Ululahu Pita 1:12 - Buka Blahi Ka Cheke Holo

¹² Eghume, God neke falalase ka mare u thofno gaoghathogna cheke igne, theome mala toghodi kolho thedi kate toutonu na, nu mala togho ghami ghotilo. Gognaro na mae Tharunga te Blahi teke kuru mei God funu kligna na tusu lao nolaghi ka keha naiknore mala toutonu ka ghotilo. Naikno igre neke toutonu eigna u Nonomho te Keli na ka ghotilo glepo teke toutonu dila hatimare mae profet ra. Tutuani fara hatimare mae engel, mare magnahaghei te lase fakeli nila Nonomho te Keli igne.

Ululahu Pita 1:12 ပူးပေါင်းရင်းမြစ်များ

Jone 15:26

“Iara ginauna kuru meini ka ghotilo mae mala thotogho na. Mae igne mae Tharunga te Blahi, mae te mala falalase glepo te tutuanire. Mana na mei ka ghotilo funugna ka mae Mama mala toutonu eigu iara.

Efesus 3:10

Nu gognaro na God ne babana u khiloau gne mala falalase nogna glalase te keli te gnafa God ka hatimare mae engel nei keha nafnata nolaghi langau ka maloa gne.

Ululahu Korin 2:10

Nu God neke vahini Tharunga na mala falalase ka tahati unha teke poru na. Neubane poru fara ka gaoghathogna God na glepo igre, Tharunga te Blahi na la kulu lasedihi nei fatakledihi.

Hibru 4:2

Tahati la nomhinihi u Nonomho te Keli igne, nei naiknodi Israel tifa re neke nomhi nila. Nu neubane nomhinihi mare u cheke igne, theome toghodi mare kolho, naugna kate nomhini u cheke igne mare theome fatutuani kolho.

Nonomho Te Keli Teke Risoi Mae Mak 16:15

Mae Jisas ne cheke eghu ka mare, “Ghotilo jifla tei heva heva kau nauthoglu gne, mala toutonuni Nonomho te Keli na ranghidi naikno fateote'o.

Ululahu Pita 1:25

Nu chekegna Lord na ginauna au fabrahu tifa tifa.” Eghuteuna igne cheke te toutonuni mare ka ghotilo na.

Thakle 5:11

Kate filo lao iara na, iara ne nomhini khojedi kmana mola mola engel, theome tangomana te kahadi. Mare ne kegra falithuni nogna sape nafnakno mae King na baludi fati glepo te karhare nei hatimare mae biꞌo ka khiloaure.

Fapea Korin 6:6

Ghehati falaseni eigna ghehati nogna mae gloku God ka nomi glalase eigna Nonomho te Keli na. Puhimire klino fara. Ghehati theome tangomana te ghosei te diꞌatami na nei ghehati tangomana te keli ranghini ihei. Tharunga te Blahi na au ka ghehati, nei u namha tutuani te mala namhani ihei na au ka ghehati.

Fapea Korin 1:22

Mana neke lilisei nogna fagaglana na ka tahati mala laseni te nogna mana na. Eghuteuna lilisei ke lamnada nogna Tharunga te Blahi na mala laseni nogna nhaꞌa cheke mana re ginauna mei tutuani ka tahati.

Letas Teke Riso Tei Mae Pol Ka Khiloau Rom 15:19

Mare ne leghuni God naugna mare neke filodi u fagaglana nei kofubobhoi balu nolaghi nogna Tharunga te Blahi. Iara toutonuni Nonomho te Keli na funu Jerusalem, iko tongana heva heva ghilei posa Ilirikam. Aonu iara ne toutonu fahui Nonomho te Keli eigna mae Jisas Kraes.

Mae Khuru 2:33

God neke hata hagheni mana kau sape nafnakno na mala gnokro rhegna thegna. Eghuteuna God mae Kmagna na neke tusu ranghini mana Tharunga te Blahi na, mala leghuni nogna nhaꞌa cheke na. Eghume unha te filoni nei nomhini teu ghotilo gognaro gne, glepo neke tusu meini God ka ghehati.

Profet Daniel 12:13

“Ghema Daniel, gaoghathomu iagho na mala au rheta ka God ghilei thokeni huigna naranemu na. Ka narane tuana iagho ginauna lehe, nu iagho ginauna nake karha fapulo mala hata nou taba biꞌo na ka narane leghu lahu igne.”

Profet Daniel 12:9

Mana ne cheke eghu ka iara, “Ghema Daniel, iagho thosei nanga nou ka glepo igre. Naugna cheke igre mala theome thakle ghilei thokeni narane leghu lahu na.

Hibru 2:4

God jaola neke falalase chekegna te thofno tutuani na ka kmana nafnata fagaglana nei kofubobhoi eghu teke edi mana re. Jaola, mana ne falalase neke tusu ranghidi nogna nolaghi mae Tharunga te Blahi na ka kmana nafnata puhi mala toghoni nodi gloku na, leghuni nogna gaoghatho thegna na.

Galesia 1:16

toutonu iara u Nonomho te Keli eigna mae Thugna God ka naikno te theome Jiure. Tutuani fara God ne falalase ka iara mae thofno Thugna na. Kate kilo ghau God na, iara neke theome hata farirhiu ba thotogho ka mae ihei.

Galesia 1:12

Iara neke theome nomhini ka mae ihei ba theo kaisei mae teke farirhiu ghau iara na, nu thegna mae Jisas Kraes ngala teke falalase ka iara u Nonomho te Keli igne.

Letas Teke Riso Tei Mae Pol Ka Khiloau Rom 10:15

Ba, faꞌunha eghu ihei nate toutonuni u Nonomho te Keli na, jame te theo kaisei naikno te kuru teini God te mala toutonu ka mare na? Mana ne kurudi mare mala toutonu jateula te chekeni ka grioriso te blahi na, “Thofno keli fara te mei naiknore te mala toutonuni u Nonomho te Keli na!”

Letas Teke Riso Tei Mae Pol Ka Khiloau Rom 1:17

U Nonomho te Keli gne cheke ranghi ghita eigna puhigna God te fadoglo ghita ke ulugna thegna kate thofno fatutuani ngala tahati mae Jisas. Jateula te chekeni ka grioriso te blahi, “Mae ihei te fatutuani ni God na, mana ginauna doglo ke ulugna God, eghuteuna mana ginauna hatini u karha fei tifa na.”

Luku 15:10

Na jateula tuana eghu nogna engel God re ginauna na gleale'a biꞌo fara kate hogri nagnafa kaisei naikno te diꞌa na.”

Matiu 11:25

Aonu mae Jisas ne cheke eghu ka mae Kmagna na, “Mama, iara cheke fakeli nigho, iagho mae te funei frunidi gobigna lepo kligna ba pari. Iara cheke fakeli nigho, naugna iagho ne falalase ka iheire te jateula sua teu te ihoni thofno glalase na, nu iagho pophoru glalase igne ka naikno te lasedi kmana glepo nei fahaehaghe fara teu eigna nodi glalase na.

Profet Emos 3:7

Tutuani fara, ame eni nga Lord unha te magnahagheni na teuna, mana ginauna kulu cheke ka nogna mae profet.

Profet Daniel 9:24

“God na liliseihi fati gobi nheva salei finogha te mala toghodi nou naikno iaghore balugna namono biꞌo Jerusalem. Ka gnafadi narane tuare, mana ginauna koko fahui nakhibomi nei puhimi teu ghotilo te diꞌare. Eghuteuna mana ginauna lilisei gaoghatho te doglo ka nogna naiknore mala au fakeli tifa tifa. Eghuteuna mifi nei nodi cheke hatimare mae profet teu igre ginauna thoke mei tutuani. Funu gognarogne, Sugablahi igne ginauna thono blahi fara.

Ululahu Tesalonika 2:9

Uve, kheraguro, ghotilo lase ghamihi ghehati loku heta fara bongi narane mala foli unha te nabami themi. Naugna ghehati theome magnahagheni te eni kaisei puhi biꞌo ka ghotilo kate toutonuni Nonomho te Keli gne.

Luku 9:6

Aonu mae khurure jifla ne tei ka namono te gnafare mala toutonuni Nonomho te Keli na, nei mala ke fakarha fapulodi naikno te fogra re.

Luku 2:26

Mae Tharunga te Blahi na neke chekehi eghu ka mae Simion, “Iagho ginauna na theome leheu ghilei filoni mae Mesia teke kulu nhaꞌa cheke God na.”

Matiu 16:17

Mae Jisas ne cheke eghu ka mae Simon, “Iagho keli tamu, ghema Simon, thugna mae Jone. Theo kaisei naikno teke farirhiu nigho tuana. Nu mae Mama te au kligna neke falalase nigho eigu iara.

Matiu 11:27

Mae Jisas ne cheke eghu, “Mae Kmagu iara na la lisa meihi ka khamegu iara gobigna lepore. Theo kaisei naikno te thofno laseni mae Thugna God na, mae Mama thegna ngala. Tutuani, theo kaisei naikno te thofno laseni mae Mama na, kaisei mae Thugna ngala. Nu iheire ngala teke vahidi iara ginauna cheke ranghidi eigna mae Mama, eghuteuna mare ginauna jaola laseni mae Mama.

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.

Profet Daniel 10:1

Ka fatilo finogha te mei King Saerus funugna ka kantri Pesia te funei ka kantri Babilonia, God ne tusu mei kaisei nonomho ka iara. Nonomho igne thofno tutuani fara, nu thofno ninhigrana fara te laseni na. Gaoghathogna cheke teke tusu mei God ka iara igne ne thakle mei ka iara ka kaisei mifi.

Profet Daniel 8:13

Iara ne nomhini kaisei engel ne ghusna eghu ka keha engel na, “Niha nau gnafadire gobigna lepo te fakakhana God ka mifi na igre? Niha nau gnafadire puhi te diꞌa te tughu fabrahu nodi fafara nogna naikno God igre? Niha fata tapla fabrahu ke klignadi nogna naikno God igre balugna Sugablahi igne si hona ikoi ignea?”

Profet Daniel 2:47

Mana ne cheke eghu ka mae Daniel, “Tutuani fara, nou God iagho igne haghe fara salaꞌudi keha god te gnafa te tufru sorudi ghehati igre. Mana nodi Lord hatimare mae king te gnafa igre. Eigna Mana tangomana te fakakhana gaoghathodi gobigna lepo te poru ka iara igre. Gognarona iara laseni igne, naugna iagho la rurutha la thofno glola fakeli ka iara.”

Profet Daniel 2:22

God tangomana te fakakhana glepo te poru, nei glepo te theome lasedi gaoghathodi. Mana lasedi gobigna lepo te poru kate romno na, eghuteuna leuleghu fata na naphae na au faligohoni mana.

Profet Daniel 2:19

Ka bongi igne, God ne fakakhana ka mae Daniel glepo igre ka mifi. Aonu mae Daniel ne cheke fakelini God,

Profet Isaia 32:15

Gobigna lepo igre ginauna eghu fabrahu ghilei thoke mei narane Lord nate kuru mei funu kligna Tharunga gna na ka tahati. Ka narane tuana, ginauna na jateula namono nagou te famane vido te mala joꞌu ganora eghu, eghuteuna nagare re ginauna famane karha kelidi fara.

Proveb 1:23

Ghotilo mala leghudi nogu cheke iara igre, eghuteuna iara ginauna farirhiu ghami ghotilo mala lase fakelidi nogu cheke iara igre.

Eksodas 25:20

Phei engel igre fari totoi ke kligna bokis, eghuteuna filo soru ka thotokugna bokis igne. Eghuteuna baghidi re fnerha ke kligna bokis.

Hibru 11:13

Naikno te gnafa tifa igre fatutuani ni God neke ghilei lehe. Kate au ka nauthoglu igne, mare neke theome hata gobigna lepo God teke nhaꞌa cheke ranghidi. Mare jateula te kegra teu delei te filo lao eghu kolho, eghuteuna mare gleꞌani unha nate thoke mei ginauna. Mare ne cheke eghu, “Ghehati jateula mae phosa eghu kolho kau nauthoglu igne.”

Profet Isaia 53:1

Naiknore ne cheke eghu, “Ihei gne nate fatutuanini nomi cheke ghehati na? Ihei gne nate filo glani nogna nolaghi Lord na?

Letas Teke Riso Tei Mae Pol Ka Khiloau Rom 1:15

Eghume ka gaoghatho igne te magnahaghei fara iara te ari posa ka ghotilo te mala toutonuni u Nonomho te Keli igne.

Mae Khuru 16:10

Ke leghugna te mifi mae Pol igne, ghehati ghosei ne tarabana mala tei Masidonia. Ghehati eni igne, naugna ghehati thofno laseni God neke kilo ghami ghehati mala toutonuni u Nonomho te Keli gne ka naikno te au ka Provins Masidonia.

Mae Khuru 10:44

Kate cheke nga teu mae Pita na, u Tharunga te Blahi na ne soru ke klignadi naikno te fanomho ka nogna cheke mana re.

Mae Khuru 8:25

Eghuteuna mae Pita ghe mae Jone ne toutonu ka naiknore glepo teke edi mae Jisas teke filodi mare re. Ke leghugna te chekeni phiamare chekegna Lord na, phiamare neke pulo Jerusalem. Kate ke pulodi na, phiamare neke sala'u ka namonodi mae Samaria re ne toutonuni u Nonomho te Keli na ka naiknore.

Mae Khuru 4:31

Ke leghugna te tarai mare na, u suga te khapru te tarai teu mare na megei nga ne nghali. Eghuteuna mae Tharunga te Blahi na ne soru mei ka mare. Ke leghugna igne, mare ne theome mhaghu te toutonuni u chekegna God na.

Mae Khuru 4:8

Mae Tharunga te Blahi na ne soru mei ka mae Pita, eghuteuna mana ne cheke eghu ka mare, “Uve, ghotilo mae funei ra, nei ghotilo keha mae biꞌodi mae Jiu ra.

Profet Joel 2:28

Lord ne cheke eghu, “Ke leghugna igne, iara ginauna snakreni Tharungagu na mala soru mei au baludi naikno te gnafa igre. Thumi gaꞌase nei thumi nalhaꞌu teu ghotilo are ginauna toutonuni chekegu iara na jateula mae profet eghu. Mae biꞌo gre ginauna mifi, eghuteuna mae majaghani re ginauna filodi keha nafnata mifi te nhogri.

Ululahu Timoti 3:16

Tutuani fara, nogna thofno farirhiu khiloau na kaisei glepo biꞌo fara. Eghuteuna thofno farirhiu tuana cheke eghu, Mae Kraes neke vuha mei thini jateula naikno. Mae Tharunga te Blahi neke fatakleni puhigna mae Kraes na thono doglo fara. Engel re neke filoni mana. Naiknore neke tei toutonu eigna mana ka namono te kmanare. Naikno heva heva ka nauthoglu igne neke fatutuani ni mana. God neke hata hagheni mana kligna ka siasigla.

Ululahu Pita 4:6

Naugna igne u Nonomho te Keli gne jaola neke toutonu tifa ranghidi naikno tela lehehira. Tutuani fara, kani au teku ka nauthoglu igne, mare neke theome tangomana te fafraini glehe na. Eigna naikno te gnafare mala lehe. Neuba ngau u Nonomho te Keli na neke toutonu ka mare mala tangomana mare te hogri nagnafa na mala karha fabrahu balugna God ginauna.