Ululahu Pita 2:23 - Buka Blahi Ka Cheke Holo

²³ Eghuteuna kate cheke fadiꞌani na, mana neke theome cheke diꞌa fapulo. Kate parani na, mana theome diꞌatagna. Nu mana rouronu ka God mae ihei tangomana te fate naikno ka puhi te doglo.

Ululahu Pita 2:23 ပူးပေါင်းရင်းမြစ်များ

Profet Isaia 53:7

“Neuba mare ne parani mana, mana neke theome eni kaisei cheke. Mana nhaꞌa faparini kolho thegna. Mare athani mana jateula sipu majaghani te mala aknu falehe ra neku. Mana jateula sipu te au kmu ra neku kolho kate kuchi mare khaklagna re, mana neke theome eni kaisei cheke.

Ululahu Pita 4:19

Naugna igne, naikno te magnahaghedi God te mala au papara tulao eigna nodi gloku te keli ranghidi keha naiknore, snakre lao nakarhadire ka khamegna God. Naugna God neke vuavuhadi, mana theome tangomana te ghatho ihoni nogna nhaꞌa cheke te mala reireghidire.

Hibru 12:3

Ghathoni mae Jisas. Mana au nheta ne snakreni thegna ka khamedi naikno te fodu ka nakhibore mala parani. Jateula tuana eghu ghotilo thosei nigra, nei thosei blogho ka nomi fatutuani na.

Nodi Khoje Hatimare Mae Jiu 37:5

Lisa lao nakarhamu na ka khamegna Lord. Fatutuani heta ka mana, eghuteuna mana ginauna na togho nigho iagho.

Mae Khuru 4:29

Gognaro gne, Lord, nomhidi nodi cheke famamhaghu mae igre! Lord, ghehati nou mae gloku iagho. Tusu mei ranghi ghami u nolaghi te mala theome mhaghuni ghehati toutonu gna chekemu iagho na.

Fapea Timoti 4:8

Eghuteuna gognaro na u taba te mala uluni iara na la kulu auhi. Uve, ka narane leghu lahu na Lord mae ihei te tangomana te mala fatedi naiknore ka puhi te doglo na, mana ginauna cheke eghu ka iara, “Iagho kaisei mae te doglo ke ulugu iara. Igne nou taba iagho na.” Eghuteuna mana ginauna na theome eni igne ka iara kolho, nu jaola ranghidi naikno te gnafa te ofoni teu ke pulo meigna mana na.

Fapea Timoti 1:12

Eghuteuna gognaro na iara au papara naugna iara ne toutonu eigna u Nonomho te Keli gne. Nu iara theome mamaja naugna iara laseni mae Jisas, mae ihei iara te fatutuani nihi. Iara laseni fara igne, mana tangomana te taji fakelini nogu gloku iara te mala toutonuni Nonomho te Keli igne ghilei thoke mei narane leghu lahu na.

Luku 23:46

Ka vido tuana, mae Jisas ne eha eghu fabiꞌo, “Mama, iara snakre ari ka iagho tharungagu na.” Ke leghugna igne mana ne lehe.

Nodi Khoje Hatimare Mae Jiu 31:5

Lord, iara nou naikno gloku gne. Iara lisa ari nakarhagu na ka khamemu iagho. Iara laseni eigna iagho ginauna na fakarhi ghau iara, naugna iagho ne taji fabrahu ghau iara.

Nodi Khoje Hatimare Mae Jiu 10:14

Nu iagho la filodihi puhidi mae te diꞌara. Iagho la lasedihi khabru nei papara eghu te edi mare ka keha naiknora, eghume iagho tarabana mala toghodi naikno te au papara are. Naikno te au kokhonidi nei glehe kokoi teu igre lisei soru ka khamemu iagho nakarhadi re.

Thakle 19:11

Aonu iara ne filoni maloa na ne thora, eghuteuna iara ne filoni kaisei hose vegha. Mae te saghe ka hose na nanghagna na, “Mae ihei te eni fakeli nogna gloku na, nei nogna cheke na doglo fabrahu.” Kate fatedi naiknore nei kate tei ka magra teuna, puhigna mana na jaola doglo fara kolho.

Ululahu Pita 3:9

Jame kaisei mae ei puhi diꞌa ka ghotilo, thosei foli fapulo puhi te diꞌa tuana ka mana. Eghuteuna jame kaisei mae cheke diꞌa ka ghotilo, thosei cheke diꞌa fapulo ka mana. Blahi fara. Nu te keli na, ghotilo tarai ka God mala fablahini mana. Naugna tifa na God neke kilo ghami ghotilo, mana neke nhaꞌa cheke mala fablahi ghami ghotilo.

Fapea Tesalonika 1:5

Glepo igre thofno falalase puhigna God mala fatedi naiknore thofno doglo fara. Eigna God magnahaghei ghami ghotilo naba te mala au baludi naikno God te funei frunidi. Tuana gaoghathogna te au papara ghotilo gne.

Efesus 6:9

Ghotilo mae funeira, jaola keli ranghidi nomi mae snekare. Eghuteuna koko nafnata puhi te famamhaghudi nomi mae sneka are. Naugna ghotilo laseni nomi funei ghotilo nei nodi funei mare teuna au kligna, eghuteuna naikno te gnafa na kaisei nanaba ngala ka mana.

Letas Teke Riso Tei Mae Pol Ka Khiloau Rom 2:5

Nu ghotilo patugama fara nei theome magnahaghei tughu nagnafa. Eghume u fate ginauna biꞌo fara ke klignami ghotilo. Eghuteuna fate igne ginauna thoke mei ka ghotilo ka narane God nate falalase diꞌatagna na, nei puhigna te doglo na eghu mala fatedi naikno te gnafare.

Mae Khuru 17:31

Naugna God la kulu vahinihi kaisei narane te mala fatedi naikno te gnafa ka nauthoglu igne. Mana ginauna fatedi ka puhi te doglo fara. Eghuteuna God jaola neke kulu vavahi kaisei mae te mala fatedi naikno te gnafare. Tahati te gnafa na kafe laseni igne naugna God neke fakarha fapuloni mae igne kau glehe.”

Mae Khuru 9:1

Mae Sol ne thono magnahaghei fara te mala lalamadi nei falehedi teu naikno te fatutuani ni mae Jisas. Aonu mana ne tei ka mae pris biꞌo na

Luku 23:9

Mae Herod ne ghusnani mae Jisas kmana ghusna. Nu mae Jisas ne theome cheke tughu ka mae Herod.

Nodi Khoje Hatimare Mae Jiu 7:11

God na fatedi koba naiknore ka puhi te doglo. Nu iheire te edi puhi te diꞌare mana thofno paradi fara.

Jenesis 18:25

Tutuani, iagho ginauna na theome falehedi naikno te doglo tuare baludi naikno te diꞌa re! Eghuteuna iagho na theome eni kaisei nafnata puhi ngala ranghidi naikno te doglo nei naikno te diꞌa teu gre. Iagho ginauna fatedi naiknogna nauthoglu igne mala eni ngala mare unha te doglo na!”

Mae Khuru 7:59

Kate fada thina ni mare na, mae Stivin ne tarai, “Lord Jisas, hata tharungagu gne!”

Luku 23:41

Tapa nabada te mala lehe na. Lehe tughudi unha puhi te diꞌa teke edi theda tifa ra. Nu mae igne theo kaisei nakhibogna.”