna iara ginauna pala haghedi nanghadi nogu naikno Israel.”

Luku 20:17

Nu mae Jisas ne filo ka mare ne cheke eghu, “Unha eghu gaoghathogna na phugra cheke ka grioriso te blahi na igne? “ ‘Thina te tirodini mae iheire te horo suga na, kela kegra haghe kaisei thina ulu fara ka suga na.’

Ululahu Pita 2:8

Eghuteuna ka keha grioriso te blahi na cheke eghu, “Naiknore ginauna totokhei ka thina igne. Eghuteuna mare ginauna na uka ka thina igne.” Mare uka naugna mare ne theome leghuni unha te chekeni God na. Igne unha te ghathoni God te maladi mare na.