Ululahu Kronikols 9:1 - Buka Blahi Ka Cheke Holo

¹ Igre nanghadi hatimare mae Israel te gnafa teke rioriso mare ka buka eidi hatimare mae King di Israel.

Ululahu Kronikols 9:1 ပူးပေါင်းရင်းမြစ်များ

Nehemaea 7:64

Mae pris igre mare hirodi nanghadi vikedi re ka buka nangha igne, nu mare theome tangomana te filodire. Eghume mae biꞌodi mae pris igre theome snakredi mare te eni nogna gloku mae pris na.

Nehemaea 7:5

Naugna igne God neke tusu mei kaisei gaoghatho ka iara mala kilo meidi mae biꞌo baludi mae iheire te baubatu, nei keha naikno langau eghu mala rioriso nanghadire ka buka. Kate magnahaghei eni iara igne, iara ne filoni kaisei buka te au nanghadi tothoghei ulu lahu te jifla Babilonia teke pulo mei Juda. Igne unha te filoni iara te rioriso ka buka igne na:

Esra 2:59

Keha naikno teke figri funu Babilonia igre tharakna neke au tifa ka namono Tel-Mela, nei Tel-Hasa, nei Kerub, nei Adon, nei Ima. Nu naikno igre theome thofno lasedi neke tharaknadi Israel teure.

Profet Daniel 1:2

God neke snakreni king Nebukadnesa neke uluni King Jehoakim. Aonu King Nebukadnesa ne hata famane glepo teke mala loku mare ka sugagna God na. Mana hata glepo ka sugagna God na igre ne tei nhaꞌa fodu baludi nogna gobigna lepo te keli thegnare ka sugagna nogna god thegna na.

Profet Jeremaea 39:9

Komanda Nebusaradan atha naikno teke au faleghu teku ka namono na baludi naikno teke snakre laodi thedi ka khamedi mae soldia re eghu atha ne tei Babilonia.

Fapea Kronikols 33:11

Aonu Lord ne snakredi komandadi armi gna Asiria mala mei magra ka mare. Mare ne lokini Manase, ne fachakhi lao thagho ka nehugna mana na. Mare haruni mana chen teke horo ka bras, eghuteuna mare hatani mana ne tei Babilon.

Ululahu Kronikols 8:40

Thugna mae Ulam igre, mare thofno mae soldia keli fara, eghuteuna mare lase fada ka phaloho. Vike igne kaisei gobi glimafulu mae. Mae igre kafe vikegna mae Benjamin.

Ululahu Kings 14:19

Keha glepo teke edi King Jeroboam kani teke funei fruni, nei magra teku teke edi mana igre, mare neke rioriso ka Buka Eidi Glepo Teke Edi Hatimare Mae King Di Israel.

Fapea Kings 24:14

Eghuteuna King Nebukadnesa ne hata naikno te gnafa Jerusalem, baludi mae biꞌo, mae komanda, mae iheire te lase loku ka aean ba thaba. Khaputudi naikno igre thokeni nabotho thogha. Naikno te kuma re kolho te au fapulo ka kantri Juda.

Fapea Kings 24:15

Mae Nebukadnesa hata King Jehoiakin ne tei sosolo Babilonia, balu idogna, khetogna re, goro mae biꞌo ka sugagna nei mae nafnaknodi Jerusalem.

Fapea Kings 24:16

Mana jaola ne hata fitu thogha soldia nei kaisei thogha mae te lase loku ka aean nei thaba.

Esra 2:1

Igre nanghadi naikno teke sosolo mala teke jifla ka provins igne Babilonia mala ke figri ka nodi namono Jerusalem nei keha namono ka provins Juda. Mare neke au sosolo Babilonia funu ka narane teke haghe nogna armi Nebukadnesa na neke hata fajifladi ka nodi namono re neke tei au Babilonia.

Nehemaea 11:1

Aonu ka narane igre, mae lida di Israel igre mei ne au Jerusalem, eghuteuna keha naiknore ne lalahu khale mala laseni gaoghathogna God na, tharakna aheva gne nate tei au ka namono blahi igne. Ka nabotho tharakna igre, mare vavahi kaisei tharakna mala tugha tei ka namono, eghuteuna keha nhevai tharakna re au kolho ka nodi namonore.

Profet Isaia 3:2

Mana ginauna jaola hata fadelei mae funeidi armi baludi mae te graju ka magra nei hatimare mae soldia, goro mae biꞌo ka gavman, mae mala fate, mae profet nei mae mala batuni king ka gaoghatho te keli, hatimare mae kastom baludi mae glalase, nei mae iheire te lase edi glepo te keli.

Profet Jeremaea 13:19

Mare la bobothohi grengathadi namono biꞌo ka nohi Negev ke mata Juda, eghuteuna theo kaisei naikno na teke tora na. Naugna mae naokare la mei athahi naiknodi Juda ra mala tei sosolo ka keha kantri delei.