Ululahu Pita 2:11 - Buka Blahi Ka Cheke Holo

¹¹ Uve kheraguro, ghotilo jateula naikno fasigho nei mae phosa eghu ka nauthoglu igne naugna ghotilo theo kaisei namono ka nauthoglu gne te thofno namonomi ghotilo na. Eghume, iara thofno tore ghami ghotilo mala au fadelei ka glepo te diꞌa te magnahaghedi thinimire. Naugna glepo te diꞌa igre magra ka nakarhami ghotilo re.

Ululahu Pita 2:11 ပူးပေါင်းရင်းမြစ်များ

Galesia 5:24

Naikno te leghuni mae Jisas Kraes re mare neke tupijuruni hi puhi te diꞌa fateo te magnahagheni naiknogna nauthoglu gne baludi gaoghatho te diꞌa fateo te magnahaghei eni unha te diꞌa.

Ululahu Pita 4:2

Eghume kani au teu ghotilo ka nauthoglu igne, ghotilo thosei leghudi glepo te diꞌa te magnahagheni fara thini na. Blahi. Ghotilo leghuni kolho unha te magnahagheni God na.

Hibru 11:13

Naikno te gnafa tifa igre fatutuani ni God neke ghilei lehe. Kate au ka nauthoglu igne, mare neke theome hata gobigna lepo God teke nhaꞌa cheke ranghidi. Mare jateula te kegra teu delei te filo lao eghu kolho, eghuteuna mare gleꞌani unha nate thoke mei ginauna. Mare ne cheke eghu, “Ghehati jateula mae phosa eghu kolho kau nauthoglu igne.”

Letas Teke Riso Tei Mae Pol Ka Khiloau Rom 8:13

Jame te leghuni ghotilo puhi te diꞌa na, ghotilo ginauna lehe. Nu jame te leghuni ghotilo nogna puhi Tharunga te Blahi na nei thosei ke edi ghotilo glepo te diꞌa te edi ghotilo ka thinimi are teuna, ghotilo ginauna hati thofno nakarha na.

Ululahu Kronikols 29:15

Lord, iagho laseni nakarhami ghehati ka nauthoglu igne. Leuleghu fata na, ghehati haimini te jateula te au teu ka keha kantri delei ra eghu. Leuleghu fata na ghehati naikno phosa jateula teke kuꞌemi Ijep tifa ra eghu. Nakarhami ghehati gre ghosei tei salaꞌu jateula naungo eghu, eghuteuna ghehati theome tangomana te rikhani glehe na.

Jemes 4:1

Kheraguro, naugna unha site magra koba ghotilo fari themi gnea? Ghotilo magra koba fari themi naugna nafnata gaoghatho te magnahaghei glepo malami themi kolho igne site biꞌo ka nagnafami ghotilo grea.

Fapea Timoti 2:22

Au fadelei ka glepo te diꞌa te magnahaghedi naikno majaghani are. Hati nhetamu na mala au doglo nei mala heta nou fatutuani na ka Lord, namhadi naiknore, eghuteuna au fakeli baludi thofno naikno khiloau te gnafare.

Fapea Korin 7:1

Kheraguro, nhaꞌa cheke te gnafa igre neke edi God ranghi ghita. Naugna igne tahati mala au fadelei ka thua nafnata glepo tangomana te fathonadi thinida ba gaoghathodare. Naugna tahati ghatho tahuni fara God, tahati mala thofno leghuni puhi te blahi na.

Letas Teke Riso Tei Mae Pol Ka Khiloau Rom 12:1

Eghume kheraguro, naugna God ne kokhoni ghami fara, iara tore ghami te mala lisa lao nakarhami are jateula kaisei fafara eghu ka God. Kaisei fafara te karha nei blahi te kelitagnani God. Igne thofno puhi te mala tufru soruni God ghotilo na.

Efesus 4:1

Iara au ka suga sosolo naugna iara ne loku ranghini Lord. Eghume iara cheke heta ka ghotilo, eigna nakarhami ghotilo na mala au doglo mala nanaba ka puhigna God mae ihei te kilo mei ghami na mala leghuni mana.

Letas Teke Riso Tei Mae Pol Ka Khiloau Rom 7:23

Nu iara filoni puhi te diꞌa te loku ke lamnagna thinigu iara na magra ka nogna vetula God te au ka nagnafagu iara na. Nu puhi te diꞌa te au ka thinigu iara na huhuru ghau iara mala eni puhi te diꞌa na.

Luku 21:34

“Fiofilo ghami ghotilo ia! Na eghunu ima ghemi kolho, koꞌu ghemi kolho, ba nangani kolho eghu ghotilo glepo gna nauthoglu igne. Naugna jame te eghu ghotilo na, ghotilo ginauna theome tangomana te ghaoghatho fadoglo eigna thofno nakarha na. Eghuteuna narane leghu lahu na ginauna megei nga mei kate theome tarabana teu ghotilo na.

Nodi Khoje Hatimare Mae Jiu 119:19

Iara gne au ka nauthoglu igne katha vido kmo'ei kolho, eghume iagho falase mei ranghi ghau chekemu iagho re.

Nodi Khoje Hatimare Mae Jiu 39:12

“Lord, fanomho fakeli ka nogu tharai gre, mala mei togho ghau. Eigna iara gne jateula teke edi mae kmagu tifara eghu au katha vido kmo'ei kolho balumu iagho ka nauthoglu igne.

Levitikas 25:23

“Jame kaisei ka ghotilo magnahaghei sabiri nogna glose na ka keha mae, mana ginauna thosei sabiri fahui, naugna glose igne theome nogna mana, nu nogu iara Lord. Iara neke tusu ari ka ghotilo mala loku ghotilo, nu ghotilo jateula naikno phosa te au katha vido kolho ka glose igne eghu.

Ululahu Pita 1:17

Kate tarai na ghotilo tangomana te kiloni God, Mama. Tutuani fara, kate fatedi naikno te gnafare, God ginauna theome tangomana te vahini ihei na, nu mana ginauna ghathoni eigna nogna gloku soasopai naikno na. Eghume kate karha nga teu ka nauthoglu igne, ghotilo mala ghatho tahuni God leghu fata.

Fapea Korin 6:1

Ghehati kafe orio loku balugna God, eghume ghehati thofno tore ghami ghotilo mala ghatho tahuni u khokofakasai teke hata ghotilo ka God igne. Thosei lisa lao khokofakasai igne mala theo nafugna.

Fapea Korin 5:20

Eghume God neke kilo ghami ghehati mala toutonu eigna mae Kraes. Eghuteuna kate eni ghehati igne, jateula God thegna ngala teke ehadi naiknore mala mei ka mana. Uve, ghehati thofno tore ghami ghotilo ka nanghagna Kraes mala ke pulo mei ke au fakeli balugna God.

Mae Khuru 15:20

Te keli na, tahati rioriso kaisei letas ranghidi mare. Igre glepo jame te mala chekedi tahati ranghidi re, ‘Thosei ghamu gano teke fafara ka mumuju. Thosei eni puhi te diꞌa. Thosei ghamu gano teke lalamho falehe. Thosei koꞌu dadara.’

Jenesis 47:9

Mae Jekop ne cheke eghu, “Iara au ka nauthoglu igne kaisei gobi tolufulu finogha. Thono kmoꞌe fara, eghuteuna iara jaola thafodi kmana puhi biꞌo te ninhigrana fara. Mae ku'egu iara re neke au raugha fara ka nauthoglu igne, eghuteuna finogha dire teuna uludi fara finogha gu iara re eghu.”

Ululahu Pita 1:1

Iara mae Pita, kaisei nogna khuru mae Jisas Kraes. Iara riso ari letas igne ka ghotilo nogna naikno God jateula naikno phosa teu ka nauthoglu gne teu te au tafri ka Provins Pontas, Galesia, Kapadosia, Esia nei Bitinia.

Nodi Khoje Hatimare Mae Jiu 119:54

Kate au teu iara katha vido kmo'ei kolho kau nauthoglu igne na, iara koje fabrahu eidi nou vetula iagho re.

Jenesis 23:4

“Ghotilo lase ghauhi iara, naugna iara gne maegu ka keha kantri delei mei au kolho agne fari hoteimi ghotilo. Khetogu gne la lehehi, eghuteuna iara gognaro na magnahaghei te foli kaisei gluma ka ghotilo agne mala giugilui thinigna khetogu gne.”

Efesus 2:19

Eghume ghotilo iheire te theome Jiura, ghotilo theome jateula naikno te posa mei ka namono delei eghu. Theo. Ghotilo gognaro na kaisei vike baludi nogna naikno God, nei tharaknagna mana.

Hibru 6:9

Uve, kheraguro, neubane cheke faheta ghehati ka ghotilo, ghehati thofno laseni ghotilo theome leghuni kaisei puhi te diꞌa, nu ghotilo leghu fakelini nogna puhi God te mala fakarha ghami na.

Ululahu Pita 4:12

Uve kheraguro, thosei nanga nomi ka glepo te para ghami gognaro igre. Glepo igre fariuriudi kolho nomi fatutuani ghotilo re. Uve, glepo te mei ka ghotilo igre theome glepo majaghani.

Fapea Pita 3:1

Uve kheraguro, igne fapea letas te riso ari iara ka ghotilo na. Iara riso ari ka ghotilo phei letas igre mala togho ghami ghotilo mala ghaoghatho fadoglo.

Jenesis 21:34

Mae Ebraham ne au fabrahu jare ka namono Filistia.

Levitikas 15:18

Eghuteuna jame kaisei mae thuru balu gaꞌase, te eghu na, repa mala apu, eghuteuna repa theome klino ka tathagu iara na ghilei rafi.