Ululahu Pita 2:10 - Buka Blahi Ka Cheke Holo

¹⁰ Tifa na ghotilo neke theome nogna naikno God, eghuteuna God neke theome kokhoni ghami ghotilo. Nu gognaro na ghotilo nogna naikno mana eghuteuna mana kokhoni ghami ghotilo fara.

Ululahu Pita 2:10 ပူးပေါင်းရင်းမြစ်များ

Profet Hosia 2:23

Iara magnahaghedi nogu naiknore te au ka namono te keli. Tifa na iara neke kilo ghami ghotilo, Lo-Ruhama, naugna iara neke theome magnahaghei ghami ghotilo. Nu gognarona iara kela magnahaghei ghami ghotilo. Tifa na iara neke kilo ghami ghotilo, Lo-Ami, naugna ghotilo neke theome nogu naikno iara, nu gognaro na ghotilo nogu naikno iara. Eghuteuna naiknodi Israel igre ginauna cheke eghu ka iara, ‘Iagho nomi God ghehati!’ ”

Hibru 4:16

Naugna igne tahati thosei mhaghu te mei ka God Kmada mae ihei te kokhoni ghita. Mana ginauna na kokhoni ghita nei lolokeli ghita, eghuteuna mana ginauna na tusu meini nogna namha te mala togho ghita ka vido te magnahaghei tothogho na.

Ululahu Timoti 1:13

Tutuani fara, tifa na iara neke cheke fadiꞌani mana nei jaola paradi nei lalamadi iheire teke leghuni mana re. Nu neuba ngau, mana neke kokhoni ghau iara, naugna iara neke theome laseni glepo te diꞌa teke eni iara na. Iara neke edi glepo igre kani theome fatutuani ni ngau mana.

Letas Teke Riso Tei Mae Pol Ka Khiloau Rom 10:19

Nu iara nake fapea ghusnai, “Ba, naiknodi Israel gre theome lase fakeliniu ngala si u Nonomho te Keli gnea?” Uve, mare nomhidi nu theome fatutuani eghu. Ulu lahu na mae Moses neke cheke eghu chekegna God na, “Iara ginauna togho ghami ghotilo mala goghotudi iheire te theo kaisei nodi namono thedi. Iara ginauna togho ghami ghotilo mala diꞌatamidi naikno te theome laseni kaisei glepo na.”

Ululahu Korin 7:25

Gognaro na iara cheke eidi iheire te theome tolaghi ra. Iara theo kaisei nogu vetula funu ka Lord eigna igne, nu iara na cheke arini gaoghathogu thegu na. Tutuani, ghotilo tangomana te rouronu ghau iara na, naugna Lord neke lolokeli ranghi ghau iara nei toghoni gaoghathogu na.

Letas Teke Riso Tei Mae Pol Ka Khiloau Rom 11:30

Tifa na, ghotilo neke theome leghuni God, nu gognaro na God na kokhoni ghami ghotilo naugna hatimare mae Jiu gre tirodi leghuni mana.

Fapea Samuel 7:24

Lord, iagho neke fakarhidi naiknodi Israel ra mala nou naikno themu fabrahu, iagho Lord God, nodi God mare.