Ululahu Pita 1:8 - Buka Blahi Ka Cheke Holo

⁸ Iara laseni, ghotilo theome filoni mana gognaro, nu ghotilo namhani mana, fatutuani ni mana nei gleale'ani mana. Tutuani, nomi gleale'a ghotilo na biꞌo fara, theome tangomana kaisei naikno te ruruthani gaoghathogna na.

Ululahu Pita 1:8 ပူးပေါင်းရင်းမြစ်များ

Jone 20:29

Mae Jisas neke cheke eghu ka mana, “Tomas, iagho fatutuani naugna iagho ne filo ghau iara. Iheire te theome filo ghau iara nu fatutuani teure thofno keli tadi fara.”

Letas Teke Riso Tei Mae Pol Ka Khiloau Rom 15:13

God mae ihei ngala te thofno togho ghita te mala hata unha mana teke nhaꞌa cheke ranghi ghita. Iara toreni God mala gleale'a biꞌo ghotilo nei tusu ranghi ghami pharikeli kate fatutuani ni mana na. Eghuteuna nogna nolaghi Tharunga te Blahi na ginauna faheta ghami mala rouronuni God fabrahu ghotilo te mala eni unha mana teke nhaꞌa chekeni.

Hibru 11:1

Kate fatutuani tahati ka God na, tahati rouronu ka mana glepo teke nhaꞌa cheke mana ka tahati re. Neubane theome filodi neu tahati, tahati lasedi glepo igre la auhi.

Jone 16:22

Na jateula tuana eghu ka ghotilo. Eghume gognarona ghotilo diꞌanagnafa. Eghuteuna kate filo ghau iara na ghotilo ginauna keli tami nei gleale'a eghu. Nafnata gleale'a te theome tangomana kaisei naikno nate atha fadelei ka ghotilo.

Fapea Korin 4:18

Eghume ghehati theome ghaoghatho eigna unha te filoni ka tathada na, nu ghehati ghaoghatho eigna unha te theome filoni nga teu tahati. Glepo te filodi tahati ka tathadare theome au raugha. Nu unha te theome tangomana te filoni tahati na, tuana nate au fabrahu ginauna.

Ululahu Pita 1:6

Naugna igne ghotilo tangomana te gleale'a, neubane au papara ghotilo katha vido kmoꞌei ka kmana nafnata fariuriu ka nauthoglu igne.

Hibru 11:27

Mae Moses ne fatutuani ni God ne jifla Ijep. Naugna mana theome mhaghuni te diꞌatagna fara mae king gna Ijep. Nu mana kegra maku, naugna jateu mana la filonihi God mae ihei te theo kaisei naikno te filoni kau tathagna.

Ululahu Pita 2:7

Thina igne glepo ulu fara ka ghotilo naikno te fatutuani na. Nu ka naikno te theome fatutuani re, grioriso te blahi na cheke eghu, “U thina teke tirodini mae iheire te horo suga na, kela kegra haghe kaisei thina ulu fara ka suga na.”

Filipae 4:4

Gleale'a koba balugna noda Lord. Uve, iara nake fapea chekei ngala ka ghotilo, gleale'a!

Ululahu Pita 5:4

Eghuteuna kate thakle mei Kraes na, mae pha'ugna greireghi sipu na, mana ginauna na tusu ranghi ghami ghotilo taba biꞌo te siasigla fabrahu tifa te tifa.

Efesus 6:24

Eghuteuna iara tarai eigna nogna khokofakasai God mala au balumi ghotilo hui iheire te namhani fabrahu noda Lord Jisas Kraes. Me gnafa. Iara, mae Pol.

Filipae 1:25

Uve, iara laseni te magnahaghei ghau iara ghotilo na. Eghume iara na au balumi ghotilo. Iara ginauna togho ghami ghotilo mala biꞌo nei gleale'a eghu ghotilo ka nomi fatutuani na.

Letas Teke Riso Tei Mae Pol Ka Khiloau Rom 14:17

God na theome funei fruni ghita naugna te ima tahati keha nafnata gano ba koꞌu. Theo. Nu God na funei fruni ghita tahati kate eni unha te doglo na ke ulugna mana, nei au ka pharikeli, nei au gleale'a ka Tharunga te Blahi.

Jone 14:24

Mae te theome namha ghau iara na, mana theome leghudi nogu farirhiu iara re. Uve, farirhiu te nomhini ghotilo igne theome khogla nogu farirhiu iara kolho, nu jaola mei funugna ka mae Mama, mae teke kuru mei ghau iara na.

Jone 8:42

Mae Jisas ne cheke eghu ka mare, “Jame thugna God tutuani ghotilo na, ghotilo jame namha ghau iara naugna iara neke mei funu ka God, eghuteuna te gognarona iara au agne. Aonu, iara theome mei kau nogu nolaghi thegu, nu iara mei ka nogna nolaghi God mae teke kuru mei ghau na.

Filipae 3:3

Neubane eghu ngau, tahati nogna naikno God gre thofno laseni gaoghathogna tohi fagaglana. Naugna nogna Tharunga te Blahi God na te togho ghita tahati te mala pogho soru ranghini mana na. Tutuani, tahati gleale'a te kaisei balugna mae Jisas Kraes. Jaola theo kaisei noda fatutuani ka unha te eni ka thinida na.

Galesia 5:22

Nu kate snakreni tahati nakarhada na te mala baubatu mae Tharunga te Blahi na, mana ginauna tusu ranghi ghita namha, gleale'a, pharikeli, au kmu, lolokeli, au keli, u gaoghatho nheta te mala eni unha te chekeni,

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Fapea Korin 9:15

Tahati mala cheke fakelini God eigna nogna namha ranghi ghita te theo ihei tangomana te ruthini!

Fapea Korin 1:22

Mana neke lilisei nogna fagaglana na ka tahati mala laseni te nogna mana na. Eghuteuna lilisei ke lamnada nogna Tharunga te Blahi na mala laseni nogna nhaꞌa cheke mana re ginauna mei tutuani ka tahati.

Mae Khuru 16:34

Ke leghugna igne mae greireghi suga sosolo na hatadi mae Pol ghe mae Silas ne tei ka sugagna na ne faꞌimadi. Mana nei tharakna na ne gleale'a fara naugna mare gognaro na la fatutuani God.

Jone 14:21

Mae ihei te nomhidi nei leghudi teu nogu vetula iara re, mae tuana ngala te namha ghau iara na. Eghuteuna mae ihei te namha ghau iara na, mae Kmagu iara na ginauna namhani mana. Eghuteuna iara ginauna namha nila mana, nei na fatakle ghau thegu ka mana.”

Jone 14:15

Mae Jisas ne cheke eghu ka nogna mae fanomhore, “Uve, jame te namha ghau iara tutuani ghotilo na, ghotilo leghudi koba nogu cheke iara gre.

Matiu 10:37

“Ihei te namhadi fara kmagna ba idogna ba thugna nalhaꞌu ba thugna gaꞌase ke tulaogu iarai na, mana theome nabagna te nogu mae fanomho iara na.

Famane Khoje 5:16

Chekegna mana na mamahe fara Iara thofno magnahagheini fara mana. Goro gaꞌasemi Jerusalem, igne kheragu iara na. Mana kheragu iara.

Ululahu Korin 16:22

Jame ihei te theome namhani Lord na, iara magnahagheni mae tuana ginauna mala fnota fabrahu ka God tifa tifa. Nomi Lord, mei iagho!

Famane Khoje 5:9

Iagho ihei te thofno famane fara salaꞌudi keha goro gaꞌase te gnafa gre, Cheke ghami! Unha gne te nhogri kheramu iagho gne ka keha mae re? Unha kolho te keli te salaꞌui mae igne ka keha mae igre, mala nhaꞌa cheke ghehati?

Famane Khoje 1:7

Kheraguo, iagho cheke ka iara, aheva te atha te tei koba iagho nou sipu re te mala ghamu na, nei aheva te gnafa reꞌe kate brana naprai na. Theome nabagu iara te nolo thegu na te mala hiro nigho ka vido aheva kheramu iagho te reireghidi nou sipu iagho re.

Efesus 3:19

Iara toreni God mala fodu e salaꞌui ghotilo ka puhigna God thegna kate lase fakelini ghotilo nogna namha Kraes igne. Iara toreni igne neubane theo kaisei naikno tangomana te thofno ruruthani ba thofno lase fakelini u namha igne!