Ululahu Kronikols 5:25 - Buka Blahi Ka Cheke Holo

²⁵ Naiknodi thilo vike igre theome ghatho tahuni nodi God mae kuꞌedi tifa ra. Mare ne funu tarai ka nodi mumuju god iheire teke roꞌedi God ka namono Kenan.

Ululahu Kronikols 5:25 ပူးပေါင်းရင်းမြစ်များ

Thakle 17:5

Ka greregna na jaola au kaisei nangha te theome laseni nga teu gaoghathogna na, ne cheke eghu, “Namono biꞌo Babilon, idodi thau vine te gnafa nei puhi chara te gnafa ka nauthoglu igne.”

Profet Hosia 1:2

Ka narane igre, God ne cheke eghu ka mae profet Hosia, “Iagho na tei tolaghi ka kaisei gaꞌase, eghuteuna gaꞌase igne ginauna theome ghatho tahuni puhigna tholaghi na. Eghuteuna thugnare ginauna jaola leghuni puhigna idodi na. Nafnata gaꞌase igne ginauna fakakhana puhidi naikno te tei koko ghau iara te tei tarai ka mumuju god igre.”

Eksodas 34:15

“Ghotilo thosei eni kaisei nhaꞌa cheke te mala au fakeli baludi naikno gna glose igne, naugna kate pogho soru te tarai nei fafara mare ka nodi god re teuna, mare ginauna kilo ghami ghotilo mala tarai baludi. Glahu ghamu ghotilo gano teke fafara lao mare ka nodi god re.

Profet Hosia 9:1

Ghotilo naiknomi Israel! Thosei gleale'a nei eꞌei gaghamu biꞌo eghu koba, jateula te edi mae bongihehe ra eghu. Naugna ghotilo gognaro na jateula thau vine te tei kokoni khetogna na ia eghu la tei kokoni noda God. Eghuteuna gaoghathomi ghotilo na, mumuju Baal igne nate togho ghami te mala au ghemi kmana gano na eghu.

Jajis 8:33

Ke leghugna te lehe Gidion na, naiknodi Israel igre ne figri tagruni God. Mare jateula gaꞌase te tei leghuni nalhaꞌu te theome khetogna naꞌa na neu ne leghuni god te chaichaghi na. Mare ne fakegra haghe mumujugna Baal ne tarai ka Baal-Beri nodi god mare.

Jajis 2:17

Neuba, mare theome fanomho fakeli kolho ka mae lida igre. Eghuteuna mare tei leghudi kolho god chaichaghi igre jateula gaꞌase te tei leghuni nalhaꞌu te theome khetogna naꞌa na. Eghuteuna theome raugha mare theome leghudi puhidi kuꞌedi mare te keli teke thofno leghudi nogna cheke Lord ra.

Jajis 2:12

Lord ngala nodi God ku'edi mare ra, eghuteuna mana ngala teke atha fajifladi mare Ijep. Neuba ne eghu ngau, mare theome ghatho tahuni mana eghuteuna mare tarai ka nodi god naikno te au faligohodi mare. Aonu Lord ne thofno diꞌatagna fara ka mare.

Fapea Kings 15:19

Ka narane tuare, King Pul gna Asiria ne mei Israel mala magra ka mare. Nu King Menahem ne tusu lao tolufulu fati thogha kilo silva ka King Pul, keha nanghagna mana na, mae Tiglat-Pilesa, mala snakreni mae Menahem te mala funei fruni di naiknodi Israel.

Ululahu Kronikols 5:24

Igre nanghadi mae teke baubatu ka vike igre: Mae Efa, mae Isi, mae Eliel, mae Asriel, mae Jeremaea, mae Hodavaea, nei mae Jadiel. Mae igre mae soldia nheta, eghuteuna naiknore ghatho tahudi mare.

Ululahu Kronikols 9:1

Igre nanghadi hatimare mae Israel te gnafa teke rioriso mare ka buka eidi hatimare mae King di Israel.