Ululahu Pita 1:13 - Buka Blahi Ka Cheke Holo

¹³ Eghume gognaro na ghotilo tarabana fabrahu nagnafamire mala leghuni Lord nei filo fakeli eghu. Eghuteuna farerheta gaoghathomire ka glepo te keli God nate tusu ranghi ghami ka narane ke pulo meigna mae Jisas Kraes.

Ululahu Pita 1:13 ပူးပေါင်းရင်းမြစ်များ

Ululahu Pita 5:8

Tarabana koba nei doadofra fakeli eghu! Naugna nomi naoka ghotilo mae Satan, mana tei tafri jateula kaisei lion te rofo eghu nguru tafri hironi ihei mala roꞌeni mana.

Luku 12:35

Mae Jisas ne cheke eghu, “Ghotilo tarabana nomi koba leghu fata jateula kaisei mae gloku te kulu fakasa nogna juta na nei kulu famamhaku nogna phipichi na teu ia eghu.

Ululahu Pita 4:7

Nu tahati la mei namohi ka narane gobigna lepo ka nauthoglu igne ginauna hui. Eghume te keli na ghotilo ghaoghatho fakeli, nei filo fakeli eghu mala tangomana ghotilo te tarai na.

Ululahu Pita 3:15

Nu te keli na ghotilo lisa lao ghami themi fabrahu ka mae Kraes nomi Lord. Eghuteuna leuleghu fata na ghotilo tarabana mala cheke tughudi naikno te ghusna ghami eigna unha te fatutuani ni ghotilo mae Kraes na.

Hibru 9:28

Eghume, mae Kraes jaola neke fafarani thegna kaisei fata ngala, mala tangomana mana te koko fahui nakhibodi naikno te kmanare. Mana ginauna nake pulo mei ka nauthoglu igne fapea fata. Kau narane tuana mana ginauna na theome mei mala atha koko nakhibo, nu mana mei ka nauthoglu igne mala fakarhadi iheire te ofoni teu mana.

Ululahu Jone 3:3

Eghuteuna iheire fateo te thofno fatutuani ni mae Kraes kate ofoni teu mana na fariuriu au klino, naugna mae Kraes na klino fara.

Fapea Timoti 4:8

Eghuteuna gognaro na u taba te mala uluni iara na la kulu auhi. Uve, ka narane leghu lahu na Lord mae ihei te tangomana te mala fatedi naiknore ka puhi te doglo na, mana ginauna cheke eghu ka iara, “Iagho kaisei mae te doglo ke ulugu iara. Igne nou taba iagho na.” Eghuteuna mana ginauna na theome eni igne ka iara kolho, nu jaola ranghidi naikno te gnafa te ofoni teu ke pulo meigna mana na.

Efesus 6:14

Eghume, ghotilo kegra heta balugna nomi nhugha mala magra na, igne u cheke te tutuani na. Eghuteuna fahaghe nomi phokore, igne puhimi ghotilo te doglore.

Ululahu Korin 1:7

Eghume God neke tusu ari ka ghotilo nogna khokofakasai te gnafa Tharunga te Blahi kate ofoni teu ghotilo narane mala ke pulo meigna noda Lord Jisas Kraes. Eghuteuna Kraes ginauna jaola togho ghami ghotilo mala heta nei doglo eghu ke ulugna God ghilei thoke mei narane tuana.

Luku 17:30

“Eghume, ginauna na jateula igne eghu kate filo glani ghau iara naiknore ka narane nate thakle meigu iara na.

Hibru 10:35

Eghume, thosei ghatho peapea naugna God ginauna thofno tabadi iheire te loku famaku ka nodi fatutuani na te ghilei thoke ka narane leghu lahu.

Hibru 6:19

Noda fatutuani te mala hata glepo te nhaꞌa cheke God ka tahati igre, jateula kaisei sobo eghu ka nakarhada na mala theome tangomana te thugha na. Naugna tahati fatutuani, tahati tangomana te tei ke ulugna God jateula mae pris biꞌo te ruma ke leghugna pohe biꞌo te mala bobothogna chogho te blahi fara te au ke lamnagna Sugablahi na ia eghu.

Hibru 3:6

Nu mae Kraes Thugna God na, mana pha'u mae te mala reireghini tharaknagna God na nei eni unha te magnahaghei God na. Jame loku famaku tahati noda fatutuani na nei jame jaola gleale'a fabrahu eidi gobigna lepo God nate edi ranghi ghita na, tahati gne thofno tharaknagna God.

Fapea Timoti 4:5

Nu iagho ghaoghatho fakeli leuleghu fata na, nei kegra maku ka narane nate thoke mei tamu naꞌau papara na. Eghuteuna iagho heta ka gloku igne mala toutonu eigna u Nonomho te Keli na nei loku fahui nou gloku blahi teke tusu ranghi nigho God na.

Ululahu Korin 13:13

Eghume thilo glepo te ulu igre au fabrahu tifa tifa: fatutuani, grouronu nei namha. Nu namha na ngala te ulu ka thiloi gre.

Letas Teke Riso Tei Mae Pol Ka Khiloau Rom 13:13

Tahati mala au fabrahu ka puhi te doglo jateula naikno te au fabrahu kate phae eghu. Theome mala edi gaghamu te diꞌa ba koꞌu mala dranga, ba gnognoro, ba leghudi keha puhi te diꞌa, theome mala magra ba goghotu.

Thoutonu Eigna Mae Job 40:7

“Jame kaisei mae tutuani iagho na, kegra haghe, cheke tughu mei nogu faghusna iara igne.

Fapea Tesalonika 1:7

Eghume te chekeni iara ka ghotilo iheire te au papara fara ra, God ginauna fagnafa ghami ghotilo balumi ghehati kate thakle meigna Lord Jisas funu kligna balu nogna tothoghei engel te nolaghi.

Profet Jeremaea 1:17

“Jeremaea! Iagho tarabana mala tei toutonuni nogu cheke iara igre ka naiknore. Iagho thosei mhaghu ba suaraghi. Jame te mhaghudi iagho naiknore, iara ginauna famamhaghu nigho ke uludi mare.

Profet Isaia 11:5

Mana ginauna funei frunidi nogna naiknore ka puhi te doglo ka tathagna God. Eghuteuna leuleghu fata na mana ginauna leghudi fabrahu nogna vetula God re.

Ululahu Kings 18:46

Eghuteuna nogna nolaghi Lord na ne mei ka mae Elija, eghuteuna mana ne haru famaku nogna pohe na ne chari uluni King Ehab ne kulu tei Jesrel.

Eksodas 12:11

Kate ima na, ghotilo kulu famane pipichi fakeli nomi, fahaghe nomi sadol are nei louloku nomi khodo are eghu. Ima faghoeghose balu mhaghu nei rharhana eghu, naugna u Gaghamu Ghasa-Polho igne mala ghatho tahu ghau iara, nomi Lord na.

Thoutonu Eigna Mae Job 38:3

Jame kaisei mae tutuani iagho na, iagho kegra haghe, cheke tughu mei nogu faghusna iara igre.

Fapea Kings 4:29

Mae Elisa nomhini cheke igne, ne cheke eghu ka mae Gehasi, “Iagho tarabana mala tei. Hata nogu khodo iara na, eghuteuna faghose tei Sunem. Jame te thafoni iagho kaisei mae ka nabrou na, iagho thosei kegra snoto mala hamerane keli eghu ka mana. Iagho doglo tei ka sugagna naikno biꞌo ia, eghuteuna iagho hata nogu khodo iara gne lisei lao ke klignadi tathagna nei foflogna teu mae sitei na.”

Luku 17:8

Theome tangomana! Iagho na cheke eghu ka mana, ‘Iagho tarabana ghegu gano iara, eghuteuna pipichi nou pohe na mala ofou ghau iara kate ima nei koꞌu teu iara gne. Kate gnafa ima iara na ame ghamu nei koꞌu eghu nga iagho eghu.’

Letas Teke Riso Tei Mae Pol Ka Khiloau Rom 8:19

Gobigna lepo teke vuavuha God igre ofou kolho mala thokeni narane nate falalase God iheire te thofno thugna mana re.

Kolose 3:4

Thofno nakarhada na jifla mei ka mae Kraes. Eghuteuna kate ke pulo meigna na, mana ginauna hata ghami ghotilo mala au balugna kligna, eghuteuna mana na fafnakno ghami ghotilo jare.

Ululahu Pita 1:10

Hatimare mae profet re neke hiro fakelini nei fariuriu mala laseni eigna u nakarha igne tifa na. Mare neke cheke eigna u khokofakasai nate hata ghotilo ginauna.

Ululahu Pita 5:12

Mae Silas togho ghau iara neke rioriso letas kmoꞌei igne ranghi ghami ghotilo. Iara laseni mana kaisei mae kheragu keli iara ka khiloau gne nei iara thofno ronuni fara mana. Letas igne iara magnahaghei te fahetadi nomi fatutuani ghotilo re, nei jaola mala cheke ka ghotilo eigna u nabrou God teke falalase ka tahati ka nogna khokofakasai. Igne thofno nabrou te tutuani na, eghuteuna ghotilo mala kegra maku tagna.

Matiu 20:4

Aonu, mana ne cheke eghu ka mare, ‘Ghotilo eghu tei la mala loku ka nogu nagare iara ia. Iara na foli ghami ghotilo nihai nate gijami ghotilo na.’