Ululahu Kronikols 9:16 - Buka Blahi Ka Cheke Holo

¹⁶ Eghuteuna mae Obadaea thugna mae Semaea. Mae Semaea gne thugna mae Galal mae ihei teke karha ka mae Jetutun. Eghuteuna mae Berekaea thugna mae Asa. Mae Asa gne thugna mae Elkana. Vikegna mana na au ka namono Netofa.

Ululahu Kronikols 9:16 ပူးပေါင်းရင်းမြစ်များ

Nehemaea 11:17

Mae Matanaea thugna mae Mika gne, tharaknagna mana na igne: mae Sabdi, mae Asaf. Mae Matanaea igne, mana lida ka khoje ka nogna Sugablahi God, mala koje cheke fakelini God ka tharai. Mae Bakbukaea gne, mana fapea lida ka khoje. Mae Abda thugna mae Samua, gragna mae Galal, vikegna mae Jedutun.

Nehemaea 7:26

Eghuteuna keha naikno teke pulo ka nodi namono re igre: Betlehem nei Netofa: kaisei gobi nhanasalei nhanai.

Fapea Kronikols 35:15

Ka narane gaghamu igne, vikegna mae Asaf igre te mala koje na. Mare kegra ka nodi vido na leghuni unha teke chekeni King Devet, nei mae Asaf, nei mae Heman, nei mae Jedutun nogna profet king. Eghuteuna mae te mala reireghigna grengatha gna Sugablahi igne mare theome tangomana te jifla kokoni vido igne, naugna keha mae Livaet gre mare tarabana gano malagna Ghasa-Polho igne.

Ululahu Kronikols 25:6

Mae igre loku ke parigna mae Heman, eghuteuna mare belo nei lalahu thua nafnata gita ka narane te tarai mare ka God ka nogna Sugablahi Lord na. Thilo mae igre loku ke parigna king: Mae Asaf, mae Heman nei mae Jedutun.

Ululahu Kronikols 25:3

Namno thugna nalhaꞌu mae Jedutun te au ka fapea tothoghei na igre: Mae Gedalaea, mae Seri, mae Jesaea, mae Simei, mae Hasabaea, nei mae Matitaea. Mae igre loku ke parigna mae Jedutun, eghuteuna mare lalahu gita, ragi nei koje mala cheke fakelini Lord nei tegioni mana.

Ululahu Kronikols 25:1

King Devet baludi nodi lida hatimare mae Livaet, mare ne vahini tharaknagna mae Asaf, nei tharaknagna mae Heman nei tharaknagna mae Jedutun mala baubatu ka khoje. Mare neke cheke fakelini God ka gragi nei koje, nei ka belo nei ka thua nafnata gita. Nanghadire igre:

Ululahu Kronikols 12:25

Ka vikegna mae Simion, mare au fitu thogha, kaisei gobi soldia tarabana mala tei ka magra.

Ululahu Kronikols 2:54

Mae Salma igne neke kuꞌedi naikno te au ka namono Betlehem, naikno te au Netofat, naikno te au Atro-Betjoab, vike te au Sora nei vido vike te au Manahat.

Ululahu Kronikols 9:15

Eghuteuna mae Bakbaka, mae Heres, nei mae Galal. Eghuteuna mae Matanaea thugna mae Mika. Mae Mika gne thugna mae Sikri ka vikegna mae Asaf.

Ululahu Kronikols 9:17

Igre mae greireghigna Sugablahi teke pulo mei Jerusalem re: Mae Salum, mae Akub, mae Talmon, mae Ahiman, baludi mae kheradire. Mae Salum gne nodi lida mare na.