Ululahu Kronikols 5:17 - Buka Blahi Ka Cheke Holo

¹⁷ Mare neke rioriso sukha nanghadi vikegna mae Gad igre ka buka susurei na ka narane te king mae Jotam Juda, eghuteuna mae Jeroboam king gna Israel.

Ululahu Kronikols 5:17 ပူးပေါင်းရင်းမြစ်များ

Fapea Kings 15:32

Ka phei finogha King Peka thugna mae Remalaea te king Israel igre, Jotam thugna mae Asaraea igne neke king Juda.

Fapea Kings 14:28

Gobigna lepo teke edi King Jeroboam igre, nei teke frane mana ka vido te magra igre, nei teke hata fapulo mana phei namono Damaskas ghe Hamat ka kantri Juda teke nogna mae Asaraea igre eghu, mare neke rioriso soru ka Buka Eidi Glepo Teke Edi Hatimare Mae King Di Israel.

Fapea Kings 14:16

Eghuteuna kate lehe mae King Jehoas na, mare ne giugilu thini gna mana na Samaria, ka bekudi kuꞌegna re, eghuteuna thugna mana, mae Jeroboam neke king tughuni mana Israel.

Fapea Kings 15:5

Lord ne nhaꞌa lao kaisei thubu te thono diꞌa fara te kiloi leprosi ka thinigna mae king na ne ghilei lehe mana. Aonu mana tei ne au sopa thegna ka kaisei suga, eghuteuna mae Jotam thugna mana igne teke gavana ka kantri Juda.

Fapea Kronikols 27:1

Jotam neke varadaki glima finoghagna neu neke king, eghuteuna mana neke king Jerusalem nabotho namno finogha. Idogna mana na Jerusa thugna gaꞌase Sadok.

Fapea Kings 14:23

Ka nabotho glima finogha mae Amasaea te king Juda igre, mae Jeroboam thugna King Jehoas igne jaola ne king Israel. Mana ne king ka namono biꞌo Samaria phiatutu kaisei finogha.

Ululahu Kronikols 5:7

Mare ne rioriso sukha tharakna gna mae Ruben. Ka grioriso igne, mare ne lisei sukha nanghadi mae funei igre: Mae Jel, mae Sekaraea,