Ululahu Kronikols 9:3 - Buka Blahi Ka Cheke Holo

³ Kehare ka vikegna mae Juda, kehare ka vikegna mae Benjamin, kehare ka vikegna mae Efrem, nei kehare ka vikegna mae Manase, mare mei ne au Jerusalem.

Ululahu Kronikols 9:3 ပူးပေါင်းရင်းမြစ်များ

Nehemaea 11:1

Aonu ka narane igre, mae lida di Israel igre mei ne au Jerusalem, eghuteuna keha naiknore ne lalahu khale mala laseni gaoghathogna God na, tharakna aheva gne nate tei au ka namono blahi igne. Ka nabotho tharakna igre, mare vavahi kaisei tharakna mala tugha tei ka namono, eghuteuna keha nhevai tharakna re au kolho ka nodi namonore.

Fapea Kronikols 30:11

Nu keha naikno ka vikegna Asa, nei keha naikno ka vikegna Manase, nei keha naikno ka vikegna Sebulun eghu ne au faparidi thedi ne mei Jerusalem.

Fapea Kronikols 11:16

Nu keha naiknodi Israel te au mata igre magnahaghei fara te tarai ka nodi Lord God. Aonu mare jifla Israel ne mei leghudi hatimare mae pris nei hatimare mae Livaet ne mei Jerusalem mala tangomana mare te tarai nei fafara teu ka Lord nodi God kuꞌedi tifa ra.

Ululahu Kronikols 9:4

Namno gobi nhevasalei naiknodi Juda neke pulo mei Jerusalem. Mae igre vikedi mae Peres, mae Sela nei mae Sera. Mae igre neke thilo thugna mae Juda. Mae teke funei ka vikegna mae Peres na neke mae Utae. Mae Utae igne thugna mae Amihud. Mae Amihud gne thugna mae Omri. Mae Omri gne thugna mae Imri. Mae Imri gne thugna mae Bani, thugna mae Peres. Eghuteuna mae teke funei ka vikegna mae Sela na, mae teke kulu karha ka mana na, mae Asaea nei thugna mana re. Eghuteuna mae teke funei ka vikegna mae Sera na, neke mae Juel.

Ululahu Kronikols 8:28

Ka susureigna vike igne te laseni mae igre te mae mala baubatu ka vikegna mae Benjamin te au Jerusalem.