Ululahu Pita 2:24 - Buka Blahi Ka Cheke Holo

²⁴ Kate haghe te mala lehe ka gaju fafatha na, mae Kraes neke pala nakhibodare ka thinigna na. Mana neke eni igne mala tangomana tahati te lilisei ke leghuda puhigna nakhibo na nei tangomana leghuni u puhi te doglo ke ulugna God. Naugna ka nafneragna mana na, mana neke fakeli fapulo ghita.

Ululahu Pita 2:24 ပူးပေါင်းရင်းမြစ်များ

Matiu 8:17

Nogna cheke mae profet Isaia igne ne horoghoto fara ka narane tuana, “Mana ne hata fahui fogra te fanigra ghita na, nei hata fadeleihi khabruda tahati re.”

Letas Teke Riso Tei Mae Pol Ka Khiloau Rom 6:11

Eghume, jateula tuana eghu mala ghatho ghami themi. Eigna ghotilo mala kaisei balugna Jisas Kraes, jateula ghotilo te lehe balugna mana nei nakhibo na theo kaisei nolaghi ke klignami ghotilo, eghuteuna ghotilo tangomana te au ka karha balugna God.

Thakle 22:2

te loloro soru farihotei nabrou biꞌo ka namono na. Gaju te tusu meini u karha ka iheire te ima sisigna na kotu ka phei gerigna khoꞌu na. Gaju igne ure leuleghu nhigra nabotho phei fata ure ke lamnagna kaisei finogha. Eghuteuna khaklagnare, naiknodi namono te gnafa ka nauthoglu gne tangomana te hata mala faghaotadi naikno te fogra re.

Ululahu Jone 2:29

Ghotilo kafe laseni God na mae keli fara nei eni fabrahu unha te doglo na. Eghume ghotilo kafe laseni iheire te eni unha te doglo na mare goro thugna God.

Jemes 5:16

Eghume te cheke thakledi ghotilo nakhibomire fari themi nei fari totoghoi ka nomi tharai na mala ke keli fapulo. Nogna tharai mae ihei te doglo fara ke ulugna God na thono nolaghi fara.

Hibru 9:28

Eghume, mae Kraes jaola neke fafarani thegna kaisei fata ngala, mala tangomana mana te koko fahui nakhibodi naikno te kmanare. Mana ginauna nake pulo mei ka nauthoglu igne fapea fata. Kau narane tuana mana ginauna na theome mei mala atha koko nakhibo, nu mana mei ka nauthoglu igne mala fakarhadi iheire te ofoni teu mana.

Galesia 3:13

Mae Kraes neke hata fadelei ghitahi ka puhigna vetula te mala para ghita na, naugna mana neke tughu ghita ka naꞌau papara igne. Naugna u grioriso te blahi na jaola neke cheke eghu, “Mae ihei teke fafroroni mare ke kligna gaju na, God ginauna thofno fateni mana.”

Letas Teke Riso Tei Mae Pol Ka Khiloau Rom 6:2

Theo fara! Tahati jateula mae te lehehira eghu theome eni kaisei nakhibo. Teuna, faꞌunha si tahati te au fabrahu teu ka nafnata puhi igne?

Profet Isaia 53:11

Ke leghugna te au papara na, mana ginauna nake gleale'au, naugna mana laseni la mana theome fiti au papara kolho. Puhigna nogu mae gloku iara igne thofno doglo fara, mana ginauna toghodi kmana naikno mala jaola doglo, eghuteuna mana au papara eidi nakhibodi naiknore.

Kolose 3:3

Eigna ghotilo jateu tela lehehi eghu, eghuteuna thofno nakarhami ghotilo na poru ka mae Kraes, mae ihei te au balugna God Mama.

Letas Teke Riso Tei Mae Pol Ka Khiloau Rom 6:13

Thosei snakreni kaisei vido ka thinimi are mala edi puhi te diꞌare. Naugna ghotilo neke karha fapulohi ka glehe. Nu snakre lao ghami themi ka God, nei snakre lao vido thinimi te gnafa are ka God mala edi glepo te doglore.

Jone 1:29

Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, “Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne.

Letas Teke Riso Tei Mae Pol Ka Khiloau Rom 7:6

Tifa na u vetula neke loku famaku ghita fara, nu gognarona tahati snagla fei vetula na, naugna kate lehe Kraes tifa na tahati jaola lehe balugna mana. Eghuteuna gognarona tahati tangomana te loku ranghini mana ka puhi majaghani. Naugna tahati leghuni mae Tharunga te Blahi, theome leghuni puhi te risoni mae Moses ka vetula na.

Ululahu Jone 3:7

Uve thuguro, thosei snakreni kaisei naikno mala batu ghami ka puhi te diꞌa! Ihei te eni unha te doglo na mana doglo fara, jateula mae Kraes te doglo fara.

Nodi Khoje Hatimare Mae Jiu 147:3

Iheire teke au diꞌanagnafa ra kela glealeꞌa fapulo, eghuteuna iheire teke kabru ra kela gaota fapulo.

Letas Teke Riso Tei Mae Pol Ka Khiloau Rom 6:7

Naugna ke leghugna teke lehehi naikno na, mana tangomana te snagla ka nogna nolaghi nakhibo.

Letas Teke Riso Tei Mae Pol Ka Khiloau Rom 6:16

Ghotilo kulu lasenihi igne, eigna te snakre ghami themi ghotilo te au ke parigna kaisei mae te mala leghuni nogna cheke na, ghotilo ginauna leghuni kolho nogna cheke naikno tuana. Ghotilo ginauna jateula tuana eghu ka nakhibo na. Naugna jame te eghu na, ghotilo ginauna jateula nogna mae sneka eghu kolho nakhibo, ka puhi tuana nakhibo na ginau falehe ghami kolho. Nu jame au jateula nogna mae sneka God teu ghotilo te mala leghudi chekegna mana re, God ginauna togho ghami mala au doglo ghotilo ke ulugna thegna.

Fapea Korin 6:17

Naugna igne Lord ne cheke eghu, “Lisa laodi naikno tuare, eghuteuna ghotilo mala au fadelei ka mare. Ghotilo mala thosei haboni kaisei glepo te thona ka tathagu iara na. Jame te leghuni ghotilo igne na, iara ginauna gleale'a mala hata ghami ghotilo.”

Mae Khuru 5:30

Ghotilo neke faleheni mae Jisas ka teke tupijuruni mana ka gaju fafatha na. Nu nodi God mae kuꞌeda tahati tifa ra neke fakarha fapuloni mana.

Luku 4:18

“Tharunga gna God na au balugu iara. Naugna mana neke vahi ghau iara mala toutonuni Nonomho te Keli gne ka naikno te kumare. God neke kuru ghau iara mala toutonu ka naikno te au sosolo ka nakhibodire mala snagla mare, nei naikno teke dofure mala ke fifilo fapulo. Eghuteuna iheire te au papara ke paridi nodi nolaghi keha mae re ginauna mala ke au ka pharikeli.

Matiu 5:20

Te chekeni iara ka ghotilo gognaro na, te jateula nakarhadi hatimare mae velepuhigna vetula nogna mae Moses nei hatimare mae Farasi teu ghotilo te theome keli na, ghotilo ginauna theome nabami te ruma ka naikno te funei frunidi God re.”

Profet Malakai 4:2

Nu ghotilo naikno te ghatho tahuni nanghagu iara na igre nogu nolaghi iara na ginau soru mei ke klignami ghotilo jateula naphaegna naprai te agha soru mei funu klignara eghu mala fablahi ghami ghotilo. Eghume, ghotilo ginauna na snagla nomi nei glealeꞌa nomi eghu, jateula sua buluka te jifla balu glealeꞌa ka bara na te ghasa tafri ra eghu.

Hibru 12:13

Tei fabrahu ka nabrou te doglo glahula keha naikno ka khiloau gne theome nheta ka nodi fatutuani na, mare ginauna heta nei theome snivi ka nogna nabrou God na.

Mae Khuru 13:29

Mare neke edi ranghini mae Jisas gobigna lepo teke chekedi hatimare mae profet kau grioriso te blahi ia. Ke leghugna te faleheni mare na, mare neke hata soruni mana kau gaju fafatha na neke giugiluni kau gluma na.

Mae Khuru 10:35

Nu God keli tagna fara ngala ka vike ba ka kokholo te ghatho tahuni ba te eni unha te doglo na. Tuana ngala te magnahagheni mana na.

Hibru 7:26

Eghume mae Jisas ngala nafnata mae pris biꞌo te magnahaghei tahati na. Mana mae blahi, mana kaisei mae doglo fara, nei mana theome eni kaisei puhi te diꞌa. Eghuteuna God neke hata fadeleini mana ka iheire te diꞌa nei hata hagheni mana kau nafnakno kligna.

Kolose 2:20

Ghotilo jateula igne eghu, kate lehe mae Kraes na, ghotilo jaola lehe balugna mana. Eghuteuna mana neke fakarha ghami ghotilo ka nogna nolaghi nauthoglu. Ba, naugna unha si ghotilo te leghuni teu ngala nogna vetula nauthoglu te cheke eghu, “Ghotilo thosei loku ka glepo igne,” “Ghotilo thosei ghamu ana,” “Ghotilo thosei habo ka glepo ana” teu gnea?

Letas Teke Riso Tei Mae Pol Ka Khiloau Rom 6:22

Nu gognaro na God hata fasnagla ghamihi ka nakhibo tuare mala nogna mae sneka mana. Eghume nakarhami ghotilo na mala blahi nei ginauna ghotilo hatini karha fei tifa na eghu.

Mae Khuru 10:39

“Ghehati neke filo ka tathamire gobigna lepo teke edi mana Jerusalem nei ka keha namono langau agne Israel. Eghuteuna ghehati neke filoni teke tupijuru gna mare kau gaju fafatha na nei faleheni.

Matiu 27:26

Mae Paelat ne leghuni unha te toreni naiknore ne snakre fajiflani mae Barabas. Mae Paelat ne chekedi keha nogna mae soldia mala purini mae Jisas ka phukri. Aonu mana ne snakreni mae Jisas ka mae soldiare mala tei tupijuruni mana ka gaju fafatha.

Nodi Khoje Hatimare Mae Jiu 38:4

Gognaro na iara knoho ka nakhibo jateula te knoho ka nhorora neu, eghuteuna iara theome tangomana te pala haghedi nakhibogure naugna ne tahu fara.

Levitikas 16:22

Kate tei nanigot igne ka namono nagou na, naꞌa ginauna pala tei nakhibomi ghotilore ke kligna gna thegna ka vido te khaba aheva te theo kaisei naikno te au tagna.

Eksodas 28:38

Eron mala lilisei medol igne ka grere gna na. Igne fagaglana te atha mana glepo te jafra glahu te edi naiknodi Israel kate fafara mare ka iara. Mana mala eni igne mala gleꞌa iara Lord ka glepo blahi te tusu mei mare ka iara.

Efesus 5:9

naugna puhigna u naphae na tangomana tahati te edi glepo te keli nei doglo nei tutuani.

Jone 19:1

Aonu, mae Paelat ne chekedi nogna mae soldiare mala purini mae Jisas.

Naba 18:22

Naikno ka keha vikegna Israel igre theome tangomana te mei namo nei haboni teu Suga Tapuale te Blahi na, jame te mei namo mare na mare naba te papara te mala lehe na.

Levitikas 22:9

“Hatimare mae pris mala leghudi unha teke chekedi iara mala edi mare teku ra, glahu papara nei lehe eghu mare te theome leghudi nogu farirhiu iara igre. Iara Lord, mae ihei teke fablahidi mare.

Filipae 1:11

Eghume, ghotilo ginauna edi kmana glepo te keli te mei funudi ka thegna mae Jisas Kraes, mala tangomana ghotilo te ghatho tahuni nei cheke fakelini teu nanghagna God na.

Nonomho Te Keli Teke Risoi Mae Mak 15:15

Mae Paelat magnahaghei te keli tadi naiknore ne hata fajiflani mae Barabas. Eghuteuna mae Paelat ne chekedi mae soldiare mala purini mae Jisas. Aonu mae Paelat ne snakre laoni mae Jisas mala tupijuru ka gaju fafatha.

Proveb 20:30

Jame te puphuri iagho mae te eni puhi te diꞌa na, igne mana ginauna figri tagruni puhi te diꞌa na, eghuteuna mana ginauna na kaisei mae keli.

Ululahu Korin 15:3

Cheke te ulu fara teke hata iara na tela toutonu arihi iara ka ghotilo ana. Tutuani, nogu cheke iara na igne, mae Kraes na neke lehe mala hata fadeleidi nakhibodare, jateula te chekeni teu kau grioriso te blahi na.

Kolose 2:14

Mana ghiha kokohi nogna fathoro vetula teke eni ranghi ghita te naba te mala fate falehe ghita na. Mana neke ghiha koko fahui vetula igre kate lehe mana ke kligna gaju fafatha na.

Hibru 10:5

Eghume, kate mei mae Kraes kau nauthoglu igne, mana ne cheke eghu ka God, “Iagho theome magnahaghei kaisei mae te hata buluka ba gano te fafara nei kilo fnakno nigho, nu iagho tarabanahi thinigu iara gne mala fafara ka iagho.

Hibru 10:10

Mae Jisas Kraes ne eni unha te magnahagheni God na ne snakreni thinigna thegna na ne lehe kaisei fata ngala. Kate eni fafara mana igne, tahati ne klino ke ulugna God.

Jenesis 22:6

Mae Ebraham ne hata gaju te mala fafara gre ne fapala lao ka mae thugna na. Eghuteuna mae Ebraham ne hata naflahi na balu khaꞌaghi. Aonu phia mare ne kaisei thei ne tei.