Ululahu Kronikols 9:22 - Buka Blahi Ka Cheke Holo

²² Mare te gnafa teke vahidi mare te mala reireghidi vido igre na, mare thokeni phei gobi nabotho phei mae. Eghuteuna mare rioriso soru nanghadi mae igre ka buka gna nodi vike na leghu nodi namono. Tifa na, King Devet ghe Profet Samuel, phiamare neke vahidi kuꞌedi mare re mala thofno fiofiloni gloku igne.

Ululahu Kronikols 9:22 ပူးပေါင်းရင်းမြစ်များ

Ululahu Samuel 9:9

Mae Sol ne cheke eghu, “Keli fara. Tapa na tei ka mae igne mala filoni kaisei mifi.” Mana cheke eghu naugna ka narane igre, naiknore kilodi mae profet gre mae khaekae. Eghuteuna kate magnahaghei laseni unha ka God na, mare tangomana te cheke eghu na, “Tahati na tei ka mae khaekae.” Aonu phiamare ne tei ka namono aheva te au teu mae te mala chekeni chekegna God na.

Ululahu Kronikols 28:13

Eghuteuna king jaola neke cheke ka mana nogna gaoghatho mana te mala lilisei mae pris nei mae Livaet teu igre ka tothoghei te mala loku ka Sugablahi na. Eghuteuna mae Devet jaola ne cheke ka mae Solomon unha te mala eni mare ka Sugablahi igne, nei faꞌunha eghu mare te mala fiofilodi glepo blahi te mala loku ka Sugablahi igne.

Nehemaea 12:44

Ka narane igne, mare ne vahini kaisei tothoghei ka hatimare mae Livaet mala fiofiloni chogho stoa ka Sugablahi na. Jare te lilisei mare gano majaghani teke hata mei ka nagare nei fabothodi nodi gobigna lepore teuna. Glepo igre maladi hatimare mae pris nei hatimare mae Livaet, ka puhi igne mare tangomana te au ghedi gano nei glepo teuna, leghuni unha te chekeni ka nogna Vetula God na. Mae Livaet igre, mare jifla tei ka nagare te au faligoho ka namono na igre mala salo glepo igre, nei hata mei ka chogho te mala lilisei glepo ka Sugablahi na. Naiknodi Juda igre thofno kelitadi fara te eni igne, naugna mae pris nei mae Livaet teu igre mare loku fakeli fara.

Nehemaea 11:36

Keha tothoghei ka mae Livaet igre kuꞌedi tifa re neke au ka nohi Juda, mare gognarona magnahaghei te tei au baludi naikno te au ka nohi Benjamin.

Fapea Kronikols 31:18

Mare tufa gobigna lepo igre leghuni thura teke rioriso soru mare nanghadi mae Livaet balu khetodi nei thudi teure. Mae Livaet igre mare fagaedi thedi fabrahu nei tarabana mala loku ka nogna Sugablahi Lord.

Fapea Kronikols 31:15

Namno mae Livaet ne toghoni mae Kore mala tufa gano ka mae pris te au ka namonodi mae pris. Nanghadi namno mae Livaet igre, mae Iden, mae Miniamin, mae Jesua, mae Semaea, mae Amaraea, nei mae Sekanaea. Mare te tufa gano te tei leghu tharaknadi mae pris, neuba mae pris igre ne kuekuꞌe ba mae majaghani.

Ululahu Kronikols 28:21

Hatimare mae pris nei hatimare mae Livaet tarabana mala eni nodi gloku na ka Sugablahi igne. Eghuteuna mae te gnafa te lasedi thua nafnata gloku igre ginauna togho nigho iagho. Uve, mae funei nei mavitu teu igre, mare te gnafa na tarabana mala edi gobigna lepo nate chekedi iagho re.”

Ululahu Kronikols 9:31

Kaisei mae Livaet nanghagna na mae Matitaea, mana gahu bret blahi mala tusu lao ka Lord. Mae Matitaea gne neke thugna ululahu mae Salum ka vikegna mae Kora.

Ululahu Kronikols 9:16

Eghuteuna mae Obadaea thugna mae Semaea. Mae Semaea gne thugna mae Galal mae ihei teke karha ka mae Jetutun. Eghuteuna mae Berekaea thugna mae Asa. Mae Asa gne thugna mae Elkana. Vikegna mana na au ka namono Netofa.

Ululahu Kronikols 9:23

Eghume iheire te karha mei ka vikedi mae igre na, mare reireghini fabrahu grengatha te mala tei ka nogna Sugablahi Lord na.

Fapea Kronikols 23:19

Eghuteuna mana lilisei mae greireghi ka grengatha gna Sugablahi na, mala tangomana mare te lhotini ihei te theome gae ka tathagna Lord na te ruma lamna na.

Ululahu Kronikols 29:29

Thoutonu eidi unha teke edi King Devet funu kate king mana te ghilei lehe na, mare rioriso soru ka buka te kiloi Nogna Thoutonu Profet Samuel, Nogna Thoutonu Profet Natan nei Nogna Thoutonu Profet Gad.