Ululahu Pita 1:25 - Buka Blahi Ka Cheke Holo

²⁵ Nu chekegna Lord na ginauna au fabrahu tifa tifa.” Eghuteuna igne cheke te toutonuni mare ka ghotilo na.

Ululahu Pita 1:25 ပူးပေါင်းရင်းမြစ်များ

Profet Isaia 40:8

Uve, buburu na tangomana te gnhagha na, eghuteuna chechenge na tangomana te khoko pari na, nu chekegna noda God na ginauna au fabrahu tifa tifa.”

Matiu 5:18

Nu tutuani fara te chekeni iara ka ghotilo na, kate au nga teu nauthoglu ghe maloa gre baludi gobigna lepo igre, ginauna theome hata koko kaisei phugra cheke ikoi kau nogna vetula mae Moses na, ghilei horoghoto ka gaoghathodire.

Nodi Khoje Hatimare Mae Jiu 119:89

Lord God, chekemu iagho na ginauna au fabrahu tifa e tifa. Uve, ginauna na au fabrahu kligna tifa e tifa.

Ululahu Jone 1:1

Ghehati riso ari ka ghotilo eigna Cheke te karha fabrahu igne. Ghehati nomhinihi. Ghehati filonihi. Ghehati efranihi, nei habonihi ka khamemire. Ghehati riso ari ka ghotilo eigna Cheke te tusu meini u karha na.

Fapea Pita 1:19

Eigna igne, ghehati thofno fatutuanidi fara unha teke chekedi hatimare mae profet ra. Eghume, te keli na ghotilo jame jaola loku famaku nodi cheke hatimare mae profet ra, naugna cheke igre jateula kaisei juta te phae kate romno ia eghu. Juta tuana ginauna phae ghilei rane, eghuteuna naphaegna nathunu rane na jateula naphaegna mae Kraes eghu, eghuteuna ginauna phae ke lamnadi nagnafami ghotilo re.

Nodi Khoje Hatimare Mae Jiu 102:12

Nu iagho Lord God, iagho ginauna King fabrahu tifa e tifa. Eghuteuna iheire na teke karha mei ke leghure, ginauna ghatho nigho fabrahu.

Luku 16:17

Tutuani te chekeni iara ka ghotilo na. Kligna nei pari teu igre tangomana nate ari te gnafa na, nu theo kaisei phugra cheke ka vetula nate ari te gnafa na.

Efesus 2:17

Eghuteuna Kraes neke mei toutonu u Nonomho te Keli eigna pharikeli maladi naikno te gnafa, ka ghotilo iheire te theome Jiu te au khaba ka God nei ka mae Jiu te au namo ka mana langau eghu.

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Jone 1:1

Tifa na, mae te kiloi “Chekegna God” gne neke kulu auhi. Mana neke kulu auhi balugna God, nei mana kaisei ngala balugna God.

Nodi Khoje Hatimare Mae Jiu 102:26

Gobigna lepo igre ginau hui, nu iagho themu ngala nate au fabrahu na. Uve, gobigna lepo igre ginauna na theome raugha diꞌa jateula pohe tiatifa te koko teke tughu kate majaghani ra eghu.

Ululahu Jone 1:3

Gognaro na ghehati toutonuni ka ghotilo unha ghehati teke filoni nei nomhini, naugna ghehati magnahaghe ghami ghotilo te kaisei fofodu balumi. Tahati mala kaisei fofodu ngala balugna God Mama nei Thugna, Jisas Kraes.

Ululahu Pita 2:2

Nu ghotilo mala jateula sua gegeꞌe te karha majaghani te magnahaghei chuꞌu ia eghu kolho. Naugna ghotilo nabami na magnahaghei farirhiu te famane klino nei bligi eghu kolho. Eghuteuna ghotilo ginauna tangomana te kotu haghe ka farirhiu igne nei ginauna hata u thofno nakarha eghu.

Ululahu Pita 1:23

Naugna chekegna God na neke togho ghami ghotilo fara mala ke karha majaghani ghotilo. Eghuteuna chekegna God igne theome tangomana te lehe na, nu karha fabrahu tifa tifa.

Ululahu Pita 1:12

Eghume, God neke falalase ka mare u thofno gaoghathogna cheke igne, theome mala toghodi kolho thedi kate toutonu na, nu mala togho ghami ghotilo. Gognaro na mae Tharunga te Blahi teke kuru mei God funu kligna na tusu lao nolaghi ka keha naiknore mala toutonu ka ghotilo. Naikno igre neke toutonu eigna u Nonomho te Keli na ka ghotilo glepo teke toutonu dila hatimare mae profet ra. Tutuani fara hatimare mae engel, mare magnahaghei te lase fakeli nila Nonomho te Keli igne.

Taetus 1:3

Eghuteuna kate thokeni u thofno nogna narane thegna God na, mana ne fatakleni eigna u karha na kau nogna Nonomho te Keli te toutonuni iara ranghidi naikno te gnafa kau nauthoglu igne. Nu God noda mae Fakarhai na neke kuru ghau iara mala toutonuni u Nonomho te Keli igne ka naikno te gnafare.

Ululahu Korin 2:2

Naugna kate ari ka ghotilo ia, iara neke magnahaghei toutonu eigna mae Jisas Kraes nei glehegna ke kligna gaju fafatha eghu kolho. Tutuani, iara theome magnahaghei toutonu keha glepo delei ka ghotilo.

Profet Isaia 40:6

Iara neke nomhini kaisei naogla ne cheke eghu, “Iagho eha tei!” Aonu iara ne ghusna eghu, “Unha nate chekeni iara na?” Naogla igne neke cheke eghu ka iara, “Iagho na cheke eghu: Naikno te gnafa igre ginauna theome au raugha ka nauthoglu igne na jateula buburu eghu kolho, eghuteuna nodi glepo te keli re jateula chechenge eghu kolho.

Hibru 6:5

Eghuteuna mare la filo glanihi chekegna God te keli fara na, nei mare lasenihi nogna nolaghi te mala funei frunidi gobigna lepo ka nogna nauthoglu majaghani God.

Thakle 14:6

Iara ne filoni keha engel na ne flalo kligna ka maloa na. Mana hata balugna u Nonomho te Keli te au fabrahu te tifa te tifa na mala toutonu ranghidi naikno te au ka kokholo te gnafa, ka vike te gnafa, ka cheke te gnafa, nei ka namono te gnafa ka nauthoglu gne.