Ululahu Kronikols 5:20 - Buka Blahi Ka Cheke Holo

²⁰ Eghuteuna mae soldia igre ne toreni God mala toghodi ka magra igne. Aonu God ne toghodi mare, naugna mare ne fatutuani ni mana. God ne lisa lao ka khamedi mare vikegna mae Hagri igre, nei iheire te gnafa teke balugna mana re.

Ululahu Kronikols 5:20 ပူးပေါင်းရင်းမြစ်များ

Nodi Khoje Hatimare Mae Jiu 9:10

Naikno te lase nigho re mare ginauna na fatutuani nigho. God, thosei figri tagrudi naikno te mei ka iagho te mala toghodi iagho re.

Fapea Kronikols 18:31

Aonu kate filoni King Jehosafat igne, nogna komanda king gna Siria igre gaoghathodi mare na ne king gna Israel neu nodini ne tei magra ka mana. Nu King Jehosafat ne eha fabiꞌo ka Lord, eghuteuna Lord ne toghoni mana. God brue teidi mare ne tei kokoni mana.

Ululahu Kronikols 5:22

Kmana te aknu falehe mare na, naugna God neke toghodi vikegna mae Ruben, vikegna mae Gad nei vikegna mae Manase teu igre. Mare au neu jare ne ghilei thokeni narane te mei armi gna Asiria te khi jifladi ka nodi namono na.

Josua 10:42

Ka narane tuare, Lord, nodi God maedi Israel igne ne toghodi mare mala uludi nei hata eghu nodi namono mae naoka igre.

Josua 10:14

Funu tifa te ghilei mei posa ka narane gognarogne, theo kaisei narane te jateula narane tuana teuna. Glepo igne neke eghu, naugna Lord neke nomhini nogna cheke naikno na neke toghodi maedi Israel ka magra.

Profet Nahum 1:7

Lord na thofno keli fara. Mana tangomana te reireghi fakelidi nogna naiknore ka narane te thoke mei puhi biꞌo ka mare na. Mana nodi vido keli mala poru iheire te fatutuani ni mana re.

Ululahu Kings 22:32

Aonu kate filoni mae komanda igre te mei mae king Jehosafat te pipichi ka famane pohe na, mae te magra ka hose igre gaoghathodi na jame igne ngala mae king gna Israel na neu ne tei magra ka mana. Nu King Jehosafat ne eha fabiꞌo,

Ululahu Samuel 19:15

Mare figri neke pulo cheke ka mae Sol, nu mana neke kuru fapulodi mare ne cheke faheta eghu, “Tei pala balu sape mei agne mala aknu falehe iara.”

Eksodas 17:11

Kate tusu haghe mae Moses khamegna re, hatimare mae Israel gre ne heta ghedi fara ne uluni u magra na. Nu kate lisei soru mae Moses khamegna re, hatimare mae Amalek gre neke funu uludi mae Israel gre.

Fapea Kronikols 20:12

Nomi God, paradi sagho mare. Ghehati theome nheta te mala magra ka armi biꞌo te mei magra ka ghehati igne. Ghehati theome laseni unha nate eni na, nu ghehati filo ari ka iagho kolho te mala togho ghami na.”

Ululahu Samuel 7:12

Eghuteuna ke leghu, mae Samuel ne lisei haghe kaisei thina biꞌo ka kaisei vido farihoteidi phei namono Mispa ghe namono Sanai. Eghuteuna mana kiloni thina igne Ebenesa, naugna mana neke cheke eghu, “Lord na togho ghita fabrahu la ghilei mei posa gognarogne.”

Efesus 1:12

Naugna igne, God neke vahi ghami ghehati mala fafnaknoni thegna ka iheire teke kulu fatutuani ni mae Kraes.

Nodi Khoje Hatimare Mae Jiu 46:1

God na taji ghita nei reireghi fakeli eghu ghita. Kate au tahati ka puhi te biꞌo na, mana au jare baluda mala togho ghita.

Jenesis 25:21

Nu khetogna mae Isak gne neke khara neke theo thugna kolho, aonu mae Isak gne neke tarai ka Lord eigna Rebeka. Lord neke cheke tughuni nogna tharai mae Isak na. Aonu Rebeka bukla ne au phei thugna nalhaꞌu.

Ululahu Kronikols 5:21

Mare ne hata glimafulu thogha kamel, phia gobi glimafulu thogha sipu, nei phei thogha dongki. Mare jaola ne hata kaisei gobi thogha naikno mala nodi naikno gloku.

Fapea Kronikols 33:13

Lord nomhini nogna tharai mana na ne kokhoni nognani, aonu Lord snakreni mana mala ke pulo funei fruni Jerusalem. Naugna igne King Manase thofno laseni te Lord ngala God na.

Esra 8:23

Eghume ghehati theome ghamu, eghuteuna ghehati tarai heta ka God mala reireghi fakeli ghami ka nabrou, eghuteuna God ne nomhidi nomi tharai ghehati re.

Nodi Khoje Hatimare Mae Jiu 37:40

Leuleghu fata na mana toghodi nei fakarhidi eghu naikno te doglo igre. Mana hata fajifladi ka khamedi mae te diꞌare, naugna naikno te doglo igre filo kolho ka Lord te mala toghodi na.

Profet Daniel 6:23

Kate nomhi igne, mae king ne thofno gleale'a fara ne cheke faheta ka nogna mae glokure mala korho hagheni mae Daniel ka khora na. Kate korho hagheni mare mae Daniel ka khora na, mare ne theome filoni kaisei nachrahi ba kaisei thona ka thinigna mana na. Naugna mana ne fatutuani ni God, eghuteuna lion gre theome tangomana te eni kaisei glepo te diꞌa ka mana na.

Jenesis 49:19

“Gad, naikno te magnahaghei te mei blau nou gobigna lepo iagho re ginauna na mei magra ka iagho. Nu iagho ginauna leghudi mare tei ka namonodire mala blau nodi glepore.

Josua 23:10

Jame kaisei thogha mae magnahaghei aknu falehe ghami ghotilo, kaisei mae ka ghotilo kolho nate ngolhidi mare na, naugna Lord phile balumi ghotilo jateula teke nhaꞌa chekeni mana ka ghotilo ia eghu.

Fapea Kronikols 13:18

Hatimare maedi Juda ne uluni armigna Israel, naugna mare ne fatutuani ni Lord nodi God kuꞌedi tifa ra.

Fapea Kronikols 26:7

Ka narane tuare, God ne toghoni mana mala uludi mana ka magra naiknodi Filistia, nei naiknodi Arab te au ka namono Gua-Baal nei naiknodi Meun.

Nodi Khoje Hatimare Mae Jiu 37:39

Lord na tangomana te fakarhidi iheire te au doglore kate thoke mei vido te ninhigrana. Mare tangomana te tei ka mana te mala reireghi fakelidire.

Proveb 29:25

Jame te mhaghuni iagho keha naikno na, namhaghu iagho igne jateula phighoro eghu haru famaku nigho. Nu te fatutuani heta iagho ka Lord na, iagho ginauna au fakeli.

Profet Jeremaea 39:18

Tutuani, iara ginauna fakarhi nigho. Iagho ginauna theome lehe ka naflahi, naugna iagho ne rouronu ghau iara fabrahu.’ ” Igne chekegna Lord.