Ululahu Kronikols 5:8 - Buka Blahi Ka Cheke Holo

⁸ mae Bela thugna mae Asas. Mae Asas gne neke thugna mae Sema ka vikegna mae Joel. Vikegna mae Joel igre, mare au ka nohi rhegna namono Aroa. Nodi vido glose mare na funu ka vido igne tei posa Nebo nei Baal-Meon.

Ululahu Kronikols 5:8 ပူးပေါင်းရင်းမြစ်များ

Ululahu Kronikols 5:4

Vikegna mae Joel re igre: Mae Joel gne neke kmagna mae Semaea, eghuteuna mae Semaea gne neke kmagna mae Gog, eghuteuna mae Gog gne neke kmagna mae Simei, eghuteuna mae Simei gne neke kmagna mae Maeka, eghuteuna mae Maeka gne neke kmagna mae Rehaea, eghuteuna mae Rehaea gne neke kmagna mae Baal, eghuteuna mae Baal gne neke kmagna mae Bera. Mae Bera gne kaisei mae mala baubatu ka vikegna mae Ruben. Nu king Tiglat-Pilesa maegna Asiria igne mei neke lokini mana hata ne tei Asiria.

Naba 32:38

Nebo, Baal-Meon, nei namono Sibma. Kate edi te gnafa mare namono igre, mare neke tughu nanghadi namono re.

Naba 32:34

Aonu vikegna mae Gad re neke eni fakeli gringni thina biꞌo te bara ligohodi namono Dibon, Atarot, Aroa,

Profet Esikiel 25:9

Eghume iara ginauna snakredi mae naokare mala mei magra ka namono te rheta te au rhegna nohigna kantri Moab. Mare ginauna goigoni famane namono Bet-Jesimot, nei Baal-Meon, nei Kiriataem te au ka nohi te fofotagna kantri igne.

Profet Isaia 17:2

Eghuteuna namono Aroa igne baludi namono te gnafa te au falithui igre ginauna krogha. Ginauna sipu nei nanigot eghu kolho nate ghamu tafri teu ka namono igne. Eghuteuna theo kaisei naikno nate au teu jare te mala famamhaghudire.

Profet Isaia 15:2

Naikno ka namono Dibon igre tei ka vido mala tarai na mala diꞌanagnafa nei tanhi eghu. Naiknodi Moab igre tanhi fabiꞌo ke kligna thogele Nebo nei ka namono Medeba. Mare ghoighori phaꞌudi nei gremohodi teure, naugna mare ne thono diꞌanagnafadi fara.

Josua 13:17

Kmana namono au ka sare igne. Namono igre Hesbon, nei Dibon, nei Bamot-Baal, nei Bet-Balmeon,

Diutronomi 34:1

Aonu mae Moses jifla ka sare biꞌo Moab ne tei apla ka thogele Pisga, eghuteuna mana haghe kligna ka thogele Nebo ka keha phile Khoꞌu biꞌo Jordan funu Jeriko. Kate au teu jare na, Lord ne fakakhana ka mana glose te gnafa ke lamna nohi Kenan. Mana fakakhana vido te gnafa funu ka nohi Gilead ke maghati Jordan tei posa ke raru Dan.

Diutronomi 32:49

“Iagho tei ka nohi Moab, ka keha phile Khoꞌu biꞌo Jordan ka namono Jeriko. Eghuteuna jare, iagho tei apla ka thogele Nebo, eghuteuna iagho ginauna filoni namono Kenan nate tusu lao iara ka naiknodi Israel.

Josua 12:2

Kaisei na mae Sihon nodi king mae Amo. Mae igne au ka namono biꞌo Hesbon. Fofotagna kantri te funei fruni mana igne, funu ka namono Aroa rhegna sare khoꞌu Anon tei posa ka khoꞌu Jabok. Khoꞌu Jabok igne nohi te fotadi namono biꞌo Aroa ghe nohi Amon. Igne atha kaisei vido ka nohi Gilead.