Ululahu Kronikols 6:53 - Buka Blahi Ka Cheke Holo

⁵³ Mae Ahitub gne neke kmagna mae Sadok. Mae Sadok gne neke kmagna mae Ahimas.

Ululahu Kronikols 6:53 ပူးပေါင်းရင်းမြစ်များ

Fapea Samuel 8:17

Mae Sadok thugna mae Ahitub ghe mae Ahimelek thugna mae Abiata, phiamae igre mae pris. Mae Seraia, mae mala rioriso soru chekegna king.

Profet Esikiel 44:15

Lord God ne cheke eghu, “Neuba naiknodi Israel igre ne tei koko ghau iara, hatimare mae Livaet teke karha mei ke leghu ka vikegna Sadok igre faꞌuve ghau iara te mala loku ka nogu Sugablahi iara na. Mare loku ranghi ghau iara jateula pris eghu. Mare mala mei namo ka iara mala hata mei fafara ka nogu Sugablahi iara na. Mare mala hata mei garofadi nei dadaradi eghu buluka mala fafara mei ka iara. Tutuani, iara Lord God neke chekeni igne.

Ululahu Kronikols 24:31

Mae biꞌodi tharakna te gnafa nei thabusidi mare te majaghani igre eghu ne lalahu khale mala laseni nodi gloku mae igre jateula te edi mare ka kheradi pris ka tharaknagna mae Eron tifa ra. King Devet, Pris Sadok, Pris Ahimelek, nei mae biꞌo ka tharaknadi hatimare mae pris, nei hatimare mae Livaet, mare te gnafa na ne filoni te lalahu khale mare igne.

Ululahu Kronikols 24:3

Ka narane te king mae Devet igre, mana magnahaghedi nodi gloku mae pris gre te famane doglo fara, aonu mana ne fofota mae pris igre ka nodi soasopai tothoghei. Eghuteuna Pris Sadok ka tharaknagna mae Eleasa ghe Pris Ahimelek ka tharaknagna mae Itama, phia mae igre ne toghoni mae Devet kate fofotadi mare na.

Ululahu Kronikols 23:16

Thugna ululahu mae Gesom na mae Sebuel.

Ululahu Kronikols 12:28

Eghuteuna mare jaola ne hata mae Sadok mae ihei te mae nheta tulao ka magra, eghuteuna mana hata ne mei balugna varadaki phei nogna mae lida.

Ululahu Kronikols 6:8

Mae Ahitub neke kmagna mae Sadok, eghuteuna mae Sadok neke kmagna mae Ahimas.

Ululahu Kings 4:4

Mae Benaea thugna mae Jehoeada, mana mae komanda gna armi. Sadok ghe mae Abiata, phiamare mae pris.

Ululahu Kings 2:35

King ne liliseini mae Benaea thugna mae Jehoeada mala komanda ka nogna armi na tughuni mae Joab. Eghuteuna pris Sadok tughuni mae Abiata.

Ululahu Kings 1:34

Jare ghopa pris Sadok ghe profet Natan ra tofa oel ka phaꞌugna mae Solomon mala king gna Israel. Ke leghugna igne, ghotilo kufli nei thagru eghu fabiꞌo, ‘King Solomon, iagho king fabrahu tifa tifa!’

Ululahu Kings 1:26

Nu mana theome kilo ghau iara nou mae gloku gne, ba mae Pris Sadok, ba Benaea thugna mae Jehoeada, ba thumu iagho mae Solomon.

Ululahu Kings 1:8

Nu pris Sadok, Benaea thugna mae Jehoeada, profet Natan, Simei, Rei nei kaisei mae biꞌo te mala reireghini King Devet igre ne theome phile ka mana.

Fapea Samuel 20:25

Mae Seva mala rioriso soru nogna cheke king. Mae Sadok ghe mae Abiata phei mae pris.

Ululahu Samuel 2:35

Iara ginauna na vavahi kaisei mae pris, mae ihei nate ghatho tahu ghau iara na, eghuteuna mana ginauna na tangomana nate edi unha te magnahaghedi iara re. Iara ginauna fablahini mana mala au kmana thugna. Eghuteuna mae ka tharaknagna mana igre ginauna mala pris fabrahu, eghuteuna mala toghoni mae ihei nate vahini iara te mala mae king na.

Ululahu Kronikols 6:52

Mae Serahaea gne neke kmagna mae Meraeot. Mae Meraeot gne neke kmagna mae Amaria. Mae Amaria gne neke kmagna mae Ahitub.

Ululahu Kronikols 6:54

Kate tufa namono na mae mala baubatu ka vikegna mae Livae igre, mare ne vavahi vikegna mae Eron gne mala kulu hata namono. Mae Eron gne vikegna mae Kohat.