Ululahu Kronikols 9:31 - Buka Blahi Ka Cheke Holo

³¹ Kaisei mae Livaet nanghagna na mae Matitaea, mana gahu bret blahi mala tusu lao ka Lord. Mae Matitaea gne neke thugna ululahu mae Salum ka vikegna mae Kora.

Ululahu Kronikols 9:31 ပူးပေါင်းရင်းမြစ်များ

Ululahu Kronikols 9:19

Aonu mae Salum nei hatimare nei mae kheragnare eghu ne neke reireghi ni grengatha ke ulugna Sugablahi na. Mae Salum gne thugna mae Kore. Mae Kore gna thugna mae Ebiasaf ka vikegna mae Kora. Tifa te mei na, kuꞌedi mae igre neke reireghi ke ulugna nogna Suga Tapuale te Blahi Lord.

Ululahu Kronikols 9:22

Mare te gnafa teke vahidi mare te mala reireghidi vido igre na, mare thokeni phei gobi nabotho phei mae. Eghuteuna mare rioriso soru nanghadi mae igre ka buka gna nodi vike na leghu nodi namono. Tifa na, King Devet ghe Profet Samuel, phiamare neke vahidi kuꞌedi mare re mala thofno fiofiloni gloku igne.

Ululahu Kronikols 9:26

Nu fati mae Livaet te batudi mae mala reireghi igre, mare mala fiofilodi chogho te au ke lamnagna nogna Sugablahi God na, eghuteuna mare jaola fiofilodi glepo te lilisei hatimare mae pris ka chogho igre.

Ululahu Kronikols 9:17

Igre mae greireghigna Sugablahi teke pulo mei Jerusalem re: Mae Salum, mae Akub, mae Talmon, mae Ahiman, baludi mae kheradire. Mae Salum gne nodi lida mare na.

Levitikas 6:21

Flaoa igne ngigno balu oliv oel eghuteuna frae. Nguanguja bret igne eghuteuna atha mei jateula fafara te keli tagna Lord ka sisirigna na ra eghu.

Levitikas 2:7

Jame kaisei mae ka ghotilo magnahaghei te atha te mei ka iara flaoa teke kuki ka suspen, mana kulu ngigno famane flaoa balu oliv oel.

Levitikas 2:5

Jame kaisei mae ka ghotilo magnahaghei te atha te mei ka iara flaoa teke gahu ka fraepan, mana ngigno famane flaoa te theo isi tagna na balu oliv oel.

Jenesis 19:3

Nu mae Lot ne toredi fara phia mare mala tei ka nogna suga na. Aonu phia mare ne leghuni mana ne tei ka nogna suga mana na. Mae Lot ne chekedi nogna mae gloku re ne kuki bret te theo isi gna na ne tarabana mala ima phia mare.

Ululahu Kronikols 23:29

Nodi gloku mare te mala fiofilodi bret blahi te lilisei mae pris ka Tevo Blahi na. Eghuteuna mare mala fiofilodi flaoa teke gahu hatimare mae pris gre mala fafara, nei bret te theo isigna, nei bret teke gahu mare ka biti. Eghuteuna leuleghu fata na mare skel gobigna nafnata glepo te mala fafara igre.

Levitikas 6:14

Lord ne cheke eghu ka mae Moses, “Igne vetula eidi flaoa te edi ka famane wit. Mae pris thugna mae Eron igre mala atha fajifla keha famane flaoa ka khamegna na eghuteuna ngigno balu oliv oel nei insens, eghuteuna pala mei ke ulu olta mala tusu mei ka iara. Aonu mana ginauna gnubra ke kligna olta mala laseni mae igne te tusu mei ka iara na, eghuteuna sisirigna glepo blahi igne iara Lord keli taguni fara.