Ululahu Kronikols 5:2 - Buka Blahi Ka Cheke Holo

² Neuba vikegna mae Juda igne ne rheta salaꞌudi keha vikegna mae Israel igre, eghuteuna king gna Israel na jifla mei ka vikegna mae Juda, nu vikegna mae Josep gne neke hata nogna nolaghi mae teke kulu karha na.

Ululahu Kronikols 5:2 ပူးပေါင်းရင်းမြစ်များ

Matiu 2:6

“ ‘Ghotilo naiknomi Betlehem, te au ka Provins Judia. Kaisei mae ka ghotilo mana ginauna na kaisei mae mala baubatudi naiknogna Israel jateula kaisei mae greireghi sipu te batudi nogna sipura eghu. Eghume, nomi namono ikoi ghotilo igne ginauna na kaisei namono ulu tulao ka Provins Judia.’ ”

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Hibru 7:14

Naugna tahati lasenihi, mae Jisas igne neke karha mei ka vikegna mae Juda. Eghuteuna mae Moses neke theome chekeni kaisei glepo eigna vike tuana kani teke cheke eidi mana hatimare mae pris.

Nodi Khoje Hatimare Mae Jiu 60:7

Namono Gilead gne nogu iara, eghuteuna namono Manase gne jaola nogu iara. Efrem gne namono mala audi nogu mae soldia iara re, eghuteuna nogu mae king iara re ginauna mei ka nohi Juda.

Nodi Khoje Hatimare Mae Jiu 108:8

Nohi Gilead ghe Manase igre nogu iara. Nohi Efrem te jateula khepi mala magra teu igne nei nohi Juda te jateula nogna khodo mae King teu igne iara te loulokugna na.

Thakle 5:5

Nu kaisei mae biꞌo ka khiloau na ne cheke eghu ka iara, “Ghema, thosei tanhi. Filo sagho! Igne lion ka vikegna mae Juda. Mana neke karha mei ka vikegna mae King Devet mala baubatudi vikegna mae Juda, eigna mana la tapla sorudihi nogna naokare kau magra na. Eghume, mana nabagna te hata koko fitu loke igre te mala tothora pepa na.”

Letas Teke Riso Tei Mae Pol Ka Khiloau Rom 8:29

Eghuteuna naikno teke vavahi God tifa re, mana jaola magnahaghedi mala nanaba balugna Thugna, mae Jisas Kraes. Ka puhi igne, Thugna God, mae Jisas Kraes na tangomana te au jateula mae teke kulu karha eghu ka hatimare mae thabusigna goro thugna God.

Fapea Samuel 8:15

Mae Devet ne funei frunidi vido te gnafa Israel, ne edi unha te keli nei doglo eghu ranghidi nogna naiknore.

Ululahu Samuel 16:12

Aonu mae Jesi ne leghuni chekegna mae profet igne ne kuruni kaisei mae ne tei atha meini mana. Mana kaisei mae famane nalhaꞌu, mae nheta nei keli fara filogna na eghu. Aonu Lord ne cheke eghu ka mae Samuel, “Uve, igne mae ihei te magnahagheni iara na, iagho fablahini mana mala king.”

Ululahu Samuel 16:10

Ka puhi igne mae Jesi kafe atha ne mei fitu mae thugnare ka mae Samuel. Nu mae Samuel ne cheke eghu ka mana, “Lord na theome vahini kaisei ka mae igre.”

Ululahu Samuel 16:1

Aonu Lord ne cheke eghu ka mae Samuel, “Iagho diꞌanagnafani fabrahu mae Sol, nu iara theome magnahagheni mana te king gna Israel gognarona. Iagho hata oliv oel mala tei hironi mae Jesi ka namono Betlehem. Iara vavahi kaisei mae ka thugna mana ra, eghuteuna iagho tofa oel ka pha'ugna mana na mala king gna Israel.”

Jajis 1:2

Lord ne cheke eghu ka mare, “Vikegna Juda nate kulu tei magra na, naugna iara neke tufa glose ka mare.”

Josua 14:6

Keha maedi Juda ne tei Gilgal ka mae Josua. Eghuteuna mae Kaleb thugna mae Jefune igne, mana kaisei mae ka vikegna mae Kenas. Mana ne cheke eghu ka mae Josua, “Kani au teku tahati ka namono Kades Banea, Lord neke cheke ka mae Moses nogna mae gloku na eidi unha teke magnahaghedi mana ka tapa ra. Iagho jame ghathoniu igne.

Naba 7:12

Aonu mare ne leghuni puhi te mala tufa nodi fafara ka Lord na. Ka narane ulu lahu na, mae Nason, thugna mae Aminadab, mae lidadi vikegna mae Juda gne te mala atha te meidi nodi glepo mala fafara mare re. Eghuteuna ka fapea narane na, mae Netanel, thugna mae Sua, mae lidadi vikegna mae Isaka gne te mala atha te meidi nodi glepo mala fafara mare re. Eghuteuna ka fatilo narane na, mae Eliab, thugna mae Helon, mae lidadi vikegna mae Sebulun gne te mala atha te meidi nodi glepo mala fafara mare re. Eghuteuna ka fafati narane na, mae Elisua, thugna mae Sedeua mae lidadi vikegna mae Ruben gne te mala atha te meidi nodi glepo mala fafara mare re. Eghuteuna ka faglima narane na, mae Selumiel, thugna mae Surisadae mae lidadi vikegna mae Simion gne te mala atha te meidi nodi glepo mala fafara mare re. Eghuteuna ka fa namno narane na, mae Eliasaf, thugna mae Duel mae lidadi vikegna mae Gad gne te mala atha te meidi nodi glepo mala fafara mare re. Eghuteuna ka fa fitu narane na, mae Elisama, thugna mae Amihud mae lidadi vikegna mae Efrem gne te mala atha te meidi nodi glepo mala fafara mare re. Eghuteuna ka fa nhana narane na, mae Gamaliel, thugna mae Pedasua mae lidadi vikegna mae Manase gne te mala atha te meidi nodi glepo mala fafara mare re. Eghuteuna ka fa nheva narane na, mae Abidan, thugna mae Gidion mae lidadi vikegna mae Benjamin gne te mala atha te meidi nodi glepo fafara mare re. Eghuteuna ka fa nabotho narane na, mae Ahiesa, thugna mae Amisadae mae lidadi vikegna mae Dan gne te mala atha te meidi nodi glepo mala fafara mare re. Eghuteuna ka fa nabotho kaisei narane na, mae Pagiel, thugna mae Okran mae lidadi vikegna mae Asa gne te mala atha te meidi nodi glepo mala fafara mare re. Eghuteuna ka fa nabotho phei narane na, mae Ahira, thugna mae Enam mae lidadi vikegna mae Naftali gne te mala atha te meidi nodi glepo mala fafara mare re. Gobigna lepo te mala fafara te atha te mei mare re mala kafe nanabadi gnafa ngala. Mare mala tufa kaisei dis silva te biꞌo, tahugna na thokeni kaisei nei kaisei vido kilo, eghuteuna kaisei dis silva te ikoi eghu, tahugna na thokei nhana gobi gram. Aonu mare ne skel phei dis igre ka nodi skel mae pris re. Phei dis igre fodu ka flaoa nei oliv oel eghu mala fafara ka flaoadi wit te famane keli. Aonu mare jaola ne tufa kaisei dis ikoi teke hohoro ka gol, tahugna na thokei kaisei gobi nabotho gram. Dis igne fodu ka insens. Eghuteuna mare jaola ne tufa kaisei buluka nalhaꞌu gna te majaghani, nei kaisei sipu nalhaꞌu, nei kaisei sipu nalhaꞌu gna te ikoi te kaisei finogha gna. Buluka nei phei sipu teu igre mala fafara te gahu te knotho. Eghuteuna mare atha kaisei nanigot nalhaꞌugna mala fafara mala klino mare ke ulugna Lord. Aonu mare jaola ne tufa phei buluka nalhaꞌudi, baludi glima sipu nalhaꞌu, baludi glima nanigot nalhaꞌu, nei glima sipu nalhaꞌudi te ikodi te kaisei finogha dire. Gobigna lepo te tautagu igre mala fafara mala faglaglana gna te au fakeli mare balugna Lord na.

Naba 2:3

Mae ka vikegna Juda, vikegna Isaka, nei vikegna mae Sebulun re mala edi haghe nodi suga thapuale re file maghati, baludi nodi flagi re. Mare mala au ka nodi kokholo thedire, baludi mae nodi lida na. Ka vikegna Juda, mae lida mare na mae Nason, thugna mae Aminadab. Khaputudi mare re ne thokei fitu salei fati thogha namno gobi. Eghuteuna vikegna Isaka re mala au rhedi vikegna mae Juda. Eghuteuna mae lida ka vikegna mae Isaka re mae Netanel, thugna mae Sua. Khaputudi mare te gnafa na thokei glimafulu fati thogha fati gobi. Ka keha phile na, vikegna Sebulun te mala au tagna na. Eghuteuna mae lida mare na mae Ehab, thugna mae Helon. Khaputudi mare te gnafa na ne thokei glimafulu fitui thogha fati gobi.

Jenesis 49:26

Iara nake fakasa ari ka iagho glepo te keli teke tusu mei God ka iara igre. Glepo te keli mala hata iagho teu iara igre e keli fara uludi glepo te keli fara teke hata vikegu iara tifa ra. God na tusu ari glepo te gnafa igre ka iagho Josep, eigna God neke vahi nigho iagho mala kaisei mae funei ke lamnadi hatimare mae thabusimu iagho igre.

Jenesis 35:23

Namno mae teke karha ka Lea re igre, mae Ruben, mae Simion, mae Livae, mae Juda, mae Isak nei mae Sebulun.

Jenesis 25:31

Nu mae Jekop ne cheke eghu ka mana, “Uve, ulu lahu na iagho tusu mei ka iara nou nolaghi iagho teke kulu karha igne mala jateula mae teke kulu karha ra eghu iara, ame tangomana nga iara te fagheu susupu na eghu.”

Jenesis 48:5

Eghuteuna mae Jekop ne jaola ne cheke eghu, “Iara na cheke eidi phei mae thumu iagho teke karha agne Ijep gre kani teke theome mei nga teku iara ka iagho agne na, mae Manase ghe mae Efraim gre. Funu gognaro te haghe na phei mae sitei igre ginauna na jateula te thofno mae thugu eghu iara ngala ka tathadi naiknore mala jateula mae Ruben ghe mae Simion gre eghu.

Ululahu Kronikols 28:4

“Neuba ngau, Lord noda God tahati maeda Israel neke vahi ghau iara nei vikegu teu iara igre ngala te mala king fruni ni Israel fabrahu tifa tifa. Iara ka vikegna Juda, God neke vahini Juda mala batudi keha vike are. Eghuteuna ka vikegna Juda mana neke vahini tharaknagna mae kmagu iara, eghuteuna ka tharakna igne mana neke magnahaghei ghau iara te mala king frunidi naikno te gnafa agne Israel.

Diutronomi 21:17

Kate tufa mana nogna gobigna lepo re, mana falalase ihei teke kulu karha na, thugna gaꞌase teke theome namhani fara mana na. Neuba glepo te tusu lao mana ka fapea nalhaꞌu na igre, mana mala tusu lao phia fata ka glepo igre ka thugna ulu lahu na naugna ulu lahu nei nogna nolaghi eghu mana.”

Diutronomi 33:17

Vikegna mae Efrem au kmana thogha mae, eghuteuna vikegna mae Manase, jaola au kmana thogha mae. Ghopa phei vike igre nheta jateula buluka teke kulu karha ra eghu, eghuteuna ghotilo lase magra jateula buluka nalhaꞌugna mata ra eghu. Ghopa phei vike igre ginauna tangomana te goigonidi naiknodi keha kantri are, eghuteuna huhurudi naikno igre mala au ka khukrugna nauthoglu igne, ghopa ginauna tangomana te goigonidi mare.