Ululahu Kronikols 8:34 - Buka Blahi Ka Cheke Holo

³⁴ Mae Jonatan gne kmagna mae Merib-Baal, keha nanghagna na Mefiboset. Eghuteuna mae Merib-Baal gne kmagna mae Maeka.

Ululahu Kronikols 8:34 ပူးပေါင်းရင်းမြစ်များ

Fapea Samuel 9:12

Mae Mefiboset ne au kaisei thugna nalhaꞌu, nanghagna na Mika, eghuteuna naikno te gnafa ka vikegna mae Siba igre ne loku ranghini mae Mefiboset.

Fapea Samuel 4:4

Mae Jonatan thugna mae king Sol igne au kaisei thugna nalhaꞌu. Nanghagna na mae Mefiboset. Mana glima finogha gna kolho funu karhagna te mei nonomho funu Jesrel glehedi mae Sol ghe mae Jonatan. Gaꞌase te reireghini mana na papani mana ne rikha. Nu kate nanga nogna fara naꞌa te rikha na, mana uka ne klopa phei gahegnare. Aonu mana blughu ne theome tangomana te nonolo na.

Fapea Samuel 9:10

Eghuteuna iagho baludi thumu nei nou mae gloku teura, ghotilo mala loku nagare, nei hata mei gano ka nagare tuare eghu ranghini mana. Eghume ka puhi igne vikegna mae Sol igre ginauna au ghedi gano. Nu mae Mefiboset gne ginauna mei ima balugu iara koba.” Nu mae Siba gne au nabotho thugna nalhaꞌu, nei varadaki mae gloku.

Fapea Samuel 9:6

Mae Mefiboset gne thugna mae Jonatan, thugna mae Sol. Kate mei ka sugagna gna king na, mana pogho soru ke ulugna king Devet ne fafnaknoni mana. Aonu mae Devet ne ghusna eghu ka mana, “Iagho mae Mefiboset?” Mana ne cheke eghu, “Uve, iara nou mae gloku iagho.”

Ululahu Kronikols 8:33

Mae Ner na kmagna mae Kis, eghuteuna mae Kis na kmagna mae Sol. Mae Sol neke au fati thugna nalhaꞌu, mae Jonatan, mae Malkisua, mae Abinadab, nei mae Es-Baal.

Ululahu Kronikols 8:35

Mae Maeka ne au fati thugna nalhaꞌu, mae Piton, mae Melek, mae Tarea nei mae Ehas.

Ululahu Kronikols 9:40

Mae Jonatan gne kmagna mae Merib-Baal, keha nanghagna na Mefiboset. Eghuteuna mae Merib-Baal gne kmagna mae Maeka.