Ululahu Kronikols 5:26 - Buka Blahi Ka Cheke Holo

²⁶ Aonu nodi God mae Israel igne ne nhaꞌa lao gaoghatho te diꞌa ka mae Pul, king gna Asiria mala tei magra ka mare. Mare jaola kiloni mae king igne, mae Tiglat-Pilesa. Mana hata naiknore ne tei au ka thilo namono, Hala, Haboa, nei Hara, rhegna khoꞌu biꞌo Gosan. Mare au jare funu ka narane tuana ghilei posa ka narane igne.

Ululahu Kronikols 5:26 ပူးပေါင်းရင်းမြစ်များ

Fapea Kings 15:19

Ka narane tuare, King Pul gna Asiria ne mei Israel mala magra ka mare. Nu King Menahem ne tusu lao tolufulu fati thogha kilo silva ka King Pul, keha nanghagna mana na, mae Tiglat-Pilesa, mala snakreni mae Menahem te mala funei fruni di naiknodi Israel.

Fapea Kings 17:6

Ke lamnadi nheva finogha te funei King Hosea Israel igre, king gna Asiria ne uluni namono biꞌo Samaria, aonu king gna Asiria igne huhurudi naiknodi Israel igre hata ne tei ka nogna kantri na. Kehare au ka namono Hala, kehare au rhegna khoꞌu biꞌo Habor ka nohi Gosan, eghuteuna kehare ka namono Media.

Fapea Kings 15:29

Ka narane tuare, King Tiglat-Pilesa gna Asiria mei ne magra Israel. Mana uluni magra igne ne hata namono igre: Ijon, Abel-Bet-Maka, Janoa, Kedes, Haso. Mana jaola ne uludi namono te au ka thilo nohi Gilead, Galili nei ka nohi Naftali, eghuteuna mana hata naiknore ne tei Asiria.

Fapea Kings 18:11

King gna Asiria ne hata naiknodi Israel igre ne tei ka nogna kantri na. Kehare tei ne lilisei ka namono Hala, kehare ka provins Gosan ka khoꞌu biꞌo Habor, eghuteuna kehare ka namono Media.

Profet Isaia 37:12

Kuꞌegu iara tifa ra neke roꞌedihi namono biꞌo Gosan, Haran, nei Resef, neke falehedi naiknodi Eden teke au Telasa ra. Nodi god naikno igre neke theome tangomana teke fakarhidi mare na.

Fapea Kronikols 33:11

Aonu Lord ne snakredi komandadi armi gna Asiria mala mei magra ka mare. Mare ne lokini Manase, ne fachakhi lao thagho ka nehugna mana na. Mare haruni mana chen teke horo ka bras, eghuteuna mare hatani mana ne tei Babilon.

Fapea Kings 19:12

Kuꞌegu iara tifa ra neke roꞌedihi namono biꞌo Gosan, Haran, nei Resef, neke falehedi naiknodi Eden teke au Telasa ra. Nodi god naikno igre neke theome tangomana teke fakarhidi mare na.

Fapea Kings 16:7

King Ehas magnahaghei te tusu lao kaisei namha ka King Tiglat-Pilesa gna Asiria, mala mei mae king igne toghoni. Aonu mana ne hata silva nei gol teu teke au ka nogna Sugablahi Lord na, nei ka nogna suga thegna na teure ne fatei ka king baludi cheke igre, “King, iara nou mae gloku iagho, eghuteuna iara jateula thumu eghu iagho. Gognarona phei king di Siria ghe Israel gre phiamare mei magra ka iara. Mei fakarhi ghau.”

Fapea Samuel 24:1

Lord ne diꞌatagna ka naiknodi Israel. Aonu mana ne tusu lao gaoghatho ka mae Devet mala eꞌei puhi biꞌo ka mare. Lord ne cheke eghu ka mae Devet, “Iagho tei kaha naiknodi Israel ghe Juda.”

Esra 1:5

Ka narane tuare, Lord ne loku ka gaoghathodi naikno kmana mala ke figri ke babana nogna Sugablahi mana na. Aonu phaꞌu maedi vikegna Juda nei vikegna Benjamin, nei hatimare mae pris nei hatimare mae Livaet teu igre, mare tarabana mala ke figri Jerusalem.

Ululahu Kronikols 9:1

Igre nanghadi hatimare mae Israel te gnafa teke rioriso mare ka buka eidi hatimare mae King di Israel.

Fapea Kronikols 28:20

Aonu, kate toghoni King Ehas na, king gna Asiria igne mei ne ei puhi biꞌo ka mana.

Profet Isaia 37:18

“Lord! Tutuani fara king di Asiria te goigonidi kmana naikno ke lamnadi kantri igre.

Ululahu Kronikols 5:22

Kmana te aknu falehe mare na, naugna God neke toghodi vikegna mae Ruben, vikegna mae Gad nei vikegna mae Manase teu igre. Mare au neu jare ne ghilei thokeni narane te mei armi gna Asiria te khi jifladi ka nodi namono na.

Fapea Kronikols 30:6

King nei nogna mae biꞌore eghu neke riso tei ka namono te gnafa re neke cheke eghu: “Ghotilo naiknomi Israel teke karha teku ke leghugna narane teke mei goigoni ghita armigna Asiria ia. Ghotilo mala ke pulo mei ka Lord nogna God mae Ebraham, nei mae Isak nei mae Jekop. Jame teke pulo mei ghotilo ka mana na, mana ginauna nake pulo mei ka ghotilo.