Ululahu Pita 1:24 - Buka Blahi Ka Cheke Holo

²⁴ Grioriso te blahi na ne cheke eghu, “Naikno te gnafare jateula buburu eghu kolho, eghuteuna nodi nafnaknore jateula chechenge gaju eghu kolho. Te lehe buburu na, chechenge ginauna na brusu.

Ululahu Pita 1:24 ပူးပေါင်းရင်းမြစ်များ

Nodi Khoje Hatimare Mae Jiu 103:15

Nakarhada tahati naikno na kmoꞌe fara jateula buburu eghu, ba jateula keha nafnata sisi te kotu haghe te biꞌo ka nagare ra eghu kolho.

Jemes 4:14

Tore, nu ghotilo theome laseni unha nate eni nathuꞌu na! Eghuteuna ghotilo theome laseni unha nafnata nakarhagna nate hata ghotilo na. Ghotilo na jateula khoveo te filoni tahati katha vido ikoi hamerane nu kela dofi nila teu ia eghu kolho.

Nodi Khoje Hatimare Mae Jiu 37:2

Theome raughau mare ginauna brango jateula u buburu eghu kolho. Mare ginauna lehe jateula gaju ikodi te lehe ka nhigra te ahora eghu.

Fapea Kings 19:26

Naiknodi namono biꞌo igre ginauna glaꞌe soru balu mhaghu nodi nei mamaja nodi eghu fara. Mare jateula buburu fari hotei glalaba, ba gnarho te kotu tagru suga te lehe kolho kate ghaghafa mei nuri te brana na.

Ululahu Jone 2:17

Nauthoglu igne na ginauna hui. Eghuteuna gobigna lepo te magnahaghedi naikno ka nauthoglu igne na hui. Nu ihei te eni unha te magnahagheni God na karha tifa tifa.

Nodi Khoje Hatimare Mae Jiu 129:6

Lisa laodi sagho mala jateula buburu te kotu ka thina te magnahaghei kotu biꞌo nu theome raugha teu na brango me lehe teu ia eghu mare.

Nodi Khoje Hatimare Mae Jiu 92:7

Glepo igre eghu agne, naikno te diꞌare famane kotu haghe jateula buburu eghu, eghuteuna naikno te edi puhi te diꞌare mare au ka nakarha te keli ka nauthoglu igne, nu iagho ginauna roꞌedi mala theo nafudi fabrahu.

Nodi Khoje Hatimare Mae Jiu 102:4

Thinigu iara na la gagaro fara la ghilei nhubragna kolho, jateula buburu tela goꞌehira eghu. Iara la ghilei tirogu imahi gognaro na.

Nodi Khoje Hatimare Mae Jiu 90:5

Iagho neke vuavuha ghami ghehati mala ghosei lehe kolho jateula khoꞌu te britha te kmerhu ghehati ra eghu. Uve, ghehati au katha vido kmoꞌei kolho jateula mifi eghu ka nauthoglu igne. Ghehati jateula buburu te kotu haghe majaghani hamerane ra eghu kolho.

Thoutonu Eigna Mae Job 14:2

Mana ghosei kotu haghe jateula chechenge gaju eghu, eghuteuna jaola ghosei lehe jateula chechenge gaju eghu. Nakarhagna na ghosei dofini kolho jateula naungo gaju eghu.

Nodi Khoje Hatimare Mae Jiu 39:6

“Nakarhagna naikno na jateula naungo gaju eghu kolho. Gobigna lepo te magnahaghei mana te loku brana di mana re na ari theo nafudi kolho. Eghuteuna unha te salo fodu mana malagna thegna teure tahati theome laseni ihei nate khotodi ginau re.

Profet Isaia 51:12

Lord ne cheke eghu ka nogna naiknore, “Kaisei iara ngala te kokhoni ghami nei farheta ghami teu ghotilo na. Eghume naugna unha si ghotilo te mhaghudi naikno grea? Naikno tuare ginauna ghosei lehe dofidi jateula buburu te theome au raugha ra eghu kolho.

Matiu 6:30

Nu thegna God kolho teke falalaonidi sisi ka namhata na are, nu sisi te karha teu gognaro igne nathuꞌu teuna na koko lao ka khaꞌaghi. Ghotilo ke uludi sisi igrei. Ba, na theome falalaoni ghami la God mae Kmami te au kligna na neu si ghotilo ia? Uve! Nu nomi fatutuani ghotilo na thono ikoni fara!