Ululahu Kronikols 7:27 - Buka Blahi Ka Cheke Holo

²⁷ Mae Nun ne karha ka mae Elisama. Eghuteuna mae Josua neke karha ka mae Nun.

Ululahu Kronikols 7:27 ပူးပေါင်းရင်းမြစ်များ

Naba 13:16

Igre nabotho phei mae teke kuru tei mae Moses mala tei filoni vido Kenan na. Eghuteuna mana neke tughu nanghagna Hosea thugna mae Nun na, ne kiloni mana Josua.

Naba 13:8

Ka vikegna mae Efrem na, mana ne vahini mae Hosea, thugna mae Nun.

Eksodas 24:13

Aonu mae Moses ghe mae Josua ne tarabana ne jifla ne tei, eghuteuna mae Moses ne haghe ka nogna thogele God na.

Hibru 4:8

Te laseni tahati na mae Josua neke theome batudi kuꞌeda tahati re neke tei ka vido mala gnafa na, mala gnafa balugna God. Tahati laseni igne naugna ke leghugna igne God neke cheke eigna keha narane nate mei ginauna.

Mae Khuru 7:45

Ke leghu, mae Josua na neke batudi mae ku'edara neke tei magra hatini namono majaghani na ka keha vike teke kulu au jare na. God toghodi mare ne brue fadeleidi naikno bongihehe tuare mala ke ruma haghe ka namono tuana vikeda tahati ra. Kate tei vikeda tahati re ka namono majaghani igne, mare ne hata baludi suga tapuale igne. Mare neke hata ka mae kmadire suga tapuale igne, eghuteuna tathaji meu me ghilei thokeni narane gna mae King Devet.

Diutronomi 31:23

Aonu Lord ne cheke eghu ka mae Josua, “Rheta gaoghathomu na nei kegra maku fabrahu eghu. Iagho ngala ginauna batudi tei naiknodi Israel ka glose aheva teke nhaꞌa cheke hi iara mala tusu ari ka ghotilo teku ia. Eghuteuna iara ginauna au balumi ghotilo.”

Naba 27:18

Aonu Lord ne cheke eghu ka mana, “Mae Josua, thugna mae Nun, nolaghi gna nogu Tharunga te Blahi iara na te au balugna mana na. Iagho ginauna tathalei teini mana ka tathadi naiknore nei ka mae pris Eleasa, eghuteuna habo lao khamemu na ka phaꞌu mana na mala taraini. Eghuteuna iagho ginauna cheke ka tathadi naiknore eigna mana teke tughu nigho iagho na.

Naba 14:6

Nu mae Josua ghe mae Caleb teke tei filoni kantri Kenan, phiamare ne diꞌa nagnafadi ne rerheku nodi pohe thedire.

Naba 11:28

Mae Josua thugna mae Nun mae ihei teke toghoni mae Moses kani majaghani gna teku na, mana tei ka mae Moses ne cheke eghu, “Nogu mae velepuhi ia, chekedi mare mala kmu!”

Eksodas 32:17

Josua neke balugna Moses ka teke soru mana funugna holo ka thogele ro, eghuteuna mae Josua ne nomhidi naogladi naikno te eha fabiꞌo re, aonu mana ne cheke eghu ka Moses, “Iara ne nomhidi naogladi re jateula mae naoka te mei te magra ka naikno tahati ra eghu!”

Ululahu Kronikols 7:26

Mae Ladan ne karha ka mae Tahan. Mae Amihud ne karha ka mae Ladan. Mae Elisama ne karha ka mae Amihud.