Ululahu Pita 2:21 - Buka Blahi Ka Cheke Holo

²¹ God neke kilo ghamihi mala eni igne, naugna mae Kraes neke papara fara mala fakarha ghami ghotilo. Mana neke falalase ka ghotilo nogna puhi na mala leghuni ghotilo ginau.

Ululahu Pita 2:21 ပူးပေါင်းရင်းမြစ်များ

Matiu 16:24

Ke leghugna igne mae Jisas ne cheke eghu ka nogna mae fanomhore, “Mae ihei te magnahaghei mei ke leghugu iara na, mana thosei ghathoni kolho nakarhagna thegna na, nu mana sasaꞌa mala pala nogna gaju fafatha na, eghuteuna mei leghu ghau iara.

Jone 13:15

Iara eni glepo igne ka ghotilo mala filo leghuni ghotilo, mala eni ghotilo jateula teke eni iara ia eghu.

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Ululahu Jone 3:16

Ka igne te laseni tahati eigna u namha na: Mae Jisas neke lisa soru nakarhagna na malada tahati. Eghume tahati jaola nabada te lisa soru nakarhadare maladi kherada fofodu!

Ululahu Pita 2:24

Kate haghe te mala lehe ka gaju fafatha na, mae Kraes neke pala nakhibodare ka thinigna na. Mana neke eni igne mala tangomana tahati te lilisei ke leghuda puhigna nakhibo na nei tangomana leghuni u puhi te doglo ke ulugna God. Naugna ka nafneragna mana na, mana neke fakeli fapulo ghita.

Ululahu Korin 11:1

Eghume ghotilo mala leghuni puhigu iara na, jateula iara te leghuni kolho puhigna Kraes na.

Ululahu Pita 4:1

Kani au teku ka nauthoglu igne, mae Kraes neke au papara ka thinigna thegna. Ghotilo jame jaola au nafnata gaoghatho te au ka mana igne mala kegra heta. Naugna ihei te au papara na, mana ginauna theome tangomana te leghuni puhigna nakhibo na.

Filipae 2:5

Gaoghathomi nei puhimi teu ghotilo re mala jateula gaoghathogna nei puhigna eghu mae Jisas Kraes.

Matiu 11:29

Ghotilo mei mala leghuni nogu vetula iara gne, eghuteuna iara ginauna farirhiu ghami ghotilo, naugna iara mae au kmu nei nhaꞌa fapari ghau thegu. Eghuteuna ghotilo ginauna na ludeni vido mala gnafa na.

Letas Teke Riso Tei Mae Pol Ka Khiloau Rom 8:29

Eghuteuna naikno teke vavahi God tifa re, mana jaola magnahaghedi mala nanaba balugna Thugna, mae Jisas Kraes. Ka puhi igne, Thugna God, mae Jisas Kraes na tangomana te au jateula mae teke kulu karha eghu ka hatimare mae thabusigna goro thugna God.

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Ululahu Pita 3:18

Naugna mae Kraes te doglo fara ka tathagna God na neke lehe tughudi naikno te diꞌare kaisei fata ngala. Kate au papara na, mana neke hata fadelei ne hui nakhibomi ghotilo re, eghuteuna ke batu fapulo ghami ka God. Tutuani fara, kate au nga teu mana ka nauthoglu gne, naiknore neke faleheni mana, nu God neke fakarha fapuloni mana ka nogna nolaghi mae Tharunga te Blahi.

Matiu 10:38

Ihei te magnahaghei leghu ghau iara teu nu theome pala nogna gaju fafatha na, na eghunu lehe nogna teuna, mana theome nabagna te kiloni nogu mae fanomho iara.

Ululahu Pita 3:9

Jame kaisei mae ei puhi diꞌa ka ghotilo, thosei foli fapulo puhi te diꞌa tuana ka mana. Eghuteuna jame kaisei mae cheke diꞌa ka ghotilo, thosei cheke diꞌa fapulo ka mana. Blahi fara. Nu te keli na, ghotilo tarai ka God mala fablahini mana. Naugna tifa na God neke kilo ghami ghotilo, mana neke nhaꞌa cheke mala fablahi ghami ghotilo.

Jone 16:33

“Iara chekedi glepo igre ka ghotilo mala au ghotilo ka pharikeli balugu iara. Tutuani fara, kate au teu ghotilo ka nauthoglu igne naiknore ginauna para ghami fara ghotilo. Nu thosei mhaghu ghotilo eghu, naugna iara la tapla sorunihi mae funei te batu fadiꞌadi naiknore te edi fabrahu puhi te diꞌa igre.”

Thakle 12:11

Hatimare mae kherada ka khiloau gne neke tapla sorunihi mana naugna Lam na neke thofa dadaragna na neke lehe. Hatimare jaola neke tapla soruni mana naugna mare neke toutonuni ni u cheke te tutuani na. Mare theome mhaghu mala lehe malagna God nu mare neke snakre lao nakarhadire ranghini mana.

Hibru 2:10

God, mae ihei teke vuavuhadi gobigna lepo igre, neke cheke fakelini mana. Mana nabagna te snakreni mae Thugna Jisas Kraes mala au papara. Naugna kate au papara mana igne, God neke fagnafani nogna gloku thegna na ka mae Jisas Kraes, mae ihei tahati te kiloni “Mae mala baubatu ghita kau thofno karha.” God tusu ranghini mae Jisas gloku igne mala tangomana te hata fapulo goro thugna mala au balugna kligna.

Fapea Timoti 3:12

Uve, mae ihei te magnahaghei thofno leghuni mae Jisas Kraes te mala nogna mae gloku keli mana na, naiknore ginauna parani mana.

Nodi Khoje Hatimare Mae Jiu 85:13

Tahati ginauna kulu fadoglighu puhidare eghuteuna ka puhi igne tahati na tangomana te kaikaliti u nabrou malagna God.

Ululahu Pita 1:20

Ame vuvuha nga nauthoglu igne teku na, God neke kulu vahini mae Kraes mala fakarhi ghami ghotilo. Eghuteuna gognaro na, mae Kraes na la meihi mala togho ghami ghotilo ka narane leghu lahu igre ka nauthoglu igne.

Ululahu Tesalonika 4:2

Eigna ghotilo lasedihi farirhiu teke tusu ari tami ka nogna nolaghi noda Lord Jisas.

Ululahu Tesalonika 3:3

Ghehati kuru arini mana mala theo kaisei ka ghotilo te figri fapulo ka nogna fatutuani na eidi naꞌau papara gognaro gre. Eigna ghotilo themi lasedi nafnata naꞌau papara igre u gaoghathogna God malada tahati.

Mae Khuru 17:3

Mana rurutha gaoghathogna na ne falalase ranghidi eigna God te snakreni mae Kraes mala lehe, eghuteuna ke leghu na God neke fakarha fapuloni mana. Mana ne cheke eghu ka mare, “Mae Jisas te chekeni iara ka ghotilo igne mae tugne ngala mae Kraes na.”

Mae Khuru 9:16

Eghuteuna iara thegu ginauna na falaseni mana niha nafnata naꞌau papara nate thokeni mana kate toutonu thakleni nanghagu iara na.”

Luku 24:26

Unha te chekeni mare na mae Kraes gne mala kulu au papara ka gobigna lepo igre ame hata nga nolaghi biꞌo te siasigla na eghu.”

Ululahu Pita 4:13

Nu ghotilo gleale'a nomi kolho kate au papara ka puhi igne, naugna mae Kraes na jaola neke au papara. Eghuteuna ghotilo ginauna jaola na gleale'a fara kate filoni mae Kraes te thakle mei balu nolaghi nei nafnakno.